थु़र्मा 13:5 - थुलुङ राई

⁵ मेर्चिप सलामिस शहरडा रोक्‍फाट्‌चिमा मेसिन्‍डाम यहूदीमिमकु घ्रो़म्‍दीनेमबाडे माम्‍चु़नीकु दुथाममिम जो़पा-सेला थो़बेट्‌चिमी। मेर्चिपकु खारी बोमु ख्‍लो़पा मर्कूस र्‍वाक्‍मा यूहन्‍ना वो मेर्चिपनुङ बाइडा।

थु़र्मा 13:5 Referans Kwoze

थु़र्मा 13:14

पावल नुङ बारनाबास ने पर्गा शहरलामका लुक्‍चिमा पिसिदियाकु एन्‍टिओखिया शहरडा रोक्‍ची। मेम्‍मा ङेम्‍सिमुनेम घ्रो़म्‍दीनेमगोनो सो़रलोले बोमु लागि लक्‍चिमा बाच्‍ची।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

थु़र्मा 19:8

पावल यहूदीमिमकु घ्रो़म्‍दीनेमगोडा लस्‍तामा सु मुनामसम्‍म मेङिसाका मु़चु़मिमलाई सीड्‌डु़मी। गुका माम्‍चु़नीकु किब्‍दीकु दुथाम जो़होमका सीत्तो मेर्मिमलाई थेसिथेन्‍बेड्‌डु़मी।

थु़र्मा 18:4

ङेम्‍सिमु-ङेम्‍सिमुनेमका पावल घ्रो़म्‍दीनेमडा लस्‍ता, मा यहूदीमिम नुङ ग्रीकमिमलाई जो़होमका येशूकु दुथाम सीत्तो थेसिथेन्‍बेथाल्‍लु़मी।

थु़र्मा 17:17

मेम्‍मिमका पावलका यहूदीमिम नुङ माम्‍चु़नीकु ङिम जु़ल्‍पा ग्रीकमिमलाई घ्रो़म्‍दी नेमडा ल्‍वालामका खाल्‍थाल्‍लु़मी। मेम्‍साका ङा बजारबाडे क्रो़म्‍डु़मिम मु़चु़लाई वो हेल्‍लो लोवो ल्‍वालामका खाल्‍थाल्‍लु़मी।

थु़र्मा 14:1

पावल नुङ बारनाबास कोयोङा आइकोनियनडाम यहूदीमिमकु घ्रो़म्‍दीनेमडा लक्‍ची। मेसिन्‍डा मेर्चिप छो़म जो़पा जेच्‍चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्‍डी।

थु़र्मा 12:12

ओराम ल्‍वा पत्रुसका चडु़मा गु मर्कूस र्‍वाक्‍मा यूहन्‍नाकु माम मरियमकु नेमडा लस्‍ता। मेसिन्‍डा हापा मु़चु़मिम खोम्‍सिम्‍डिमा सो़म्‍दी बेत्तोङा लेट्‌मिडिम बाइडा।

थु़र्मा 9:20

मेम्‍मा शाऊल घ्रो़म्‍दीनेममिमबाडे लस्‍तामा येशू ङा माम्‍चु़नीकु चो़ र्‍वाक्‍साका सीमु चो़म्‍डु़मी।

२ तिमोथी 4:11

लूका कोङङा गोनुङ बु। मर्कूसलाई मालामा गानानुङङा रेडा, हेङालोने मेरामका खारी बोमुडा गोलाई जो़होमका ख्‍लो़ङी।

कलस्‍सी 4:10

गोनुङङा चतासिक्‍पा अरिस्‍तार्खसका गानीलाई सेव र्‍वाक्‍ताम बु। बारनाबासकु रु़चु़ मर्कूसका वो गानीलाई सेव र्‍वाक्‍ताम बु। उमा दुथाम ङादो गो गानीलाई र्‍वामु दु़म्तोम बु। गु इनीमाडा रोक्‍ता माला जो़होमका हुनाखाना बेनी।

थु़र्मा 15:37

बारनाबासका मर्कूस र्‍वाक्‍मा यूहन्‍नालाई उची त्‍वापनुङ लमु न बु़डु़।

थु़र्मा 12:25

बारनाबास नुङ शाऊलका यरूशलेमडा उची खारी डु़म्‍चिमा एन्‍टिओखिया शहरथो़ ख्‍लोसिक्‍ची। मेर्चिपनुङ मर्कूस र्‍वाक्‍मा यूहन्‍ना वो बाइडा।

मत्ती 20:26

गानीगोडा ने मेप्‍माम मेदु़म। गानीगोडा उहेमका डोक्‍पु दु़म्‍मु न बु़, मेरामका डु़ल्‍चो़का होङङा इनीमा चापे-डुपे बोमु बासी।

थु़र्मा 19:22

मेकोतिमा गुलाई ख्‍लो़पाचिप तिमोथी नुङ इरास्‍तसलाई पावलका माकेडोनियाथो़ थु़र्डु़ची। लावो गु ने कोलेम-नलेम एशियाडा ङा बाइल्‍याड्‌डा।

थु़र्मा 19:29

खोत्‍ले शहरडा मु़चु़मिम येम्‍डी-दुम्‍डी, मा मेर्मिम खोत्‍ले खोम्‍सिम्‍डिमा पावलनुङ लाम्‍दिपा माकेडोनियाडा बाट्‌पा गायस नुङ अरिस्‍तार्खसलाई चु़म्‍मिडी, मा रङ्‍गशाला गोनो थु़त्तो लम्‍डी।