थु़र्मा 14:2 - थुलुङ राई

² लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 14:2 Referans Kwoze

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 17:5

लावो वाङमिम यहूदीमिमका ने मेर्मिमडला उनी नाचु़रका बजारबाडेम ङाल्‍पामिमलाई खोप्‍साका शहरडा ङाल्‍बेट्‌मिडी। पावल नुङ सिलासलाई सेर्पा मु़चु़मिमकु ङादोडा रेन्‍मुमा येम्‍सिबेन्‍मु लागि मेर्मिम यासोनकु नेमथो़ लम्‍ल्‍याम्‍डी।

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

थु़र्मा 17:13

लावो पावलका बेरियाडा वो माम्‍चु़नीकु सिजेम दो़सु़म बु र्‍वाक्‍पा थेसलोनिकेडाम यहूदीमिमका थो़म्‍डी। मेकोतिमा मेर्मिम मेसिन्‍डा वो रोम्‍डी। मेम्‍मा सेर्पा मु़चु़मिमलाई सिल्‍साका पावलकु कोर्थो़लाम फम्‍डी।

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 14:4

लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।

थु़र्मा 14:5

वाङसामा नुङ यहूदीमिमका उनी साखामचो़मिमनुङ दु़म्‍साका थु़र्माचिपलाई दु़खा ग्‍वामु नुङ लुङका ओम्‍मुमा सेन्‍मु माल्‍मिडी।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।