थु़र्मा 13:27 - थुलुङ राई

²⁷ लावो यरूशलेमडा बाट्‌पा मु़चु़मिम नुङ उनी साखामचो़मिमका येशू सेल्‍पा बुमी र्‍वाक्‍साका मेछेमिवा। माम्‍चु़नीलाम-जेपामिमकु सिजेम ङेम्‍सिमु-ङेम्‍सिमुनेम हेल्‍लो लोवो डान्‍थाल्‍मिडी, लावो थेसिमेथेट्‌मिवा। येशूलाई मेर्मिमका देन्‍दे ग्‍वाक्‍साका मे माम्‍चु़नीकु सिजेमडा र्‍याक्‍मा होङङा रेन्‍थिम्‍डी।

थु़र्मा 13:27 Referans Kwoze

थु़र्मा 3:17

“वा-ल्‍वाकनी, गानी मेचक्‍साका मेम बेन्‍नी र्‍वाक्‍पा गो चक्‍पु, मा इनी साखामचो़मिमका वो मेम ङा बेम्‍डी।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

थु़र्मा 15:21

हेङालोने मेराम र्‍याक्‍मा मोशाकु डु़म्‍ला ङाउ-खुउमिम बाम्‍डिलोम आथामङा शहर-शहरडा सीत्तोङा गेट्‌मिडिमका, मा खोत्‍ले घ्रो़म्‍दी नेमडा खोत्‍ले ङेम्‍सिमु-ङेम्‍सिमुनेम मेराम डात्तोङा लेडिमिम बु।”

लूका 24:20

लावो आकी ङाउ डु़म्‍लाचो़मिम नुङ ङाउमिमका गुमीलाई सेट्‌नी र्‍वाम्‍डिमा क्रूसडा चेन्‍बेट्‌मिडी।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

२ कोरिन्‍थी 3:14

मेराम थारीका इस्राएलडाम मु़चु़मिमकाम थेसीथेट्‍पा न हुप्‍मा बाइडा। आथाल-दिका वो माम्‍चु़नीकु ङादोम सो़रख्रेप्‍सी डान्‍मिलो मेर्मिमका थेसिमेथेन्‍मी। मेर्मिमका ख्रीष्‍टडा थो़र लु़साका कोङङा उनीमा नडा हुप्‍मा ल्‍वा पार्सी मा थेसिथेन्‍मु चाम्‍मी।

१ कोरिन्थी 2:8

ओराम सु़म्‍दिसेरडाम साखामचो़मिम सु़का वो ओराम ल्‍वा थेसिमेथेट्‌मिवा। मेर्मिमका थेसिथेट्‌मिवाम माला यु़म-झ्‍वासिक्‍पा ङाचो़लाई क्रूसडा मेचेट्‌मिवा।

थु़र्मा 28:23

मेकोतिमा मेर्मिमका पावलकु ल्‍वा थो़मु लागि कोलेम नेम घ्रो़म्‍सी र्‍वाबेम्‍डी। सेर्पा मु़चु़ पावल बाट्‌पाडा खोम्‍सिम्‍डी। पावल मेर्मिमनुङ नेमसोसोलो आथाम नेम गाम्‍डामसम्‍म ङा जेस्‍ता, मा गुका माम्‍चु़नीकु किब्‍दीकु दुथाम सीड्‌डु़मी, मा मेर्मिमलाई थो़र लु़बेन्‍मु नका येशूकु दुथाममिम ल्‍वा मोशाकु डु़म्‍ला नुङ माम्‍चु़नीलाम-जेपामिमकु खाजेमलाम सीड्‌डु़मी।

यूहन्‍ना 15:21

गानी आमा सीसिपा दु़म्‍निमका मेर्मिमका गानीलाई मेम बोनी, हेङालोने मेर्मिमका गोलाई थु़र्पा पापलाई मेछेमी।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

यूहन्‍ना 16:3

मेर्मिमका आरेप्‍माम खारी बोमी, हेङालोने मेर्मिमका पापलाई वो छेट्‌मिडिम मिबु, मा गोलाई वो छेट्‌ङिडिमिम मिबु।

यूहन्‍ना 8:28

मेम्‍मिमका येशूका र्‍वाम्‍डी, “मिनीचो़लाई गानी क्रूसडला कोनी, मेम्‍मा गो गुमीङा र्‍वाङ्‌डोम गानी चनी। गो आमा त्‍वाकु साखामडा हाम वो मेबेउ, लावो पापका हाम सीट्‌ङिडिमी मेराम कोङङा जेङु।

लूका 22:34

लावो येशूका र्‍वाम्‍डी, “पत्रुस आच्‍छाङा गो गानालाई र्‍वाङु, गाना गोलाई सुक खेपसम्‍म मेछेपु मेर्‍वानामिमसम्‍म थामा नेमसोसोका स्‍वारेपो मेओ।”

मत्ती 22:29

येशूका मेर्मिमलाई र्‍वाम्‍डी, “गानी जो़होमका थेसिथेट्‌निम मिबु। हेङालोने माम्‍चु़नीकु सिजेम नुङ उनीमा यु़मकु दुथाम गानी मेचनी।

लूका 23:13

मेकोतिमा पिलातसका ङाउ डु़म्‍लाचो़मिम, यहूदीमिमकु ङाउ, मा मु़चु़मिमलाई खोप्‍डु़मी।

यूहन्‍ना 5:39

माम्‍चु़नीकु सिजेम गानी डानी, हेङालोने मेरामका मेसिपा त्‍वारो़म ग्‍वाक्‍सा र्‍वाक्‍पा गानी लु़नी। मेरामका आमा दुथामङा सो़यु़।