थु़र्मा 13:48 - थुलुङ राई

⁴⁸ वाङसामामिमका ओराम ल्‍वा थो़म्‍डिमा छो़म गेर्सिम्‍डी, मा माम्‍चु़नीकु सिजेमकाम लागि आलासो़ ग्‍वाम्‍डी। मेकोतिमा हेल्‍लो वो मेसिपा त्‍वारो़म ल्‍वामु र्‍वाक्‍साका छेट्‌मिडिम खोत्‍ले मु़चु़का थो़र लु़म्‍डी।

थु़र्मा 13:48 Referans Kwoze

एफिसी 1:4

माम्‍चु़नीकु मिक्‍सीलामडा गुइ छु़ल मान्‍थिम नुङ हाम वो मेख्‍लो़ट्‌पा दु़म्‍सिनु़ र्‍वाक्‍साका सु़म्‍दिसेर प्रङमु ङादोङा गुमीका गुइलाई ख्रीष्‍टडा छेसाड्‌डामी। गुमीका गुइलाई रिखाम बेसाड्‍डामिमका,

रोमी 11:7

मेम माला मेर्मिमलाई हाम दु़स्‍ता मा? खोत्‍ले इस्राएलीमिमका उनी त्‍वाकु नका माल्‍मिडिम ल्‍वा मेडार्मिवा। लावो माम्‍चु़नीका थुट्‌मिडिम इस्राएलीमिमका कोङङा मेराम ल्‍वा डार्मिडी। वाङमिम खोत्‍ले इस्राएलीमिम लुङ होप्‍माम न-गोनुङमा दु़म्‍मिडी।

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

यूहन्‍ना 11:52

नेब्‍दीकाम लागि कोङङा मेएँ, खोत्‍लेथो़ फोन्‍सिक्‍साका बाट्‌पा माम्‍चु़नीकु चो़मिमलाई कोदेप बोमु लागि र्‍वाक्‍मा बाइडा।

एफिसी 1:19

मा गुइ थो़र लु़पामिमकाम लागि उनीमा छो़म डोक्‍पु यु़म हाङको डोक्‍पु बु र्‍वाक्‍पा चनी र्‍वाङुमा वो सो़म्‍दी बेउ। ओराम डोक्‍पु यु़मलामका ङा,

थु़र्मा 2:41

उहेम-उहेमका पत्रुसकु सिजेम उनी नडा रम्‍डी, मेर्मिमका कु-रु़दु़म रम्‍डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्‍सिम्‍डी।

थु़र्मा 22:10

“गो र्‍वाङडो, ‘ङाचो़, आथा गो हाम बेउमिम?’ मेकोतिमा ङाचो़का गोनुङ र्‍वाम्‍डी, ‘बका, मा दमस्‍कस शहरडा लक्‍सा, मा गाना बोमु बासिट्‌पा ङादोङा मुलु़ बेउतोम मेराम खारीमिम गानालाई सीनामी।’

लूका 7:8

हेङालोने आ त्‍वाप ङा वो साखामचो़कु ल्‍वाडा बुङु, मा आमा ल्‍वाडा सिपाहीमिम बुमी। गो कोलेलाई ‘लक्‍सा’ र्‍वाङु, मा मेराम ल मा कोङमीलाई ‘रोका’ र्‍वाङु, मा मेराम रो। गो आमा डु़ल्‍चो़लाई ‘आरे बे’ र्‍वाङुलो मेरामका बु़।”

रोमी 13:1

साखामचो़मिमका र्‍वामिमिम गुइ खोत्‍लेका थो़मु बासी। हेङालोने माम्‍चु़नीलाम रोक्‍पा साखामडाम वाङमिम उहेम वो साखाम मेदु़म। खोत्‍ले साखामचो़मिमलाई माम्‍चु़नीकाङा थुट्‌मिडिम सो़।

थु़र्मा 28:23

मेकोतिमा मेर्मिमका पावलकु ल्‍वा थो़मु लागि कोलेम नेम घ्रो़म्‍सी र्‍वाबेम्‍डी। सेर्पा मु़चु़ पावल बाट्‌पाडा खोम्‍सिम्‍डी। पावल मेर्मिमनुङ नेमसोसोलो आथाम नेम गाम्‍डामसम्‍म ङा जेस्‍ता, मा गुका माम्‍चु़नीकु किब्‍दीकु दुथाम सीड्‌डु़मी, मा मेर्मिमलाई थो़र लु़बेन्‍मु नका येशूकु दुथाममिम ल्‍वा मोशाकु डु़म्‍ला नुङ माम्‍चु़नीलाम-जेपामिमकु खाजेमलाम सीड्‌डु़मी।

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।

थु़र्मा 20:13

पावलका लाम्‍दिसाका लमु चोचु़म्‍डु़म बाइडा, मा गुकु अस्‍सोस शहरलामका गुलाई डोक्‍पु कुबी-बोक्‍साडा हुबेट्‌पा मुलु़ बेत्तोकोम बाइडा। मेम्‍मिमका गुकु ङादो ङा डोक्‍पु कुबी-बोक्‍साडा हुत्तोकोमा अस्‍सोस शहरथो़ लक्‍तोको।

मत्ती 28:16

मेकोतिमा येशूका लक्‍नी बेम्‍डिम गालीलडाम पोप्‍चङडला को-कोले (११) सीसिपामिम लम्‍डी।

२ थेसलोनिकी 3:1

हुम-दडा, वा-ल्‍वाकनी, गुकु गानीलाई र्‍वाकु, आकीमा लागि सो़म्‍दी बेसाट्‌किनी। ङाचो़ येशूकु सिजेम दाला-दाला खोत्‍लेका थो़मिनु़, मा गानी बोनिमिम होङङा मेर्मिमका वो येशूकु सिजेमलाई डोक्‍पु मिम्‍मिनु़।

१ कोरिन्थी 16:15

वा-ल्‍वाकनी, गानी ओराम ल्‍वा चनी, स्‍तिफनासकु नेमडाममिम अखैयाडा खोत्‍लेडाम ङादो थो़रलु़पा मु़चु़मिम सो़। मेर्मिमका माम्‍चु़नीकु मु़चु़मिमकाम चापे-डुपे बोमुडा खोत्‍ले उनी न-गोङा ग्‍वाम्‍डिम बु। गो गानीलाई छो़म र्‍वाङु,

थु़र्मा 15:31

सो हन्‍बेट्‌पा ओराम सेलाखाजेम डाट्‌मिडिमा खोत्‍ले थो़रलु़पामिम छो़म गेर्सिम्‍डी।

थु़र्मा 15:2

मेकोतिमा पावल, बारनाबास मेर्मिमनुङ मेराम ल्‍वाडा छो़म मेदु़मिवा। मेकोतिमा मेसिन्‍डाम थो़र लु़पामिमका पावल नुङ बारनाबास मा वाङमिम कोले-नलेलाई ओराम ल्‍वा ख्रिप्‍डा थु़र्मामिमनुङ एल्‍डरमिमकाडा यरूशलेमडा थु़र्मुलाई छेट्‌मिडी।

थु़र्मा 13:42

पावल नुङ बारनाबास मे घ्रो़म्‍दीनेमलामका लुक्‍चिमा लमु खाप्‍चिलो रोक्‍पा ङेम्‍सिमुनेम वो ओर्मिम ल्‍वा थो़बेट्‌किनी र्‍वाक्‍साका मु़चु़मिमका मेर्चिपनुङ र्‍वाम्‍डिम-र्‍वाम्‍डिम ङा बेम्‍डी।

थु़र्मा 8:8

मेम्‍मिमका मेसिन्‍डाम मु़चु़मिम छो़म गेर्सी द्‌वाम्‍डी।

मत्ती 25:46

“मेर्मिम मु़चु़ हेल्‍लो लोवो देन्‍दे ल्‍वापाम बाट्‌पाडा लमी, लावो माम्‍चु़नीकु लाम्‍दीडा लाम्‍दिपा मु़चु़मिमका ने हेलो वो मेसिपा त्‍वारो़म ल्‍वामी।”

थु़र्मा 13:12

मेसिन्‍डा हाम दु़स्‍ताम मेराम ल्‍वास्‍तु़मा मे साखामचो़का येशूडा थो़र बु़डु़, हेङालोने माम्‍चु़नीकु सीसिडा गु छो़म ङाङाया दु़स्‍ताम बाइडा।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

एफिसी 1:5

भ्रसिक्‍साका उनीमा न होम्साका येशू ख्रीष्‍टलाम गुइ उनी त्‍वाकु चो़मिम दु़म्सिनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

एफिसी 1:11

ख्रीष्‍टनुङ कोदेप दु़स्‍तिमका गुइलाई वो माम्‍चु़नीका खुन्‍चु़म खुसिमु ल्वापा दु़म्बेसाड्‍डामिम बु। खोत्ले ल्वा उनीमा त्‍वाकु न होम्‍साका बेप्‍सोक्‍पा माम्‍चु़नीका इकीमा दुथाम ङादोङा आरेसाका मुलु़ बेम्‍डिम बाइडा।