थु़र्मा 14:5 - थुलुङ राई

⁵ वाङसामा नुङ यहूदीमिमका उनी साखामचो़मिमनुङ दु़म्‍साका थु़र्माचिपलाई दु़खा ग्‍वामु नुङ लुङका ओम्‍मुमा सेन्‍मु माल्‍मिडी।

थु़र्मा 14:5 Referans Kwoze

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

थु़र्मा 17:5

लावो वाङमिम यहूदीमिमका ने मेर्मिमडला उनी नाचु़रका बजारबाडेम ङाल्‍पामिमलाई खोप्‍साका शहरडा ङाल्‍बेट्‌मिडी। पावल नुङ सिलासलाई सेर्पा मु़चु़मिमकु ङादोडा रेन्‍मुमा येम्‍सिबेन्‍मु लागि मेर्मिम यासोनकु नेमथो़ लम्‍ल्‍याम्‍डी।

लूका 6:28

सु़का गानीलाई वाइतो बेनी मेर्मिमलाई जि ग्‍वाक्‍निमी, सु़का गानीलाई मेजो़पा बोनी, मेर्मिमकाम लागि सो़म्‍दी बेनी।

मत्ती 5:44

लावो गो गानीलाई र्‍वाङु, इनी स्‍वाक्‍चिमोलाई रिखाम बेनी, मा इनी थो़मतेर्साक्‍पामिमकाम लागि सो़म्‍दी बेनी,

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 14:4

लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।

२ कोरिन्‍थी 11:26

गो हापाखेप दु़पा लाम्‍दी लाम्‍दिङ्डोलो ब्‍लोकुडाम, खुचु़वामिमडाम, आमा त्‍वाकु सामा यहूदीमिमडाम, वाङसामामिमडाम गोलाई हापा ङिम बाइडा। शहरडा, सो़ब्‍दीडा, दिरिदिनडा मा थो़रलु़पा लिसिक्‍पामिमडाम वो हापा ङिम बाइडा।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।

१ थेसलोनिकी 2:16

मेर्मिमका गुकुलाई वाङसामामिम सेल्‍सिक्‍पा जो़पा-सेला थो़बेन्‍मुडाम भोप्‍तिकी। आरे बेसाका मेर्मिमका हापा छु़लमिम बेत्तो लम्‍डी। मेर्मिमडाम छो़म माम्‍चु़नीकु छोक्‍चो बक्‍ताम बु, मा हुम-दडा मेर्मिमलाई देन्‍दे ग्‍वामी।