थु़र्मा 13:15 - थुलुङ राई

¹⁵ मोशाकु डु़म्‍ला नुङ माम्‍चु़नीलाम-जेपामिमकु खाजेम डाट्‌मिडिम चङडा घ्रो़म्‍दीनेमडाम डोक्‍पु ङाउमिमका मेर्चिपकाडा आरे र्‍वाक्‍पा सेला थु़र्मिडी, “छारीची, गाचीनुङ मु़चु़मिमकाम सो हन्‍बेट्‌पा कोङनिम सिजेम बु माला जेची।”

थु़र्मा 13:15 Referans Kwoze

हिब्रू 13:22

वा-ल्‍वाकनी, सोहन्‍बेट्‌पा आमा सिजेमडा छो़म न सोक्‍नी र्‍वाङु, हेङालोने गानीलाई र्‍याक्‍तोम ल्‍वा हापा दु़पा मिबु।

थु़र्मा 15:21

हेङालोने मेराम र्‍याक्‍मा मोशाकु डु़म्‍ला ङाउ-खुउमिम बाम्‍डिलोम आथामङा शहर-शहरडा सीत्तोङा गेट्‌मिडिमका, मा खोत्‍ले घ्रो़म्‍दी नेमडा खोत्‍ले ङेम्‍सिमु-ङेम्‍सिमुनेम मेराम डात्तोङा लेडिमिम बु।”

मर्कूस 5:22

घ्रो़म्‍दीनेमगोडाम उनी ङाउमिमगोडाम कोले याइरस र्‍वाक्‍मा मेसिन्‍डा रोक्‍ता, मा येशूलाई ल्‍वास्‍तु़लो कुम्‍स्‍तामा उनीमा खेलडा सेव साड्‌डु़।

१ कोरिन्थी 14:3

लावो माम्‍चु़नीलाम जेपा मु़चु़मिमका सु़ लोवो मु़चु़मिमनुङ जेमी। गुका मेर्मिमलाई यु़मनुङ बर्बेन्मु, सो हन्‍बेन्‍सामु, मा न बन्‍सामु जेमी।

रोमी 12:8

मु़चु़मिमकु सो हन्‍बेट्‍पा राप्‍लावा ल्‍वापाका सो हन्‍बेट्‍नु़, खेरेला दु़म्‍पा मु़चु़मिमलाई ख्‍लो़मु राप्‍लावा ल्‍वापाका न-गोलामका ख्‍लो़यु़नु़, मण्‍डलीडाम ङाचो़ दु़म्‍मु राप्‍लावा ल्‍वापामिमका न-गोलामका ङाचो़कु खारी बु़नु़, न-थो़म रेम्‍बोमु राप्‍लावा ल्‍वापाका गेर्सी द्‍वाक्‍साका न-थो़म रेम्‍बु़नु़।

थु़र्मा 22:1

“माम-पाप, वा-ल्‍वाकनी, ओम्‍लो गो इनीमा ङादोडा आमा दुथाममिम ल्‍वा जेङुमिम थो़नी।”

थु़र्मा 18:17

मेकोतिमा मेर्मिम खोत्‍लेका घ्रो़म्‍दीनेमडाम ङाउ सोस्‍थेनेसलाई चु़म्‍मिडिमा अदालतकु ङादोडा ङा याल्‍मिडी। लावो गलियोनका मेराम ल्‍वाथो़ हाम वो न मेसोकु़वा।

थु़र्मा 13:27

लावो यरूशलेमडा बाट्‌पा मु़चु़मिम नुङ उनी साखामचो़मिमका येशू सेल्‍पा बुमी र्‍वाक्‍साका मेछेमिवा। माम्‍चु़नीलाम-जेपामिमकु सिजेम ङेम्‍सिमु-ङेम्‍सिमुनेम हेल्‍लो लोवो डान्‍थाल्‍मिडी, लावो थेसिमेथेट्‌मिवा। येशूलाई मेर्मिमका देन्‍दे ग्‍वाक्‍साका मे माम्‍चु़नीकु सिजेमडा र्‍याक्‍मा होङङा रेन्‍थिम्‍डी।

थु़र्मा 20:2

मेसिन्‍डाम देलगुथाबाडे पावल लस्‍तामा थो़रलु़पामिमकु उनी सो हन्‍बेट्‌जो़ल्‍लु़मी, मा गु ग्रीसथो़ ख्‍लोसिड्‌डा।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

थु़र्मा 15:7

थामासम्‍म ल्‍वा जेम्‍डिमा पत्रुसका येम्‍स्‍तामा र्‍वाक्‍ता, “ए वा-ल्‍वाकनी, ङादोम थारीका वाङसामामिमलाई जो़पा-सेला थो़बेन्‍मु गानीगोलामका माम्‍चु़नीका गोलाई थुट्‌ङिडिमी, मा मेर्मिमका जो़पा-सेला थो़म्‍डिमा येशूडा थो़र लु़म्‍डिम ल्‍वा गानी चनिमिम ङा बु।

थु़र्मा 7:2

स्‍तिफनसका र्‍वाक्‍ता, “माम-पाप नुङ वा-ल्‍वाकनी, आनो थो़नी! इकी ङाउ-खुउ अब्राहाम हारानडा बुमु ङादो मेसोपोटामियाडा बाइडालो गुनुङ यु़म-झ्‍वाक्‍सीकु माम्‍चु़नी ल्‍वाला सो़म्‍सिम्‍डिम बाइडा।

थु़र्मा 2:37

ओराम ल्‍वा थो़म्‍डिमा मेर्मिमकु न-गो ख्राप्‍डा, मा मेर्मिमका पत्रुस नुङ वाङमिम थु़र्मामिमलाई, “ए वा-ल्‍वाकनी, गुकु हाम बोमु बासी?” र्‍वाक्‍साका हिलाबेम्‍डी।

थु़र्मा 2:29

“वा-ल्‍वाकनी, इकी ङाउ-खुउ दाऊदकु दुथाम गो मेङिसाका गानीनुङ र्‍वाङु, गु सिडामा क्‍लु़म्‍मिडी, मा उ सु़लु़म ओम्‍लो वो आसिङा बु।

थु़र्मा 2:4

मेकोतिमा मेर्मिम खोत्‍ले माम्‍चु़नी-पेलका लु़न्‍सिम्‍डी, मा माम्‍चु़नी-पेलका ग्‍वाम्‍डिमिम जेसी होम्‍साका मेर्मिम वाङसामामिमकु ल्‍वाडा जेम्‍डी।

थु़र्मा 1:16

“वा-ल्‍वाकनी, माम्‍चु़नीकु सिजेम रोम्‍थिमुङा बासिट्‌पा बाइडा, मेराम सिजेम येशू चु़म्‍पामिमलाई क्रिपा यहूदाकु दुथाम दाऊदकु सिलाम ङादो ङा माम्‍चु़नी-पेलका जेम्‍डिम बाइडा।

लूका 16:16

“कु-रु़दु़म ग्‍वाक्‍पा यूहन्‍ना रोमु ङादोसम्‍म मोशाकु डु़म्‍ला नुङ माम्‍चु़नीलाम-जेपामिमकु सिजेमका गानीलाई क्रिन्‍निम बाइडा। लावो ओम्‍लो माम्‍चु़नीकु किब्‍दीकु दुथाम जो़पा-सेला गो थो़बेत्तोमिम बु, मा खोत्‍ले मु़चु़मिम माम्‍चु़नीकु किब्‍दीगोडा चाप्‍तो मेचाप्‍तो हुमु माल्‍तोङा बोमी।

थु़र्मा 4:36

साइप्रस नेब्‍दीडाम लेवी दोचो़डाम कोङ योसेफ नङकाम मु़चु़ बाइडा। मेरामलाई थु़र्मामिमका बारनाबास र्‍वाक्‍साका डान्‍थाल्‍मिडी (बारनाबास र्‍वाक्‍मा सो हन्‍बेट्‌पा तारापाचो़ सो़)।

२ कोरिन्‍थी 3:14

मेराम थारीका इस्राएलडाम मु़चु़मिमकाम थेसीथेट्‍पा न हुप्‍मा बाइडा। आथाल-दिका वो माम्‍चु़नीकु ङादोम सो़रख्रेप्‍सी डान्‍मिलो मेर्मिमका थेसिमेथेन्‍मी। मेर्मिमका ख्रीष्‍टडा थो़र लु़साका कोङङा उनीमा नडा हुप्‍मा ल्‍वा पार्सी मा थेसिथेन्‍मु चाम्‍मी।

१ थेसलोनिकी 2:3

गानीलाई गुकु थो़बेत्तोकोम ल्‍वा ने लिमा ल्‍वा मेबायावा। मेजो़पा ननुङमा वो मेबायावा मा सु़लाई लु-फेले बेपा आकीमा न मिबु।