थु़र्मा 13:26 - थुलुङ राई

²⁶ “ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।

थु़र्मा 13:26 Referans Kwoze

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

एफिसी 1:13

मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

लूका 1:77

उनीमा मु़चु़मिमलाई उनीमा छु़लमिम हेम्‍सिट्‌मी, मा सेल्‍सिमी र्‍वाक्‍पा न ग्‍वानामी।

लूका 1:69

गुमीका इकीमा लागि उनी त्‍वाकु डु़ल्‍चो़ दाऊदकु चो़-चु़सु़मिमगोलामका सेल्‍पा कोले यु़मचो़ ग्‍वाक्‍साड्‌डामिम बु।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

थु़र्मा 13:43

माम्‍चु़नीकु सो़रलोले बेम्‍डिम चङडा हापा यहूदीमिम नुङ यहूदी दु़म्‍पा माम्‍चु़नीकु ङिम जु़ल्‍पा वाङसामामिम पावल नुङ बारनाबासकु चङचङ लाम्‍दिम्‍डी। मेकोतिमा मेर्चिपका मेर्मिमनुङ ल्‍वा बेत्तो मेर्मिमलाई माम्‍चु़नीकु दिदामडा बानी र्‍वाक्‍साका सो हन्‍बेसाच्‍चिमी।

थु़र्मा 10:35

मु़चु़ उहेम सामाडाम ङा लोवो माम्‍चु़नीकु ङिम जु़ल्‍पा, मा जो़पा खारी बेपा मु़चु़ ङा माम्‍चु़नीका द्‌वामी।

थु़र्मा 5:20

“लक्‍निमा सो़रनेमडा लाले त्‍वारो़मकु दुथाममिम खोत्‍ले ल्‍वा मु़चु़मिमलाई थो़बेट्‌निमी।”

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

मत्ती 10:6

लावो दाम्‍पा भेन्‍दामिम होप्‍माम इस्राएलीमिमकाडा लक्‍नी,

मत्ती 3:9

‘गुकु ने अब्राहामकु चो़-चु़सु़ सो़, मेम्‍मिमका देन्‍दे मेल्‍वाकु’ र्‍वाक्‍पा इनी त्‍वाप-त्‍वापगोडा मेमिम्‍सिट्‌नी, हेङालोने गो गानीलाई र्‍वाङु, माम्‍चु़नीका ओर्मिम लुङकाम वो अब्राहामकु चो़-चु़सु़ प्रङमु चाम्‍मी।

थु़र्मा 16:17

मेराम मेसेम पावल नुङ आकी चङचङ लाम्‍दिडामा आरे र्‍वाक्‍तो येस्‍ता, “ओर्मिम मु़चु़ खोत्‍लेडाम घ्‍ल्‍वापा माम्‍चु़नीकु डु़ल्‍चो़मिम सो़, मा ओर्मिमका गानीलाई हेसाका सेल्‍सिमु चाम्‍नी र्‍वाक्‍पा ल्‍वा सो़प्‍डा रोम्‍डिम बु।”

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

थु़र्मा 28:28

“मेम्‍मिमका गानी ओराम चनी, माम्‍चु़नीकाम सेल्‍सिक्‍पा ओराम सेला गुमीका वाङसामामिमकाडा थु़र्मिडिम बु, मा मेर्मिमका थो़मी।”

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

थु़र्मा 10:2

कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।

थु़र्मा 22:5

डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।