थु़र्मा 15:19 - थुलुङ राई

¹⁹ “मेम्‍मिमका गो र्‍वाङु, माम्‍चु़नीथो़ ख्‍लोसिक्‍पा वाङसामामिमलाई गुइ दु़खा मेग्‍वाकिमी।

थु़र्मा 15:19 Referans Kwoze

थु़र्मा 15:28

ओराम ल्‍वाडाम वाङमिम हाम वो मेझापा-खारी गानीलाई बेबेसी मेनु़ र्‍वाक्‍पा ल्‍वा माम्‍चु़नी-पेल नुङ गुकु जो़पा लु़त्तोकोम बु।

१ थेसलोनिकी 1:9

गुकु इनीमाडा रोक्‍तोकोम थारीका गानी गुकुलाई जो़होमका हुनाखाना बेत्तिकी। मेम्‍मा ङाटामिमलाई सेव सान्‍मु डिसाका आच्‍छाङाकाम नुङ हाम्‍सी वो मेसिपा माम्‍चु़नीकु लाले-पाङके बोमु ख्‍लोन्‍सिट्‌नी। ओर्मिम खोत्‍ले ल्‍वाकु दुथाम मेर्मिमका सो़मी।

थु़र्मा 15:24

गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

थु़र्मा 26:20

ङादो दमस्‍कसडा, मा यरूशलेमडा मा खोत्‍ले यहूदिया नेब्‍दीडा बाट्‌पामिमलाई, मा वाङसामामिमलाई वो इनीमा छु़ल इनीमा न-गोलामका मिम्‍सिट्‌निमा माम्‍चु़नीडा ख्‍लोन्‍सिट्‌नी, मा मेराम ल्‍वा इनीमा खारीडा रेम्‍बेनी बेउतोमी।

गलाती 2:4

लावो कोङनिम थो़रलु़पा लिसिक्‍पा वा-ल्‍वाकमिम आकीमा सामागोडा रोम्‍डिमा कोक्‍ते खिरिरि दु़म्‍मु बासी र्‍वाम्‍डी। हेङालोने गुकु येशू ख्रीष्‍टनुङ कोले दु़म्‍साका मोशाकु डु़म्‍ला होम्‍साका दोमु बासिक्‍पा ल्‍वाडाम वाङ दु़म्‍तोकोम बाइडा, मा मेर्मिमका गुकु वाङ दु़म्‍तोकोम ल्‍वाकु दुथाम गो-गो चो़पा बेसाका आथावो उनीमा यहूदी डु़म्‍लाकु डु़ल्‍चो़ होप्‍मामङा दु़म्बेन्‍मु माल्‍तिकिम बाइडा।

थु़र्मा 15:10

मेम्‍मिमका सीसिपामिमकु बालामडला ओराम जुवा जु़ल्‍साका हेङा गानी माम्‍चु़नीकु न छाम्‍निमिम? ओराम ने ना इकी ङाउ-खुउमिमका ङा कुर्मु चाप्‍मिडी, ना गुइ ङा चाप्‍सी।

थु़र्मा 21:21

मेर्मिमका इनीमा दुथाम कोङनिम ल्‍वा थो़म्डिम बु, मेराम ल्‍वा ‘वाङसामामिमकु थेतेडा बाट्‌पा यहूदीमिमलाई गानी मोशाकु डु़म्‍ला ङेट्‌नी, इनीमा चो़च्‍चो़मिमकाम खिरिरि मेक्रिम्‍साट्‌नी, मा बेप-पापका बेम्‍खेम्‍डिम डु़म्‍ला होम्‍साका मेबेनी’ र्‍वाक्‍साका सीट्‌निम बु ए।

थु़र्मा 21:25

लावो थो़रलु़पा वाङसामामिमलाई गुकु आरेप्‍माम सेलाखाजेम र्‍याक्‍तोकोमा थु़र्तोकोम बु गानी ङाटालाई सासेट्‌मा पोमु-डुमु, लक्‍चा रिम्‍साका सेट्‌मा सो़ नुङ सिसि मेपेनी, मा नाम्‍सु़रु़ मेबेनी।”