थु़र्मा 14:23 - थुलुङ राई

²³ मेर्चिपका मेर्मिमकु मण्‍डली-मण्‍डलीडा एल्‍डरमिम थुच्‍चिमी। मेकोतिमा सो़म्‍दी नुङ उपास बात्तो मेर्मिमका थो़र लु़म्‍डिम माम्‍चु़नीकु ल्‍वाडा मेर्मिमलाई पार्जो़ल्‍चिमी।

थु़र्मा 14:23 Referans Kwoze

तीतस 1:5

इकी बोम्‍द खारी बेसोका, मा खोत्‍ले शहरडा एल्‍डरमिम थुडामी र्‍वाङडोमा गानालाई क्रेट टापुडा पार्जो़ल्‍निम। गो गानालाई र्‍वाङडोम ल्‍वा मेप्‍ल्‍वासा वो।

थु़र्मा 11:30

आरेसाका फम्‍डिम खउलुङ मेर्मिमका बारनाबास नुङ शाऊलकु ल्‍वालामका यरूशलेम मण्‍डलीडाम ङाचो़मिमकाडा थु़र्सोम्‍डी।

याकूब 5:14

हाम गानीगोडाम कोङनिम नो़पा बु? मेरामका मण्‍डलीडाम एल्‍डरमिमलाई येट्‌नुमा एल्‍डरमिमका नो़पालाई तेलका क्‍लक्‍साका येशूकु नङडा सो़म्‍दी बोम्‍सामिनु़।

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

थु़र्मा 20:32

“आथा गो गानीलाई माम्‍चु़नीकु ल्‍वाड्‌डा नुङ उनी दिदामकु सिजेमडा जु़ल्‍निनी, मेरामलामका माम्‍चु़नीका इनीमा थो़र बर्बेत्तो लमी, मा उनी त्‍वाकु मु़चु़मिमगोडा जि ल्‍वापा दु़म्‍बेनी।

१ तिमोथी 5:22

कोङनिमडला ल्‍वा जु़ल्‍साका थुमु छु़रु़प-छु़रु़प मेदु़प्‍सा। कोङनिम मु़चु़कु छु़लडा मेङोल्‍सा। छु़ल बोमुडाम गाना वाङ बाया।

थु़र्मा 20:17

पावलका मिलेटसलामका एफिससडा बाट्‌पा मण्‍डलीडाम एल्‍डरमिम येड्‌डा मु़चु़मिम थु़र्डु़मी।

३ यूहन्‍ना 1:1

मण्‍डली रेपा ङाउ गो यूहन्‍नाका आच्‍छाङा रिखाम बोनिमिम गायस, गानालाई गो ओराम सेलाखाजेम र्‍याक्‍तोङा बेउ।

२ यूहन्‍ना 1:1

माम्‍चु़नीका छेट्‌नामिम द्‌वादीबुङ रिचो़ नुङ इमा चो़मिमलाई मण्‍डली रेपा गो ङाउ यूहन्‍नाका ओराम सेलाखाजेम र्‍याक्‍तोङा बेउ। गो गानीलाई न-गोलामका रिखाम बोनिनी। गो कोङङा गानीलाई रिखाम बोनिनिमिम मेएँ लावो आच्‍छाङाकाम सीसि चक्‍पा खोत्‍लेका गानीलाई रिखाम बोनिमी।

१ पत्रुस 5:1

गानीगोडाम मण्‍डली रेपा ङाउमिमलाई गो छो़म र्‍वाङु, हेङालोने गो वो मण्‍डली रेपा कोले ङाउङा सो़। ख्रीष्‍टका दु़खा ल्‍वाम्‍डिम ल्‍वापा गो वो सो़, मा दिफु झ्‍वामिम उनीमा यु़म-झ्‍वाक्‍सी गो वो ल्‍वाउ।

१ तिमोथी 5:1

ङावा मु़चु़लाई मेभुरा, लावो गुलाई पाप होङ्‍ङा मिम्‍डामा उमा सो हन्‍बेसाडा। त्‍वापडाम याक्‍के मु़चु़मिमलाई त्‍वाकु वोस्‍चो़ ल्‍वाक होङ्‍ङा बेमी।

थु़र्मा 15:6

ओराम ल्‍वाकु दुथाम मुलु़ ख्रिमुलाई थु़र्मामिम नुङ एल्‍डरमिम खोम्‍सिम्‍डी।

थु़र्मा 15:4

मेर्मिम यरूशलेमडा रोम्‍फाम्‍डिमा मण्‍डलीडाम मु़चु़मिम, थु़र्मामिम नुङ एल्‍डरमिमका मेर्मिमलाई सेव साट्‌मिडी। मेकोतिमा पावल, बारनाबासनुङ रोक्‍पामिमका माम्‍चु़नीका मेर्मिमनुङ बेम्‍डिम खोत्‍ले खारीमिमकु दुथाम सो़म्‍डी।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

थु़र्मा 15:23

मेकोतिमा मेर्मिमका मे ब्‍ललेमिमकु ल्‍वाडा ओराम सेलाखाजेम थु़र्सोम्‍डी: “एन्‍टिओखिया, सिरिया नुङ किलिकियाडा बाट्‌पा वाङसामा थो़रलु़पामिमलाई थु़र्मामिम नुङ एल्‍डरमिमकाम सेव!

थु़र्मा 14:26

अटालियालामका डोक्‍पु कुबी-बोक्‍साडा हुच्‍चिमा मेर्चिप एन्‍टिओखिया शहरडा ख्‍लोसिक्‍ची। मेसिन्‍डाम थो़रलु़पामिमका पावल नुङ बारनाबासलाई माम्‍चु़नीकु दिदामडा जो़पा-सेला थो़बेड्‌डा थु़र्मिडिचिम बाइडा, मा मेराम खारी ओम्‍लो मेर्चिपका बोमु दु़म्‍ची।

थु़र्मा 1:22

यूहन्‍नाका कु-रु़दु़म ग्‍वाक्‍तु़म थारीका मा येशू गुइलाम पाह्रीथो़ कोम्‍सिम्‍डिम थारीसम्‍म गुइनुङ बाट्‌पा दु़म्‍मु बासी। मेम्‍मा येशू सिमुलाम बम्‍गेम्‍डिम ल्‍वापा दु़म्‍मु बासी।”

लूका 23:46

मेकोतिमा डोक्‍पु लो़लामका येम्‍डिमा येशूका र्‍वाम्‍डी, “पाआ, गो आमा पेल इनी ल्‍वाडा जु़लु।” मेकोति र्‍वाम्‍डिमा उनी साम लस्‍ता।

मर्कूस 3:14

गुमीनुङ बुमु नुङ जो़पा-सेला दो़प्‍डा थु़र्मु येशूका को-न थु़र्मामिम थुट्‌मिडी।

लूका 2:37

मा अर्दोमे दु़स्‍तामा लेत-ब्‍ल (८४) थ रोक्‍थिड्‌डाम बाइडा। गुका हेल्‍लो वो सो़रनेम मेडिथालु़वा, मा उपास बासाका नुङ सो़म्‍दी बेसाका नेम्‍फु सिन्‍था माम्‍चु़नीकु सो़रलोले बु़थाल्‍लु़।

थु़र्मा 1:24

मेकोतिमा मेर्मिमका आरे र्‍वाम्‍डिमा सो़म्‍दी बेम्‍डी, “खोत्‍ले मु़चु़मिमकु न-गो ल्‍वापा माम्‍चु़नी, ओर्चिपगोडा गानी उहेमलाई छेट्‌निम बु, मेराम गुकुनुङ रेम्‍बेनी।

२ कोरिन्‍थी 8:19

मेकोति कोङङा मेएँ, लावो मेराम ल्‍वाक ने ग्‍वा-ग्‍वा सोक्‍थिट्‍पा खारी बोमुडा ख्‍लो़किनु़ मा गुकुनुङङा यरूशलेम लनु़ र्‍वाक्‍साका मण्‍डलीमिमका थुट्‌मिडिम सो़। गुकु ङाचो़कु नङ कोमु लागि मा वाङमिमलाई ख्‍लो़पा जो़पा खारी बोम्‍सोमु लागि ओराम खारी बोकु।

मत्ती 17:21

[लावो उपास बासाका नुङ सो़म्‍दी बेसाका कोङङा आरेप्‍माम मुनाङ ने कोल्‍मु झाम।]”