थु़र्मा 14:19 - थुलुङ राई

¹⁹ मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 14:19 Referans Kwoze

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

२ कोरिन्‍थी 11:25

सु-खेप गोलाई डु़लु़म्‍चो़का याल्‍ङिडिमी, कोखेप लुङका ओप्‍ङिडिमी, गो हुङडोम डोक्‍पु कुबी-बोक्‍सा सु खेप जस्‍ता। कोखेप ने कोलेम नुङ को सिन्‍था दिरिदिनडा वो बाङडो।

थु़र्मा 14:5

वाङसामा नुङ यहूदीमिमका उनी साखामचो़मिमनुङ दु़म्‍साका थु़र्माचिपलाई दु़खा ग्‍वामु नुङ लुङका ओम्‍मुमा सेन्‍मु माल्‍मिडी।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

२ कोरिन्‍थी 11:23

हाम मेर्मिम ख्रीष्‍टकु डु़ल्‍चो़मिम? गो नेप्‍ची मान्‍थिम होङङा जेत्तोङा लेट्‌पु। गो मेर्मिमडाम हापा जो़पा डु़ल्‍चो़। गो हापा ब्राम्‍दु़ल्‍वा बेउतो। हापा खेप चसिङडोमा बाङडो। हापा इम्‍मु मेचापा बेसाका कोक्‍तेकु रिबाका याल्‍ला सो़सिङडो। हापा खेपङा र्‍वाप्‍डा सिङडो।

थु़र्मा 7:58

मेर्मिमका स्‍तिफनसलाई शहरलामका पाखा ख्‍लुम्‍डी, मा गुलाई सेन्‍मु लागि लुङका ओम्‍मु चो़म्‍मिडी। मेकोतिमा स्‍तिफनसकु कोर्थो़लाम लिमा थेट्‌पामिमका उनी हुम-येमिम शाऊल नङकाम कोले स्‍वालाकु खेलफार्डा जु़ल्‍मिडी।

१ कोरिन्थी 15:31

वा-ल्‍वाकनी, इकी ङाचो़ येशू ख्रीष्‍टका गानीडा बेम्डिम ल्वाडा आमा न भ्रसिड्‍डामका र्‍वामु चापु, गो हेल्‍लो लोवो सिमुङा बासिलोवो सिमु चापु।

थु़र्मा 17:13

लावो पावलका बेरियाडा वो माम्‍चु़नीकु सिजेम दो़सु़म बु र्‍वाक्‍पा थेसलोनिकेडाम यहूदीमिमका थो़म्‍डी। मेकोतिमा मेर्मिम मेसिन्‍डा वो रोम्‍डी। मेम्‍मा सेर्पा मु़चु़मिमलाई सिल्‍साका पावलकु कोर्थो़लाम फम्‍डी।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

थु़र्मा 22:20

इनीमा दुथाम सो़पा स्‍तिफनस सेट्‌मिडिलो गो मेर्मिमकु फार्डा ङा येम्‍तासिट्‌ङोरो, मा सेट्‌पामिमलाम बाङ्‌सिङ्‌डोमा मेर्मिमकु ये-सेम लथाक्‍तोम वो मेर्मिमका चमिमिम ङा बु।’

थु़र्मा 14:21

पावल नुङ बारनाबासका मेराम शहरडा जो़पा-सेला थो़बेच्‍चिमिमा सेर्पा सीसिपामिम दु़म्‍बेट्‌चिमी। मेकोतिमा मेर्चिप लुस्‍त्रा, आइकोनियन शहर नुङ पिसिदियाकु एन्‍टिओखिया शहरडा ख्‍लोसिक्‍ची।

थु़र्मा 13:14

पावल नुङ बारनाबास ने पर्गा शहरलामका लुक्‍चिमा पिसिदियाकु एन्‍टिओखिया शहरडा रोक्‍ची। मेम्‍मा ङेम्‍सिमुनेम घ्रो़म्‍दीनेमगोनो सो़रलोले बोमु लागि लक्‍चिमा बाच्‍ची।

थु़र्मा 14:1

पावल नुङ बारनाबास कोयोङा आइकोनियनडाम यहूदीमिमकु घ्रो़म्‍दीनेमडा लक्‍ची। मेसिन्‍डा मेर्चिप छो़म जो़पा जेच्‍चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्‍डी।

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 14:4

लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।

थु़र्मा 14:18

आरे र्‍वाक्‍चिमा पावल नुङ बारनाबासका मे मु़चु़मिमलाई सासेन्‍मुलामका मेझाम्‍होमका ख्‍लोक्‍चिमी।

थु़र्मा 14:26

अटालियालामका डोक्‍पु कुबी-बोक्‍साडा हुच्‍चिमा मेर्चिप एन्‍टिओखिया शहरडा ख्‍लोसिक्‍ची। मेसिन्‍डाम थो़रलु़पामिमका पावल नुङ बारनाबासलाई माम्‍चु़नीकु दिदामडा जो़पा-सेला थो़बेड्‌डा थु़र्मिडिचिम बाइडा, मा मेराम खारी ओम्‍लो मेर्चिपका बोमु दु़म्‍ची।

थु़र्मा 15:26

पावल नुङ बारनाबासका उनीमा लाले-पाङके बोमु उचीमा मिरो़म ङा इकीमा ङाचो़ येशू ख्रीष्‍टकु ल्‍वाडा ग्‍वाक्‍चिम बु।

२ कोरिन्‍थी 11:26

गो हापाखेप दु़पा लाम्‍दी लाम्‍दिङ्डोलो ब्‍लोकुडाम, खुचु़वामिमडाम, आमा त्‍वाकु सामा यहूदीमिमडाम, वाङसामामिमडाम गोलाई हापा ङिम बाइडा। शहरडा, सो़ब्‍दीडा, दिरिदिनडा मा थो़रलु़पा लिसिक्‍पामिमडाम वो हापा ङिम बाइडा।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।