थु़र्मा 14:7 - थुलुङ राई

⁷ मेसिन्‍डा वो मेर्चिपका येशूकु दुथाममिम जो़पा-सेला थो़बेच्‍चिम बाच्‍ची।

थु़र्मा 14:7 Referans Kwoze

थु़र्मा 14:21

पावल नुङ बारनाबासका मेराम शहरडा जो़पा-सेला थो़बेच्‍चिमिमा सेर्पा सीसिपामिम दु़म्‍बेट्‌चिमी। मेकोतिमा मेर्चिप लुस्‍त्रा, आइकोनियन शहर नुङ पिसिदियाकु एन्‍टिओखिया शहरडा ख्‍लोसिक्‍ची।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

थु़र्मा 16:10

पावलका ओराम मिक्‍सीलाम ल्‍वास्‍तु़म चङडा गुकु माकेडोनिया लक्‍पा मुलु़ बेथाक्‍तोको। मेसिन्‍डाम मु़चु़मिमलाई जो़पा-सेला थो़बेन्‍मु माम्‍चु़नीका गुकुलाई येत्तिकिम रेछा र्‍वाक्‍पा गुकु चक्‍तोको।

थु़र्मा 14:15

“वा-ल्‍वाकनी, गानी हेङा आरेप्‍माम खारी बोनिमिम? गुचुकु वो गानी होप्‍माम मु़चु़ ङा सो़। हाम ना हामकु ल्‍वामिमलामका आच्‍छाङाकाम माम्‍चु़नीडा ख्‍लोमु जो़पा-सेला गानीनुङ सो़प्‍डा गुचुकु रोक्‍चोकोम सो़। सुबु, धामु, दिरिदिन नुङ मेगोडा बाट्‌पामिम खोत्‍ले गुमीका ङा प्रङ्‌मिडी।

थु़र्मा 17:2

उ बादु़खाम होम्‍साका पावल घ्रो़म्‍दीनेमगोनो हुङ्‌डा, मा सु ङेम्‍सिमुनेमसम्‍म मेर्मिमलाई सीत्तो मेसिन्‍डा बाइडा। गुका माम्‍चु़नीकु सिजेमलामका,

थु़र्मा 11:19

स्‍तिफनस सेट्‌मिडिम चङडा थो़रलु़पामिमलाई छो़म दु़खा ग्‍वाम्‍डिमिमका थो़रलु़पामिम बान्‍तेमेनो फोन्‍सिम्‍डी। मेकोतिलो मेर्मिमगोडाम याङ-याङ हापा होनोवाम फोनिके, साइप्रस टापु नुङ एन्‍टिओखिया शहरबाडे लम्‍डिमा यहूदीमिमलाई कोङङा जो़पा-सेला थो़बेट्‌मिडी।

थु़र्मा 8:4

यरूशलेमलामका फोन्‍सिक्‍पामा लक्‍पा थो़रलु़पामिम खोत्‍लेथो़ लम्‍डी, मा येशूकु दुथाम जो़पा-सेला थो़बेन्‍मु चो़म्‍मिडी।