थु़र्मा 13:13 - थुलुङ राई

¹³ पावल नुङ उ ङोप्‍सो़मिम पाफोस शहरलामका डोक्‍पु कुबी-बोक्‍साडा हुम्‍डिमा पामफिलियाकु पर्गा शहरडा रोम्‍डी। मेकोतिमा मर्कूस र्‍वाक्‍मा यूहन्‍नाका मेर्मिमलाई पार्जो़ल्‍लु़मिमा गु यरूशलेमथो़ ख्‍लोस्‍ता।

थु़र्मा 13:13 Referans Kwoze

थु़र्मा 15:38

लावो पावलका मर्कूस र्‍वाक्‍मा यूहन्‍नालाई उची त्‍वापनुङ लमु न मेबु़वा। हेङालोने गु पामफिलियालामका पावल नुङ बारनाबासडाम फ्‍वास्‍तामा लस्‍ताम बाइडा, मा मेर्चिपनुङ कोयो खारी बेप्‍डा मेलक्‍सावाम बाइडा।

थु़र्मा 27:5

गुकु मेराम ङा दिरिदिन दु़म्‍तो किलिकिया नुङ पामफिलिया रोक्‍थितोको, मा लुकियाकु कोङ शहर माइराडा रोक्‍फात्तोको।

थु़र्मा 12:12

ओराम ल्‍वा पत्रुसका चडु़मा गु मर्कूस र्‍वाक्‍मा यूहन्‍नाकु माम मरियमकु नेमडा लस्‍ता। मेसिन्‍डा हापा मु़चु़मिम खोम्‍सिम्‍डिमा सो़म्‍दी बेत्तोङा लेट्‌मिडिम बाइडा।

थु़र्मा 2:10

फ्रिगिया, पामफिलिया, मिश्र नुङ कुरेनीडाम लिबियाकु याङ-याङ देललाम नुङ रोमलामका रोक्‍तिम यहूदी नुङ यहूदीदु़म्‍पामिम खोत्‍लेङा बुइ।

२ तिमोथी 4:11

लूका कोङङा गोनुङ बु। मर्कूसलाई मालामा गानानुङङा रेडा, हेङालोने मेरामका खारी बोमुडा गोलाई जो़होमका ख्‍लो़ङी।

कलस्‍सी 4:10

गोनुङङा चतासिक्‍पा अरिस्‍तार्खसका गानीलाई सेव र्‍वाक्‍ताम बु। बारनाबासकु रु़चु़ मर्कूसका वो गानीलाई सेव र्‍वाक्‍ताम बु। उमा दुथाम ङादो गो गानीलाई र्‍वामु दु़म्तोम बु। गु इनीमाडा रोक्‍ता माला जो़होमका हुनाखाना बेनी।

थु़र्मा 27:13

रायलालामका जु वाखावा फुन्‍मु चो़म्‍डु़। मेर्मिम खोत्‍लेका आथा ने गुइ लमु चाप्‍सी र्‍वाक्‍पा मिम्‍सिसाका मेर्मिमका हाम्‍बेट्‌मिडिमा जु़ल्‍मिडिम लङ्‍गर थाट्‌मिडी। मेकोतिमा डोक्‍पु कुबी-बोक्‍सा क्रेटकु सो़पभाल थो़मु चो़म्‍मिडी।

थु़र्मा 15:36

कोलेम पावलका बारनाबासनुङ र्‍वाक्‍ता, “गुची माम्‍चु़नीकु जो़पा-सेला थो़बेट्‌चिमिम खोत्‍ले शहरडाम थो़रलु़पामिमकामबाडे ख्‍लोसिन्‍चिमा लची। मेकोतिमा मेर्मिमका हाम बोम्‍थाल्‍मी र्‍वाक्‍पा ल्‍वा गुची थो़ची।”