थु़र्मा 14:4 - थुलुङ राई

⁴ लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।

थु़र्मा 14:4 Referans Kwoze

थु़र्मा 28:24

गुका र्‍वाक्‍ताम ल्‍वाडा याङ-याङका थो़रलु़म्‍डी, याङ-याङका थो़र मेलु़मिवा।

थु़र्मा 19:9

लावो कोङ-कोङका लुङ होप्‍माम उनी न-गो बेम्‍डिमा थो़र मेलु़साका माम्‍चु़नीकाम सिजेमकु कोर्थो़लाम खोत्‍लेकु ङादोडा मेजो़पा जेमु चो़म्‍मिडी। मेम्‍मिमका पावल सीसिपामिमनुङ मेलामका लुक्‍ल्‍याड्‌डा, मा टुरान्‍नसकु सीखोप नेमगोडा लक्‍साका हेल्‍लो लोवो सीथाल्‍लु़मी।

थु़र्मा 14:14

लावो बारनाबास नुङ पावलका ओराम ल्‍वा थो़च्‍चिमा उची ये आ़क्‍चिमा आरे र्‍वाक्‍तो येत्तो मे सेर्पा मु़चु़मिमकाडा ओन्‍तो लक्‍साका र्‍वाक्‍ची,

१ कोरिन्थी 9:5

हाम वाङमिम थु़र्मामिम नुङ ङाचो़ येशूकु ल्‍वाकमिम नुङ केफासका होङङा येशूडा थो़रलु़पा त्‍वाकु नाइमे त्‍वापनुङ लाम्‍दिबेन्‍मु गुकु मेल्‍वाकु मा?

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

यूहन्‍ना 7:43

मेम्‍मिमका येशूकु दुथाम मु़चु़मिम गो-फ दु़म्‍मिडी।

लूका 2:34

शिमियोनका मेर्मिमलाई जि ग्‍वाक्‍तु़मी, मा येशूकु माम मरियमनुङ र्‍वाक्‍ता, “रेप्‍डा, इस्राएलडाम हापा मु़चु़मिमलाई सेल्‍मु मा याङलाई देन्‍दे ग्‍वामु माम्‍चु़नीका ओराम चो़च्‍चो़लाई छेट्‌मिडिम बु। माम्‍चु़नीका गुमीलाई छेखोप होप्‍मामङा थुट्‌मिडिम बु, लावो मु़चु़मिमका गुमीलाई मेद्‌वामी।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 14:5

वाङसामा नुङ यहूदीमिमका उनी साखामचो़मिमनुङ दु़म्‍साका थु़र्माचिपलाई दु़खा ग्‍वामु नुङ लुङका ओम्‍मुमा सेन्‍मु माल्‍मिडी।

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।