थु़र्मा 14:1 - थुलुङ राई

¹ पावल नुङ बारनाबास कोयोङा आइकोनियनडाम यहूदीमिमकु घ्रो़म्‍दीनेमडा लक्‍ची। मेसिन्‍डा मेर्चिप छो़म जो़पा जेच्‍चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्‍डी।

थु़र्मा 14:1 Referans Kwoze

थु़र्मा 18:4

ङेम्‍सिमु-ङेम्‍सिमुनेमका पावल घ्रो़म्‍दीनेमडा लस्‍ता, मा यहूदीमिम नुङ ग्रीकमिमलाई जो़होमका येशूकु दुथाम सीत्तो थेसिथेन्‍बेथाल्‍लु़मी।

थु़र्मा 13:51

मेम्‍मिमका पावल नुङ बारनाबासका मेर्मिमकु कोर्थो़लाम उची फेमखेलयु़म फुर्कु थेप्‍ची, मा आइकोनियन शहरथो़ लक्‍ची।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

थु़र्मा 14:21

पावल नुङ बारनाबासका मेराम शहरडा जो़पा-सेला थो़बेच्‍चिमिमा सेर्पा सीसिपामिम दु़म्‍बेट्‌चिमी। मेकोतिमा मेर्चिप लुस्‍त्रा, आइकोनियन शहर नुङ पिसिदियाकु एन्‍टिओखिया शहरडा ख्‍लोसिक्‍ची।

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

रोमी 10:12

यहूदी नुङ वाङसामाडा हाम वो वाङ मिबु। गुमी गुइ खोत्‍लेकाम कोलेङा माम्‍चु़नी बुमी मा गुमीडा सो़म्‍दी बेपा खोत्‍लेलाई हापा जि ग्‍वामी।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

थु़र्मा 19:17

ओराम ल्‍वा एफिससडा बाट्‌पा यहूदीमिम नुङ ग्रीकमिमका थो़म्‍डी। मेकोतिमा मेर्मिम खोत्‍ले छो़म ङा ङिम्‍डी, मा ङाचो़ येशूकु नङ कोम्‍डी।

थु़र्मा 19:8

पावल यहूदीमिमकु घ्रो़म्‍दीनेमगोडा लस्‍तामा सु मुनामसम्‍म मेङिसाका मु़चु़मिमलाई सीड्‌डु़मी। गुका माम्‍चु़नीकु किब्‍दीकु दुथाम जो़होमका सीत्तो मेर्मिमलाई थेसिथेन्‍बेड्‌डु़मी।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

थु़र्मा 17:12

मेम्‍मिमका ओर्मिमगोडाम हापाका येशूडा थो़र लु़म्‍डी। मेकोतिमा नङ धोपा ग्रीक मेसेममिम नुङ ग्रीक वोस्‍चो़मिम वो हापाका येशूडा थो़र लु़म्‍डी।

थु़र्मा 17:4

मेर्मिमगोडाम कोङ-कोङका थो़र लु़म्‍डी, मा पावल, सिलासनुङ लाम्‍दिम्‍डी। छो़म सेर्पा माम्‍चु़नीकु-ङिम जु़ल्‍पा ग्रीक मु़चु़मिम नुङ कोले-नले डोक्‍पु मेसेममिम वो लाम्‍दिम्‍डिम बाइडा।

थु़र्मा 13:43

माम्‍चु़नीकु सो़रलोले बेम्‍डिम चङडा हापा यहूदीमिम नुङ यहूदी दु़म्‍पा माम्‍चु़नीकु ङिम जु़ल्‍पा वाङसामामिम पावल नुङ बारनाबासकु चङचङ लाम्‍दिम्‍डी। मेकोतिमा मेर्चिपका मेर्मिमनुङ ल्‍वा बेत्तो मेर्मिमलाई माम्‍चु़नीकु दिदामडा बानी र्‍वाक्‍साका सो हन्‍बेसाच्‍चिमी।

थु़र्मा 11:21

मे थो़रलु़पामिमडला माम्‍चु़नीकु यु़म बाइडा, मा मे वाङसामामिम हापाका ङा थो़र लु़म्‍डिमा माम्‍चु़नीथो़ ख्‍लोम्‍सिम्‍डी।

थु़र्मा 9:20

मेम्‍मा शाऊल घ्रो़म्‍दीनेममिमबाडे लस्‍तामा येशू ङा माम्‍चु़नीकु चो़ र्‍वाक्‍साका सीमु चो़म्‍डु़मी।

थु़र्मा 21:28

मेकोतिमा मेर्मिम आरे र्‍वाक्‍तो येम्‍डी, “इस्राएलडाम वा-ल्‍वाकनी, ख्‍लो़किनी! मु़चु़मिमलाई बान्‍तेमेनो इकीमा सामा, इकीमा डु़म्‍ला मा इकीमा सो़रनेमकु कोर्थो़लाम सीप्‍बाल्‍पा मु़चु़ ओराम ङा सो़। मेकोति कोङङा मेएँ, ओरामका ग्रीक वाङसामामिमलाई वो सो़रनेमगोडा रेड्‌डु़मी, मा माम्‍चु़नीकु सो़रनेमलाई मेसेपा दु़म्‍बेड्‌डु़म बु।”

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

थु़र्मा 17:17

मेम्‍मिमका पावलका यहूदीमिम नुङ माम्‍चु़नीकु ङिम जु़ल्‍पा ग्रीकमिमलाई घ्रो़म्‍दी नेमडा ल्‍वालामका खाल्‍थाल्‍लु़मी। मेम्‍साका ङा बजारबाडे क्रो़म्‍डु़मिम मु़चु़लाई वो हेल्‍लो लोवो ल्‍वालामका खाल्‍थाल्‍लु़मी।

थु़र्मा 16:1

पावल डर्बी नुङ लुस्‍त्रा शहरडा वो रोक्‍ता। मेसिन्‍डा तिमोथी र्‍वाक्‍मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा।

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 13:5

मेर्चिप सलामिस शहरडा रोक्‍फाट्‌चिमा मेसिन्‍डाम यहूदीमिमकु घ्रो़म्‍दीनेमबाडे माम्‍चु़नीकु दुथाममिम जो़पा-सेला थो़बेट्‌चिमी। मेर्चिपकु खारी बोमु ख्‍लो़पा मर्कूस र्‍वाक्‍मा यूहन्‍ना वो मेर्चिपनुङ बाइडा।

यूहन्‍ना 12:20

मेराम चङडा सो़रलोले बेप्‍डा लक्‍पामिमगोडाम कोङनिम ग्रीकमिम वो बाम्‍डी।

यूहन्‍ना 7:35

यहूदीमिम उनी त्‍वाप-त्‍वापडा र्‍वाबेम्‍डी, “ओराम मु़चु़ बान्‍ते लमु खाप्‍डु़, मा गुइ ओरामलाई ल्‍वामु मेचाप्‍सी? हाम ओराम मु़चु़ ग्रीक मु़चु़मिम गोडा फोन्‍सिक्‍पा यहूदीमिमकाडा लमा ग्रीक मु़चु़मिमलाई सीडु़मिमिम?

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

गलाती 2:3

गोनुङ लक्‍पा तीतस ग्रीक मु़चु़ लोवो उमा कोक्‍ते खिरिरि क्रिप्‍सी दु़म्‍मु बासी र्‍वाक्‍साका सु़का वो मेर्‍वाक्‍मिवा।

थु़र्मा 19:10

नक थसम्‍म आरेसाकाङा दोस्‍ताम बाइडामका एशियाडा बाट्‌पामिम खोत्‍ले यहूदीमिम नुङ ग्रीकमिमका येशूकु दुथाममिम सिजेम थो़म्‍डी।

मर्कूस 7:26

मेराम सिरियाकु फोनिकेडा गस्‍ताम ग्रीक वाङसामा मेसेम बाइडा। मेराम मेसेमका गुमीनुङ, “आमा जाउमो चो़कु रो़मलामका मुनाङपेल कोल्‍साट्‌नी” र्‍वाक्‍ताम-र्‍वाक्‍तामङा बु़डु़होम बाइडा।

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 16:2

लुस्‍त्रा नुङ आइकोनियन शहरडाम थो़रलु़पामिमका तिमोथीलाई जो़पा मु़चु़ मिम्‍थाल्‍मिडी।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।