थु़र्मा 13:11 - थुलुङ राई

¹¹ रेप्‍डा, माम्‍चु़नीका देन्‍दे ग्‍वामु लागि उनी ल्‍वा गानाडला जु़ल्‍मिडिम बु, मा गाना घरिकोङ नेप्‍सुङकु ओल मेल्‍वाना, मा मिक्‍सीका वो मेल्‍वापा दु़म्‍ना।” मेकोतिलोङा खासे नुङ तुकुम्‍चिम होप्‍माम उमा मिक्‍सीडा गन्‍डामा उ मिक्‍सीका मेल्‍वापा दु़स्‍ता। मेम्‍मा कोङनिमका ल्‍वाडा झेन्‍ङिमिमा क्रिङिमी डे र्‍वाक्‍साका मेराम होनो-आथो़ लाम्‍दिम्‍बाल्‍मु चो़म्‍डु़।

थु़र्मा 13:11 Referans Kwoze

हिब्रू 10:31

हेल्‍लो लोवो दु़म्‍पाम बाट्‌पा माम्‍चु़नीलाम देन्‍दे ल्‍वामु ने ङिमलु़पा ल्‍वा सो़।

२ पत्रुस 2:17

लिमा ल्‍वा सीपा ओर्मिम मु़चु़ कु मेपुट्‌पा कुकु नो़मिम नुङ ब्‍लोजु़का हुट्‌पा सिखाप होप्‍माम सो़। माम्‍चु़नीका मेर्मिमकाम लागि छो़म तुकुम्‍चिमका हुपा खोम बनेबेम्‍डिम बु।

यूहन्‍ना 9:39

येशूका र्‍वाम्‍डी, “मिक्‍सीका मेल्‍वापा मु़चु़मिमका मिक्‍सीका ल्‍वामिनु़, मा मिक्‍सीका ल्‍वापामिम मेल्‍वापा दु़म्‍मिनु़ र्‍वाक्‍साका निया बोमु लागि गो सु़म्‍दिसेरडा योङडोम सो़।”

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

थु़र्मा 9:17

मेकोतिमा हननिया लस्‍तामा शाऊल बाट्‌पा नेमगोनो हुङडा। हननियाका उ ल्‍वा शाऊलडला जु़ल्‍तो र्‍वाक्‍ता, “ल्‍वाक शाऊल, गाना इमा मिक्‍सीका ल्‍वानानु़, मा माम्‍चु़नी-पेलका लु़न्‍सिनानु़ र्‍वाक्‍साका गानानुङ मे लाम्‍दीडा रेम्‍बेसिक्‍पा येशूका गोलाई थु़र्ङिडिमिम बु।”