थु़र्मा 13:23 - थुलुङ राई

²³ “माम्‍चु़नीका ङादो र्‍वाम्‍डिम होम्‍साका दाऊदकु चो़-चु़सु़मिमलामका इस्राएलीमिमलाई सेल्‍पा येशू रेट्‌मिडी।

थु़र्मा 13:23 Referans Kwoze

मत्ती 1:1

ओराम येशू ख्रीष्‍टकु पाइमाखाकाम नङमिमकु सु़म्‍दिमोलोम ल्‍वा सो़। येशू ख्रीष्‍ट दाऊदकु दोचो़लामका रोम्‍डी, मा दाऊद अब्राहामकु दोचो़लाममिम बाइडा।

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

यहूदा 1:25

गुमी कोलेङा गुइलाई सेल्‍पा इकी माम्‍चु़नीकु यु़म-झ्‍वाक्‍सी, डोक्‍पु दु़प्‍सी, यु़म नुङ साखाम इकीमा ङाचो़ येशू ख्रीष्‍टलामका खोत्‍ले पुस्‍ता ङादो नुङ हेल्‍लो लोवो दु़म्‍नु़म बुनु़! आमेन।

थु़र्मा 13:32

“माम्‍चु़नीका इकी ङाउ-खुउमिमनुङ ङादो र्‍वाम्‍डिम जो़पा-सेलाकु दुथाम गुचुकु आथा गानीनुङ सो़चुकु।

रोमी 1:3

ओराम जो़पा-सेला ने माम्‍चु़नीकु द्‍वादीबुङ तारापाचो़ येशू ख्रीष्‍टकु दुथाम सो़। गुमी मु़चु़ दु़म्‍साका दाऊद हपकु दोचो़गोडा गम्‍डी।

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

२ पत्रुस 3:2

माम्‍चु़नीकु सिजेम जेपा उनी मु़चु़मिमका माके र्‍वाम्‍डिम ल्‍वा नुङ इकी ङाचो़ नुङ गुइलाई सेल्‍पाका इनी थु़र्मामिमलामका बेबेट्‌निम ल्‍वा गो मिम्‍बेनिनी।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!

रोमी 11:26

मेकोतिमा खोत्‍ले इस्राएलीमिम सेल्‍सिमी। माम्‍चु़नीकु सिजेमडा र्‍याक्‍मा बु, “सियोनलाम सेल्‍पा मु़चु़ रोमी, गुमीका याकूबकु दोचो़लाई मेजो़पा खारीलाम ख्‍लोमी।

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

थु़र्मा 2:30

लावो दाऊद माम्‍चु़नीलाम-जेपा कोले मु़चु़ बाइडा। मेम्‍मिमका उ चो़-चु़सु़मिमगोडाम ङा कोलेलाई हप गन्पा उमा गन्‍खोपडा आच्‍छाङा गट्‌पु र्‍वाक्‍साका ङादो ङा माम्‍चु़नीका र्‍वाम्‍डिम ल्‍वा गुका चडु़म बाइडा।

यूहन्‍ना 7:42

माम्‍चु़नीकु सिजेमका जो़होमका र्‍वाक्‍ताम बु, दाऊद हप गस्‍ताम देल बेथलेहेमडा, दाऊद हपकु चो़-चु़सु़मिमलामका ख्रीष्‍ट गमी।”

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”

लूका 1:69

गुमीका इकीमा लागि उनी त्‍वाकु डु़ल्‍चो़ दाऊदकु चो़-चु़सु़मिमगोलामका सेल्‍पा कोले यु़मचो़ ग्‍वाक्‍साड्‌डामिम बु।

मत्ती 22:42

“ख्रीष्‍टकु दुथाम गानी हाम मिम्‍नी? गु सु़कु चो़?” मेर्मिमका र्‍वाम्‍डी, “गु दाऊदकु चो़।”

मत्ती 21:9

येशू मु़चु़मिमकु थेतेडा बाम्‍डी, मा उनी होनोलाम-आथो़लाम बाट्‌पा खोत्‍ले मु़चु़मिमका आरे र्‍वाक्‍तो येम्‍डी, “दाऊदकु तारापाचो़लाई होसन्‍ना! मिप्रङमाकु नङडा योक्‍पा गुमी जिनुङमा सो़! येप्‍पा पाह्रीलाम माम्‍चु़नीलाई होसन्‍ना!”

मत्ती 1:21

गुका कोले तारापाचो़ कक्‍सु़, मा गाना उनीमा नङ येशू बाबेना, हेङालोने गुमीका उनी त्‍वाकु मु़चु़मिमलाई मेर्मिमकु छु़लमिमडाम सेल्‍मी।”

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”