थु़र्मा 14:21 - थुलुङ राई

²¹ पावल नुङ बारनाबासका मेराम शहरडा जो़पा-सेला थो़बेच्‍चिमिमा सेर्पा सीसिपामिम दु़म्‍बेट्‌चिमी। मेकोतिमा मेर्चिप लुस्‍त्रा, आइकोनियन शहर नुङ पिसिदियाकु एन्‍टिओखिया शहरडा ख्‍लोसिक्‍ची।

थु़र्मा 14:21 Referans Kwoze

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 14:1

पावल नुङ बारनाबास कोयोङा आइकोनियनडाम यहूदीमिमकु घ्रो़म्‍दीनेमडा लक्‍ची। मेसिन्‍डा मेर्चिप छो़म जो़पा जेच्‍चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्‍डी।

थु़र्मा 13:51

मेम्‍मिमका पावल नुङ बारनाबासका मेर्मिमकु कोर्थो़लाम उची फेमखेलयु़म फुर्कु थेप्‍ची, मा आइकोनियन शहरथो़ लक्‍ची।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

थु़र्मा 14:6

मेर्चिपका ओराम ल्‍वा थो़च्‍चिमा लुकोनियाडाम लुस्‍त्रा शहर, डर्बी शहर नुङ होनो-आथो़म देलबाडे स्‍वाच्‍ची।

थु़र्मा 13:14

पावल नुङ बारनाबास ने पर्गा शहरलामका लुक्‍चिमा पिसिदियाकु एन्‍टिओखिया शहरडा रोक्‍ची। मेम्‍मा ङेम्‍सिमुनेम घ्रो़म्‍दीनेमगोनो सो़रलोले बोमु लागि लक्‍चिमा बाच्‍ची।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

थु़र्मा 16:2

लुस्‍त्रा नुङ आइकोनियन शहरडाम थो़रलु़पामिमका तिमोथीलाई जो़पा मु़चु़ मिम्‍थाल्‍मिडी।

थु़र्मा 15:36

कोलेम पावलका बारनाबासनुङ र्‍वाक्‍ता, “गुची माम्‍चु़नीकु जो़पा-सेला थो़बेट्‌चिमिम खोत्‍ले शहरडाम थो़रलु़पामिमकामबाडे ख्‍लोसिन्‍चिमा लची। मेकोतिमा मेर्मिमका हाम बोम्‍थाल्‍मी र्‍वाक्‍पा ल्‍वा गुची थो़ची।”

थु़र्मा 14:8

लुस्‍त्रा शहरडा गस्‍तालोम ङा उ खेल ब्‍लेट्‌पा कोले मु़चु़ बाइडा। मेरामका हेल्‍लो वो लाम्‍दिमु चाप्‍स्‍तु़म मेबायावा।

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।

थु़र्मा 14:7

मेसिन्‍डा वो मेर्चिपका येशूकु दुथाममिम जो़पा-सेला थो़बेच्‍चिम बाच्‍ची।

थु़र्मा 14:15

“वा-ल्‍वाकनी, गानी हेङा आरेप्‍माम खारी बोनिमिम? गुचुकु वो गानी होप्‍माम मु़चु़ ङा सो़। हाम ना हामकु ल्‍वामिमलामका आच्‍छाङाकाम माम्‍चु़नीडा ख्‍लोमु जो़पा-सेला गानीनुङ सो़प्‍डा गुचुकु रोक्‍चोकोम सो़। सुबु, धामु, दिरिदिन नुङ मेगोडा बाट्‌पामिम खोत्‍ले गुमीका ङा प्रङ्‌मिडी।

थु़र्मा 14:26

अटालियालामका डोक्‍पु कुबी-बोक्‍साडा हुच्‍चिमा मेर्चिप एन्‍टिओखिया शहरडा ख्‍लोसिक्‍ची। मेसिन्‍डाम थो़रलु़पामिमका पावल नुङ बारनाबासलाई माम्‍चु़नीकु दिदामडा जो़पा-सेला थो़बेड्‌डा थु़र्मिडिचिम बाइडा, मा मेराम खारी ओम्‍लो मेर्चिपका बोमु दु़म्‍ची।