12 मेसिन्डा हाम दु़स्ताम मेराम ल्वास्तु़मा मे साखामचो़का येशूडा थो़र बु़डु़, हेङालोने माम्चु़नीकु सीसिडा गु छो़म ङाङाया दु़स्ताम बाइडा।
मेराम जादु रेम्बेपा साइप्रसडाम डोक्पु साखामचो़ सर्गियस पौलुसनुङ बाइथाल्ला। सर्गियस पौलुस जो़पा नेप्चीनुङमा बाइडा। गुका शाऊल नुङ बारनाबास येसाका माम्चु़नीकु सिजेम थो़मु न बु़डु़।
खोत्लेका उनीमा नङ कोम्डी, मा गुमीका जेम्डिम न-थो़मनुङमा सिजेम थो़म्डिमा ङाङाया दु़म्मिडी, मा मेर्मिमका र्वाम्डी, “हेसाका गुका आरे र्वामिम? गु ने योसेफकु चो़ मेएँ मा?”
मेराम टापुडाम उनी डोक्पु मु़चु़ पब्लियसकु ये-द मेराम फारबाडे ङा बाइडा। पब्लियसका गुकुलाई उमा नेमडा लक्तिकिमा पोमु-डुमु ग्वाक्तिकी। गुकु मेरामकु नेमडा सुलेम बात्तोको।
मेर्मिम खोत्ले को-न (१२) कोति बाम्डी।
पावल नुङ बारनाबास वाङमी हापा मु़चु़मिमनुङ येशूकु दुथाममिम जो़पा-सेला सीत्तो नुङ सो़त्तो एन्टिओखिया शहरडा बाच्ची।
माम्चु़नीकु सिजेम खोत्ले पिसिदियाकु एन्टिओखियाबाडे फोन्सिड्डा।
लावो उहेम नेप्चीका नुङ पेललामका स्तिफनस जेस्ता, मेर्मिमका गुनुङ हाम वो जेमु ङा मेचाप्मिवा।
सो़रनेम लपा मु़चु़मिमका र्वाम्डी, “मेराम मु़चु़का जेस्ताम होङङा सु़का वो जेम्डिम थो़त्तोकोम मिबु।”
मेकोतिमा मेर्मिम खोत्ले मु़चु़मिम ङिम्डी, मा माम्चु़नीकु नङ कोम्डी। मेम्मा र्वाम्डी, “माम्चु़नीलाम-जेपा कोले छो़म डोक्पु मु़चु़ इकीमाडा योम्डिम बु,” मा “माम्चु़नीका उनी त्वाकु मु़चु़मिमडला न-थो़म रेम्बेम्डिम बु।”
येशूलाई लपाम बाट्पा कप्तान नुङ सिपाहीमिमका सुबुरुक्सी लस्ताम नुङ मेसिन्डा दु़स्ताम खोत्ले ल्वाम्डिमा छो़म ङिम्डी। मेम्मा मेर्मिमका र्वाम्डी, “आच्छाङा ओराम ने माम्चु़नीकु चो़ङा बाइडाम रेछा।”
येशूका बेम्डिम खारी पत्रुस नुङ यूहन्नाका ल्वाच्चिमकु दुथाम नुङ येशूकु दुथाममिम सिजेम मे मु़चु़मिमनुङ दो़च्ची। मेकोतिमा सामरियाडाम देलबाडे लक्ची, मा मेसिन्डाम मु़चु़मिमलाई जो़पा-सेला थो़बेत्तो मेर्चिप यरूशलेमथो़ ख्लोसिक्ची।
लावो एलुमास र्वाक्मा जादु रेम्बेपा बार-येशू मेर्चिपकु कोर्थो़लाम बक्ता। गुका मे साखामचो़लाई माम्चु़नीडा थो़र लु़मेबेन्मु माल्लु़म बाइडा।
वाङसामामिमका ओराम ल्वा थो़म्डिमा छो़म गेर्सिम्डी, मा माम्चु़नीकु सिजेमकाम लागि आलासो़ ग्वाम्डी। मेकोतिमा हेल्लो वो मेसिपा त्वारो़म ल्वामु र्वाक्साका छेट्मिडिम खोत्ले मु़चु़का थो़र लु़म्डी।
कोलेम पावलका बारनाबासनुङ र्वाक्ता, “गुची माम्चु़नीकु जो़पा-सेला थो़बेट्चिमिम खोत्ले शहरडाम थो़रलु़पामिमकामबाडे ख्लोसिन्चिमा लची। मेकोतिमा मेर्मिमका हाम बोम्थाल्मी र्वाक्पा ल्वा गुची थो़ची।”
रोमी गलियोन अखैयाडाम डोक्पु साखामचो़ दु़स्ताम थारीका खोत्ले यहूदीमिम कोले दु़म्मिडी, मा पावललाई चु़म्साका अदालतडा रेट्मिडी,
नक थसम्म आरेसाकाङा दोस्ताम बाइडामका एशियाडा बाट्पामिम खोत्ले यहूदीमिम नुङ ग्रीकमिमका येशूकु दुथाममिम सिजेम थो़म्डी।
आरेसाका माम्चु़नीकु सीसि यु़मनुङमा दु़म्साका फोन्सिक्तो नुङ बर्तो लस्ता।
डेमेत्रियस नुङ गुनुङ खारी बेपामिमकाडा कोङनिमकु कोर्थो़लाममिम रिबुसी-ल्वा बु माला, अदालतडा नुङ निया बेपामिमकाडा लमिनु़मा उनी त्वाप-त्वापडा मेसिन्डा खाल्बोमु चाम्मी।