थु़र्मा 13:2 - थुलुङ राई

² कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

थु़र्मा 13:2 Referans Kwoze

गलाती 1:15

लावो गो गमु ङादोङा गोलाई वाङ बेपा मा उनीमा दिदामलाम गोलाई येट्‌पा माम्‍चु़नीका,

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

२ तिमोथी 1:11

ओराम जो़पा-सेलाकाम लागि जो़पा-सेला थो़बेट्‌पा, थु़र्मा नुङ सीपा कोङ मु़चु़ माम्‍चु़नीका गोलाई थुट्‌ङिडिमिम बु।

१ कोरिन्थी 12:11

ओर्मिम खोत्‍ले गुमी कोलेङा माम्‍चु़नी पेलकु खारी सो़। गुमीका खोत्‍लेलाई त्वाकु न बोमिमिम होम्‍साका राप्‍लावा ग्‍वामी।

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

थु़र्मा 14:26

अटालियालामका डोक्‍पु कुबी-बोक्‍साडा हुच्‍चिमा मेर्चिप एन्‍टिओखिया शहरडा ख्‍लोसिक्‍ची। मेसिन्‍डाम थो़रलु़पामिमका पावल नुङ बारनाबासलाई माम्‍चु़नीकु दिदामडा जो़पा-सेला थो़बेड्‌डा थु़र्मिडिचिम बाइडा, मा मेराम खारी ओम्‍लो मेर्चिपका बोमु दु़म्‍ची।

कलस्‍सी 4:17

अर्खिप्‍पसलाई आरे र्‍वाक्‍नी: “ङाचो़ येशूका गानालाई बेबेट्‌नामिम खारी बेसोका।”

लूका 2:37

मा अर्दोमे दु़स्‍तामा लेत-ब्‍ल (८४) थ रोक्‍थिड्‌डाम बाइडा। गुका हेल्‍लो वो सो़रनेम मेडिथालु़वा, मा उपास बासाका नुङ सो़म्‍दी बेसाका नेम्‍फु सिन्‍था माम्‍चु़नीकु सो़रलोले बु़थाल्‍लु़।

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

एफिसी 3:7

माम्‍चु़नीकु डोक्‍पु दिदाम नुङ यु़मलामका माम्‍चु़नीका गोलाई राप्‍लावा ग्‍वाक्‍साका जो़पा-सेला थो़बेट्‌पा उनीमा डु़ल्‍चो़ दु़म्‍बेट्‌ङिडिमी।

थु़र्मा 13:3

मेम्‍मा उपास बासाका सो़म्‍दी बेम्‍डिम चङडा मेर्मिमका उनी ल्‍वा मेर्चिपडला जु़ल्‍तो माम्‍चु़नीकु ल्‍वाड्‌डा ग्‍वाम्‍डिमा थु़र्मिडिची।

थु़र्मा 10:30

मेकोतिमा कर्नेलियसका र्‍वाक्‍ता, “ब्‍ललेम ङादो ओराम थारीकाङा नेम्‍फुम सु जेस्‍ताम बिलि नेमडा गो सो़म्‍दी बेउतोम बाङडो। मेकोतिलो कोचोत्ति बुबुयाम ये फतासिट्‌पा कोङ पाह्रीचो़ आमा ङादोडा रेम्‍बेसिड्‌डा,

थु़र्मा 10:19

पत्रुसका मिक्‍सीलामकु दुथाम आथावो मिम्‍डु़म बाइडालो माम्‍चु़नी-पेलका गुनुङ र्‍वाम्‍डी, “रेप्‍डा, सुले मु़चु़मिमका गानालाई माल्‍तोङा बोनामी।

थु़र्मा 8:29

मेकोतिमा माम्‍चु़नी-पेलका फिलिपनुङ र्‍वाम्‍डी, “लक्‍सामा मेराम रथडलाम मु़चु़लाई क्रो़म्‍डा।”

मत्ती 9:38

मेम्‍मिमका उनी मा-के खोम्‍मु खारी बेपा मु़चु़मिम थु़र्नी र्‍वाक्‍साका मा-के थोक्‍पा ये-दकु ङाचो़लाई सो़म्‍दी बेनी।”

मत्ती 6:16

“गानी उपास बुनिलो मु़चु़मिमकु मिक्‍सीलामडा जो़पा लिसिक्‍पामिम होङङा इनी ङाली मेडन्‍थाट्‌नी। हेङालोने मेर्मिमका उपास बाम्‍डिम मु़चु़मिमलाई रेम्‍बोमु लागि उनी ङाली डमी। आच्‍छाङा गो गानीलाई र्‍वाङु, मेर्मिमका उनी पुरस्‍कार ल्‍वामु दु़म्‍मिडिम बु।

हिब्रू 5:4

सु़का वो त्‍वाका न बेसाका डोक्‍पु डु़म्‍लाचो़ दु़म्‍मु मेचाप्‍सु़। लावो हारूनलाई होम्‍साका गुलाई खारी बेप्‍डा माम्‍चु़नीका येट्‌मिडिम दु़म्‍मु बासी।

२ तिमोथी 4:11

लूका कोङङा गोनुङ बु। मर्कूसलाई मालामा गानानुङङा रेडा, हेङालोने मेरामका खारी बोमुडा गोलाई जो़होमका ख्‍लो़ङी।

२ तिमोथी 4:5

लावो गाना खोत्‍ले थारीका त्‍वापलाईङा जो़होमका जु़ला, दु़खा इम्‍डा, जो़पा-सेला थो़बेडामी, मा माम्‍चु़नीका बेबेट्‌नामिम खोत्‍ले खारी बे।

२ कोरिन्‍थी 11:27

गो छो़म मेझापा नुङ घ्रु़म्‍पा खारी बेउतो मा हापा खेप मेअम्‍ङुवा। गो क्रु़म कोडा सिङडो मा हापा खेपङा पोमुडुमु मान्‍थिम दु़म्‍ङोडो। ये-सेम मान्‍थिम दु़म्‍ङोडो मा जुका क्रो़न्‍ङिडी।

२ कोरिन्‍थी 6:5

गुकु याल्‍ला सो़सित्तोको, चला सो़सित्तोको मा मु़चु़मिमलाम मेजो़पा बेला सो़सित्तोको, ब्राम्‍दु़ल्‍वा बेत्तोको, सिन्‍था अम्‍मु मेल्‍वाकुवा मा क्रु़मङा बात्तोको।

१ कोरिन्थी 7:5

वोचु़-मोचु़ अम्‍मुडाम उची त्‍वापलाई वाङ मेबोचिनु़। वाङ दु़म्निङा लोवो त्‍वाप-त्‍वापडा मुलु़ बेसाका सो़म्‍दी बोमु लागि कति दु़पा थारीका वाङ दु़म्नी। मेम्‍मा आथावो कोयो बानी, मेएँ माला ने इनी त्‍वापलाई जो़होमका मेजु़ल्‍निमिमका शैतानका गानीलाई छु़ल वाम्बेन्मु चाम्नी।

रोमी 15:16

वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।

रोमी 10:15

थो़बेट्‍पा मु़चु़ मेथु़र्थु़म हेसाका थो़बेन्‍मुमी? माम्‍चु़नीकु सिजेमडा र्‍याक्‍मा बु, “जो़पा-सेला थो़बेट्‍पामिमकु खेल हाङको जो़पा!”

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

थु़र्मा 6:4

मेकोतिमा गुकु ने सो़म्‍दी नुङ सिजेमकु लाले-पाङके ङा बोमुम बुमु बासी।”

लूका 10:1

मेकोतिमा ङाचो़ येशूका वाङमिम येत धु़म (७०) मु़चु़मिमलाई थुट्‌मिडी। मेम्‍मा गुमी लमु खाप्‍मिडिम खोत्‍ले शहर नुङ देलडा उनी त्‍वाप लमु ङादो मेर्मिमलाई न-नले बेसाका थु़र्मिडी।

थु़र्मा 4:36

साइप्रस नेब्‍दीडाम लेवी दोचो़डाम कोङ योसेफ नङकाम मु़चु़ बाइडा। मेरामलाई थु़र्मामिमका बारनाबास र्‍वाक्‍साका डान्‍थाल्‍मिडी (बारनाबास र्‍वाक्‍मा सो हन्‍बेट्‌पा तारापाचो़ सो़)।

थु़र्मा 13:4

बारनाबास नुङ शाऊल माम्‍चु़नी-पेलका थु़र्मिडिमका सिलुकिया शहरयु़ लक्‍ची। मेकोतिमा मेलामका डोक्‍पु कुबी-बोक्‍साडा हुच्‍चिमा साइप्रस टापुथो़ लक्‍ची।

मत्ती 17:21

[लावो उपास बासाका नुङ सो़म्‍दी बेसाका कोङङा आरेप्‍माम मुनाङ ने कोल्‍मु झाम।]”