थु़र्मा 15:1 - थुलुङ राई

¹ यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”

थु़र्मा 15:1 Referans Kwoze

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

थु़र्मा 15:5

फरिसीमिमगोडाम चङडा थो़रलु़पा दु़म्‍पामिम कोङनिमका बम्‍डिमा र्‍वाम्‍डी, “वाङसामामिमकाम खिरिरि-क्रिप्‍सी दु़म्‍मु बासी, मा मेर्मिमलाई मोशाकु डु़म्‍ला होम्‍साका दोबेन्‍मुमि बासी।”

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

थु़र्मा 15:24

गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

यूहन्‍ना 7:22

मोशाका गानीलाई कोक्‍ते खिरिरि-क्रिपा डु़म्‍ला ग्‍वाक्‍निमिम बाइडा। (लावो मोशालामका ओराम रोक्‍ताम मेएँ, इकीमा बेब-पापलामका ओराम रोक्‍ताम।) मेम्‍मा वो ङेम्‍सिमुनेम गानी चो़च्‍चो़कु कोक्‍ते खिरिरि क्रिम्‍सानी।

गलाती 2:1

को-ब्‍ल थ चङडा बारनाबासनुङ गो आथावो यरूशलेम लङ्‍डो। मेम्‍लो तीतस वो गुचुकुनुङ लस्‍ताम बाइडा।

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

थु़र्मा 6:14

हेङालोने ओरामका आरे र्‍वाक्‍ताम गुकु थो़त्तोकोम बु, ‘नासरतडाम येशूका ओराम सो़रनेम फाल्‍मी, मा मोशाका गुइलाई ग्‍वाक्‍साड्‌डाम डु़म्‍ला वो वाङमी ङा दु़म्‍बेन्‍मी’।”

कलस्‍सी 2:16

मेम्‍मिमका पोनी-डुनिमिमकु दुथाम, लाले पाङके बेपा चाड लोवो, ख्‍लो़मु-द बोमु चो़म्‍डु़लोम चाड लोवो, ङेम्‍सिमुनेमकाम लावो, हेङा मानेमेबोनिमिम र्‍वाक्‍साका सु़का वो मेजो़पा ल्‍वा इनीमा बुइडला मेउन्‍मिनु़।

थु़र्मा 21:20

ओराम थो़म्‍डिमा मेर्मिमका माम्‍चु़नीकु नङ कोम्‍डी। मेकोतिमा मेर्मिमका पावलनुङ र्‍वाम्‍डी, “रेप्‍नी छारी, यहूदीमिमगोडा थो़रलु़पामिम छो़म सेर्पा बुमी, मा मोशाकु डु़म्‍ला होम्‍साका खारी बोमु मेर्मिम चङको-चङको बुमी।

थु़र्मा 15:22

मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 15:23

मेकोतिमा मेर्मिमका मे ब्‍ललेमिमकु ल्‍वाडा ओराम सेलाखाजेम थु़र्सोम्‍डी: “एन्‍टिओखिया, सिरिया नुङ किलिकियाडा बाट्‌पा वाङसामा थो़रलु़पामिमलाई थु़र्मामिम नुङ एल्‍डरमिमकाम सेव!

थु़र्मा 15:32

यहूदा नुङ सिलास उची त्‍वापङा वो माम्‍चु़नीलाम-जेपा बाच्‍चिमका थो़रलु़पामिमलाई हापा सिजेमलामका सीट्‌चिमिमा उनी सो हन्‍बेसाक्‍चिमी।

गलाती 6:12

पाखानो जो़पा लिसिमु द्‌वाक्‍पामिमकाङा कोक्‍ते खिरिरि क्रिप्‍सी बोमु बासी र्‍वाक्‍साका गानीलाई छो़म र्‍वामी, हेङालोने येशू ख्रीष्‍ट क्रूसडा सासेन्‍सिम्‍डिम ल्‍वाका कोङङा सेल्‍सिमु झाम र्‍वाक्‍पा सीसि सीमिलो उनी त्‍वापडला दु़खा मेरोनु़ र्‍वाक्‍साका मेर्मिमका मेम र्‍वामी।