थु़र्मा 13:14 - थुलुङ राई

¹⁴ पावल नुङ बारनाबास ने पर्गा शहरलामका लुक्‍चिमा पिसिदियाकु एन्‍टिओखिया शहरडा रोक्‍ची। मेम्‍मा ङेम्‍सिमुनेम घ्रो़म्‍दीनेमगोनो सो़रलोले बोमु लागि लक्‍चिमा बाच्‍ची।

थु़र्मा 13:14 Referans Kwoze

थु़र्मा 16:13

ङेम्‍सिमुनेम गुकु ब्‍लोकुथो़ लक्‍पा शहरकु पाखालाममिम लाम्‍चोकोलाम लक्‍तोको। सो़म्‍दी बेखोप खोम बु र्‍वाक्‍पा मिम्‍सित्तोकोमा गुकु मेसिन्‍डा लक्‍तोको, मा मेसिन्‍डा खोम्‍सिक्‍पा मेसेममिमनुङ ल्‍वा जेमु चो़म्‍तोको।

थु़र्मा 17:2

उ बादु़खाम होम्‍साका पावल घ्रो़म्‍दीनेमगोनो हुङ्‌डा, मा सु ङेम्‍सिमुनेमसम्‍म मेर्मिमलाई सीत्तो मेसिन्‍डा बाइडा। गुका माम्‍चु़नीकु सिजेमलामका,

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 13:5

मेर्चिप सलामिस शहरडा रोक्‍फाट्‌चिमा मेसिन्‍डाम यहूदीमिमकु घ्रो़म्‍दीनेमबाडे माम्‍चु़नीकु दुथाममिम जो़पा-सेला थो़बेट्‌चिमी। मेर्चिपकु खारी बोमु ख्‍लो़पा मर्कूस र्‍वाक्‍मा यूहन्‍ना वो मेर्चिपनुङ बाइडा।

थु़र्मा 18:4

ङेम्‍सिमु-ङेम्‍सिमुनेमका पावल घ्रो़म्‍दीनेमडा लस्‍ता, मा यहूदीमिम नुङ ग्रीकमिमलाई जो़होमका येशूकु दुथाम सीत्तो थेसिथेन्‍बेथाल्‍लु़मी।

थु़र्मा 19:8

पावल यहूदीमिमकु घ्रो़म्‍दीनेमगोडा लस्‍तामा सु मुनामसम्‍म मेङिसाका मु़चु़मिमलाई सीड्‌डु़मी। गुका माम्‍चु़नीकु किब्‍दीकु दुथाम जो़होमका सीत्तो मेर्मिमलाई थेसिथेन्‍बेड्‌डु़मी।

थु़र्मा 13:44

मेरामकु रोक्‍पा ङेम्‍सिमुनेम खोत्‍ले शहरडाम र्‍वाप्‍डा खोत्‍लेङा मु़चु़मिम माम्‍चु़नीकु सिजेम थो़प्‍डा रोम्‍डी।

थु़र्मा 13:42

पावल नुङ बारनाबास मे घ्रो़म्‍दीनेमलामका लुक्‍चिमा लमु खाप्‍चिलो रोक्‍पा ङेम्‍सिमुनेम वो ओर्मिम ल्‍वा थो़बेट्‌किनी र्‍वाक्‍साका मु़चु़मिमका मेर्चिपनुङ र्‍वाम्‍डिम-र्‍वाम्‍डिम ङा बेम्‍डी।

थु़र्मा 9:20

मेम्‍मा शाऊल घ्रो़म्‍दीनेममिमबाडे लस्‍तामा येशू ङा माम्‍चु़नीकु चो़ र्‍वाक्‍साका सीमु चो़म्‍डु़मी।

लूका 4:16

गुमी नासरत देलडा रोम्‍डी। मेसिन्‍डा गुमी बर्मिडिम बाइडा। गुमी ङादो आथाममिम उनी बादीखाम होम्‍साका ङेम्‍सिमुनेम घ्रो़म्‍दीनेमडा लम्‍डिमा माम्‍चु़नीकु सिजेम डान्‍मु लागि गुमी येम्‍सिम्‍डी।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।