थु़र्मा 13:16 - थुलुङ राई

¹⁶ मेकोतिमा पावल येम्‍स्‍तामा उ ल्‍वा थो़त्तो र्‍वाक्‍ता, “ए इस्राएलडाम मु़चु़ नुङ माम्‍चु़नीकु ङिम जु़ल्‍पानी, थो़नी,

थु़र्मा 13:16 Referans Kwoze

थु़र्मा 12:17

पत्रुसका मेर्मिमलाई उ ल्‍वा थो़साका लिबा बाबेड्‌डु़मी, मा माम्‍चु़नीका हेसाका गुलाई झ्‍यालखानलामका पाखा ख्‍लुम्‍डी र्‍वाक्‍पा ल्‍वा मेर्मिमनुङ सो़यु़डु़। “याकूब नुङ थो़रलु़पा वाङमिमलाई वो ओराम ल्‍वा थो़बेट्‌निमी” र्‍वाक्‍तामा पत्रुस मेलामका वाङथो़ ङा लस्‍ल्‍याड्‌डा।

थु़र्मा 13:26

“ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।

थु़र्मा 10:2

कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।

रेम्‍बेट्‌मिडिम ल्‍वा 2:29

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़।

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

रेम्‍बेट्‌मिडिम ल्‍वा 2:11

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेम मु़चु़ घ्‍ल्‍वा, मेराम आथावो चङडा सिमु मेबासी।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

थु़र्मा 22:22

मेर्मिमका पावलकु ल्‍वा आकोतिङा थो़म्‍डी, मा आरेसाका येत्तो प्रोमु चो़म्‍मिडी, “ओराम मु़चु़लाई सेट्‌नी! हेङालोने ओराम मु़चु़ सुबुडा बुमुका घ्रेट्‌पा मिबु!”

थु़र्मा 21:40

कमाण्‍डरका पावललाई जेमु ग्‍वाक्‍तु़मका, देम्‍कुलीडा येम्‍स्‍तामा उ ल्‍वा थो़त्तो मे सेर्पा मु़चु़मिमलाई लिबा बाबेड्‌डु़मी। मु़चु़मिम लिबा बाम्‍डिम चङडा गुका मेर्मिमनुङ हिब्रू ल्‍वालाम आरे र्‍वाक्‍ता,

थु़र्मा 19:33

मे यहूदीमिमका अलेक्‍जेन्‍डर र्‍वाक्‍मालाई खोत्‍ले मु़चु़मिमकु ङादोनो येम्‍सिबेट्‌मिडी। मेकोतिमा मेर्मिमगोडाम कोङ-कोङका हाम-हुम सो़नी र्‍वाक्‍साका गुनुङ र्‍वाम्‍डी। अलेक्‍जेन्‍डरका उ ल्‍वा थो़त्तो मे मु़चु़मिमनुङ हाम-हुम सो़मु माल्‍लु़।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

थु़र्मा 10:35

मु़चु़ उहेम सामाडाम ङा लोवो माम्‍चु़नीकु ङिम जु़ल्‍पा, मा जो़पा खारी बेपा मु़चु़ ङा माम्‍चु़नीका द्‌वामी।

थु़र्मा 3:12

मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?

थु़र्मा 2:22

“इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

थु़र्मा 2:14

पत्रुस मे को-कोले (११) थु़र्मामिमनुङ येम्‍स्‍तामा डोक्‍पु लो़लामका र्‍वाक्‍ता, “यहूदिया नुङ यरूशलेमडा बाट्‌पा खोत्‍ले वा-ल्‍वाकनी, गानी ओराम ल्‍वा चनी, मा गो र्‍वाङुमिम ल्‍वा जो़होमका थो़नी।

लूका 1:50

उनीमा ङिमजु़ल्‍पामिमडला गुमीका हेल्‍लो लोवो न-थो़म चो़-चु़सु़लामका योयो-पेपेसम्म रेम्‍बोमी।

मत्ती 11:15

उहेमकाम थो़पा नोफ्‍ला बु, मेरामका थो़सु़नु़, मा थेसिथेट्‌नु़।

लूका 23:40

लावो ख्‍ल्‍याम्‍या बेपा कोङमी मु़चु़का गुलाई भुर्तो र्‍वाक्‍ता, “गाना वो गुमीका ल्‍वापा देन्‍दे ल्‍वात्तोङा बोना। मावो माम्‍चु़नीकु ङिम मेजु़ल्‍ना?

लूका 1:22

जकरिया पाखानो लुक्‍तालो मेर्मिमनुङ जेमु ङा मेचाप्‍सु़वा, मा गुका सो़रनेमगोनो मिक्‍सीलाम ल्‍वास्‍तु़ र्‍वाक्‍पा मु़चु़मिमका चम्‍डी। गु उ सि मेजेपा दु़स्‍तामका गुका मेर्मिमलाई उ ल्‍वा थो़साका सीड्‌डु़मी।