थु़र्मा 13:4 - थुलुङ राई

⁴ बारनाबास नुङ शाऊल माम्‍चु़नी-पेलका थु़र्मिडिमका सिलुकिया शहरयु़ लक्‍ची। मेकोतिमा मेलामका डोक्‍पु कुबी-बोक्‍साडा हुच्‍चिमा साइप्रस टापुथो़ लक्‍ची।

थु़र्मा 13:4 Referans Kwoze

थु़र्मा 4:36

साइप्रस नेब्‍दीडाम लेवी दोचो़डाम कोङ योसेफ नङकाम मु़चु़ बाइडा। मेरामलाई थु़र्मामिमका बारनाबास र्‍वाक्‍साका डान्‍थाल्‍मिडी (बारनाबास र्‍वाक्‍मा सो हन्‍बेट्‌पा तारापाचो़ सो़)।

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

थु़र्मा 11:19

स्‍तिफनस सेट्‌मिडिम चङडा थो़रलु़पामिमलाई छो़म दु़खा ग्‍वाम्‍डिमिमका थो़रलु़पामिम बान्‍तेमेनो फोन्‍सिम्‍डी। मेकोतिलो मेर्मिमगोडाम याङ-याङ हापा होनोवाम फोनिके, साइप्रस टापु नुङ एन्‍टिओखिया शहरबाडे लम्‍डिमा यहूदीमिमलाई कोङङा जो़पा-सेला थो़बेट्‌मिडी।

थु़र्मा 27:4

मेकोतिमा मेलामका डोक्‍पु कुबी-बोक्‍सा लाम्‍दिमु चो़म्‍डु़, मा ब्‍लोजु़ गुकु लक्‍पा लाम्‍दीथो़ फुत्तोङा बु़डु़मका गुकु ब्‍लोजु़ मेफुट्‌पा साइप्रस टापुकु सो़पलाम लक्‍तोको।

थु़र्मा 20:23

आकोति कोङङा चक्‍पु, शहर-शहरडा गो खिर्सिङुलो दु़खामिम गोडला रोमी, मा चङिमी वो र्‍वाक्‍साका माम्‍चु़नी-पेलका आमा न छ्‌यामी।

थु़र्मा 13:3

मेम्‍मा उपास बासाका सो़म्‍दी बेम्‍डिम चङडा मेर्मिमका उनी ल्‍वा मेर्चिपडला जु़ल्‍तो माम्‍चु़नीकु ल्‍वाड्‌डा ग्‍वाम्‍डिमा थु़र्मिडिची।

थु़र्मा 15:36

कोलेम पावलका बारनाबासनुङ र्‍वाक्‍ता, “गुची माम्‍चु़नीकु जो़पा-सेला थो़बेट्‌चिमिम खोत्‍ले शहरडाम थो़रलु़पामिमकामबाडे ख्‍लोसिन्‍चिमा लची। मेकोतिमा मेर्मिमका हाम बोम्‍थाल्‍मी र्‍वाक्‍पा ल्‍वा गुची थो़ची।”