थु़र्मा 13:50 - थुलुङ राई

⁵⁰ लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 13:50 Referans Kwoze

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

थु़र्मा 21:27

सेपा दु़म्‍मुकु दुथाममिम उपास येतलेम लिसाका हुमु खाप्‍स्‍तु़लो एशियालामका रोक्‍पा यहूदीमिमका सो़रनेमगोनो पावललाई ल्‍वाम्‍डी, मा सेर्पा मु़चु़मिमलाई कोम्‍डिमा गुलाई चु़म्‍मिडी।

थु़र्मा 17:13

लावो पावलका बेरियाडा वो माम्‍चु़नीकु सिजेम दो़सु़म बु र्‍वाक्‍पा थेसलोनिकेडाम यहूदीमिमका थो़म्‍डी। मेकोतिमा मेर्मिम मेसिन्‍डा वो रोम्‍डी। मेम्‍मा सेर्पा मु़चु़मिमलाई सिल्‍साका पावलकु कोर्थो़लाम फम्‍डी।

रोमी 10:2

मेर्मिमकाम माम्‍चु़नीकु दुथाम जो़होमका सो़रलोले बेपा न बु, गो ओराम ल्‍वाकु दुथाम सो़पा बुङु। लावो हेसाका बेपा र्‍वाक्‍साका मेर्मिमका मेचमी।

थु़र्मा 13:43

माम्‍चु़नीकु सो़रलोले बेम्‍डिम चङडा हापा यहूदीमिम नुङ यहूदी दु़म्‍पा माम्‍चु़नीकु ङिम जु़ल्‍पा वाङसामामिम पावल नुङ बारनाबासकु चङचङ लाम्‍दिम्‍डी। मेकोतिमा मेर्चिपका मेर्मिमनुङ ल्‍वा बेत्तो मेर्मिमलाई माम्‍चु़नीकु दिदामडा बानी र्‍वाक्‍साका सो हन्‍बेसाच्‍चिमी।

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

थु़र्मा 6:12

आरेसाका मेर्मिमका मु़चु़मिम, ङाउमिम नुङ यहूदीमिमकु डु़म्‍ला सीपा पातु़म्‍रीमिमलाई कोम्‍डी। मेकोतिमा स्‍तिफनसलाई चु़म्‍मिडिमा मे डोक्‍पु घ्रो़म्‍दीडा रो़-रो़न्‍थु़त्तो रेट्‌मिडी।

थु़र्मा 2:5

मेकोतिलो सुबुडाम खोत्‍ले किब्‍दीलामका माम्‍चु़नीकु ङिम जु़ल्‍पा खोत्‍ले यहूदीमिम यरूशलेमडा रोम्‍डिम बाइडा।

मर्कूस 5:17

मेम्‍मा मेर्मिमका येशूलाई मे उनी देललामका वाङथो़ङा लक्‍नी र्‍वाम्‍डिम-र्‍वाम्‍डिमङा बेम्‍डी।

मत्ती 10:23

मु़चु़मिमका गानीलाई कोले शहरडा दु़खा ग्‍वानिलो कोङमी शहरडा स्‍वानी। हेङालोने आच्‍छाङा गो गानीलाई र्‍वाङु, मिनीचो़ मेयोक्‍थु़मसम्‍म इस्राएलडाम खोत्‍ले शहरडा खारी बोमु मेयु़न्‍सोनी।

मर्कूस 15:43

अरिमाथियाडाम योसेफ मेङिसाका येशूकु सिपा रो़म बिप्‍डा पिलातसकाडा लस्‍ता। गु माम्‍चु़नीकु किब्‍दी लत्तोङा बेपा यहूदीमिमकु डोक्‍पु-घ्रो़म्‍दीडाम कोले ङाउ मु़चु़ बाइडा।

थु़र्मा 14:4

लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।

थु़र्मा 14:5

वाङसामा नुङ यहूदीमिमका उनी साखामचो़मिमनुङ दु़म्‍साका थु़र्माचिपलाई दु़खा ग्‍वामु नुङ लुङका ओम्‍मुमा सेन्‍मु माल्‍मिडी।

थु़र्मा 16:14

मेर्मिमगोडाम थिआटीरा शहरडा बाट्‌पा हापा थिकाम गेगेम चक्‍लेम रङ्‍गकु ये भ्रेट्‌पा, माम्‍चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्‍तु़। पावलका जेस्‍ताम ल्‍वा जो़होमका थेसिथेट्‌नु़ र्‍वाक्‍साका माम्‍चु़नीका मेरामलाई थेसिथेट्‌पा न-गो ग्‍वाम्‍डी।

थु़र्मा 17:4

मेर्मिमगोडाम कोङ-कोङका थो़र लु़म्‍डी, मा पावल, सिलासनुङ लाम्‍दिम्‍डी। छो़म सेर्पा माम्‍चु़नीकु-ङिम जु़ल्‍पा ग्रीक मु़चु़मिम नुङ कोले-नले डोक्‍पु मेसेममिम वो लाम्‍दिम्‍डिम बाइडा।

थु़र्मा 17:12

मेम्‍मिमका ओर्मिमगोडाम हापाका येशूडा थो़र लु़म्‍डी। मेकोतिमा नङ धोपा ग्रीक मेसेममिम नुङ ग्रीक वोस्‍चो़मिम वो हापाका येशूडा थो़र लु़म्‍डी।

थु़र्मा 17:17

मेम्‍मिमका पावलका यहूदीमिम नुङ माम्‍चु़नीकु ङिम जु़ल्‍पा ग्रीकमिमलाई घ्रो़म्‍दी नेमडा ल्‍वालामका खाल्‍थाल्‍लु़मी। मेम्‍साका ङा बजारबाडे क्रो़म्‍डु़मिम मु़चु़लाई वो हेल्‍लो लोवो ल्‍वालामका खाल्‍थाल्‍लु़मी।

थु़र्मा 18:7

मेकोतिमा पावल मेलामका लुक्‍तामा घ्रो़म्‍दीनेमकु फार्डा बाट्‌पा माम्‍चु़नीकु सो़रलोले बेपा तीतस युस्‍तसकु नेमडा लस्‍ता।

थु़र्मा 28:17

सुलेम चङडा पावलका मेसिन्‍डाम यहूदीमिमकु ङाचो़मिमलाई येड्‌डु़मी। मेर्मिम खोम्‍सिम्‍डिमा गुका मेर्मिमनुङ र्‍वाक्‍ता, “वा-ल्‍वाकनी, गो ने त्‍वाकु मु़चु़मिम नुङ त्‍वाकु ङाउमिमका बेम्‍खेम्‍डिम डु़म्‍लाकु कोर्थो़लाम ने हाम वो बेउतोम मेबायावा। लावो यरूशलेमडा बट्‌ङिडिमी मा रोमीमिमकु ल्‍वाड्‌डा गोलाई ग्‍वाङ्‌डिमिम बु।

२ कोरिन्‍थी 11:26

गो हापाखेप दु़पा लाम्‍दी लाम्‍दिङ्डोलो ब्‍लोकुडाम, खुचु़वामिमडाम, आमा त्‍वाकु सामा यहूदीमिमडाम, वाङसामामिमडाम गोलाई हापा ङिम बाइडा। शहरडा, सो़ब्‍दीडा, दिरिदिनडा मा थो़रलु़पा लिसिक्‍पामिमडाम वो हापा ङिम बाइडा।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।