थु़र्मा 15:13 - थुलुङ राई

¹³ मेर्चिप जेमु डु़म्‍चिमा याकूबका आरे र्‍वाक्‍ता, “वा-ल्‍वाकनी, आमा ल्‍वा थो़नी,

थु़र्मा 15:13 Referans Kwoze

थु़र्मा 12:17

पत्रुसका मेर्मिमलाई उ ल्‍वा थो़साका लिबा बाबेड्‌डु़मी, मा माम्‍चु़नीका हेसाका गुलाई झ्‍यालखानलामका पाखा ख्‍लुम्‍डी र्‍वाक्‍पा ल्‍वा मेर्मिमनुङ सो़यु़डु़। “याकूब नुङ थो़रलु़पा वाङमिमलाई वो ओराम ल्‍वा थो़बेट्‌निमी” र्‍वाक्‍तामा पत्रुस मेलामका वाङथो़ ङा लस्‍ल्‍याड्‌डा।

याकूब 1:1

माम्‍चु़नी नुङ ङाचो़ येशू ख्रीष्‍टकु डु़ल्‍चो़ याकूबलामका, नेब्‍दी-नेब्‍दीडा फोन्‍सिक्‍साका बाट्‌पा को-न (१२) दोचो़मिमलाई सेव!

गलाती 2:12

याकूबका थु़र्स्‍तु़मिम मु़चु़मिम रोमु ङादो गुका वाङसामामिमनुङ कोदेपङा पु़थाल्‍लु़। लावो मेर्मिम मु़चु़मिम रोम्‍डिम चङडा गु वाङसामामिमडाम वाङ दु़म्‍साका बाइडा, हेङालोने वाङसामामिम वो कोक्‍ते खिरिरि क्रिम्मु बासी र्‍वाक्‍पामिमडाम ङिम्‍डिम बाइडा।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

याकूब 1:19

आमा द्‌वादीबुङ वा-ल्‍वाकनी, ओराम ल्‍वा थेट्‌नी: खोत्‍ले मु़चु़ दाला थो़पा, वाखा जेपा, मा छोक्‍चो इम्‍सिक्‍पा दु़म्‍मु बासी।

गलाती 1:19

मेसिन्‍डा गो ङाचो़कु ल्‍वाक याकूबडाम वाङमिम थु़र्मामिम सु़लाई वो मेडारुमिवा।

थु़र्मा 22:1

“माम-पाप, वा-ल्‍वाकनी, ओम्‍लो गो इनीमा ङादोडा आमा दुथाममिम ल्‍वा जेङुमिम थो़नी।”

थु़र्मा 21:18

उ दिकाम नेम पावलनुङ गुकु याकूबकाडा लक्‍तोको। मेसिन्‍डा खोत्‍ले एल्‍डरमिम खोम्‍सिम्‍डिम बाइडा।

थु़र्मा 7:2

स्‍तिफनसका र्‍वाक्‍ता, “माम-पाप नुङ वा-ल्‍वाकनी, आनो थो़नी! इकी ङाउ-खुउ अब्राहाम हारानडा बुमु ङादो मेसोपोटामियाडा बाइडालो गुनुङ यु़म-झ्‍वाक्‍सीकु माम्‍चु़नी ल्‍वाला सो़म्‍सिम्‍डिम बाइडा।

थु़र्मा 2:29

“वा-ल्‍वाकनी, इकी ङाउ-खुउ दाऊदकु दुथाम गो मेङिसाका गानीनुङ र्‍वाङु, गु सिडामा क्‍लु़म्‍मिडी, मा उ सु़लु़म ओम्‍लो वो आसिङा बु।

थु़र्मा 2:22

“इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

थु़र्मा 2:14

पत्रुस मे को-कोले (११) थु़र्मामिमनुङ येम्‍स्‍तामा डोक्‍पु लो़लामका र्‍वाक्‍ता, “यहूदिया नुङ यरूशलेमडा बाट्‌पा खोत्‍ले वा-ल्‍वाकनी, गानी ओराम ल्‍वा चनी, मा गो र्‍वाङुमिम ल्‍वा जो़होमका थो़नी।

मर्कूस 15:40

मेसिन्‍डा कोङ-कोङ मेसेममिमका होनोवा बासाका ङा रेम्‍थाम्‍डिम बाइडा। मेर्मिम मेसेममिम मरियम मग्‍दलिनी, याक्‍के याकूब नुङ योसेसचिपकु माम मरियम नुङ सलोमी बाम्‍डी।

थु़र्मा 15:14

हेसाका माम्‍चु़नीका ङादो वाङसामामिमडला उनी न-थो़म रेम्‍बेसाका मेर्मिमगोलाम उनीमा लागि मु़चु़मिम छेट्‌मिडिम ल्‍वा सिमोन पत्रुसका गुइनुङ र्‍वाक्‍ताम बु।