थु़र्मा 13:1 - थुलुङ राई

¹ एन्‍टिओखियाडाम मण्‍डलीडा कोङनिम माम्‍चु़नीलाम-जेपामिम नुङ सीपा मु़चु़मिम बाम्‍डी। मेर्मिम, बारनाबास, केकेम र्‍वाक्‍मा शिमियोन, कुरेनीडाम लुकियस, हेरोद हपकु ल्‍वाक बनेबेम्‍डिमा डु़ल्‍मिडिम मनेन नुङ शाऊल बाम्‍डी।

थु़र्मा 13:1 Referans Kwoze

थु़र्मा 4:36

साइप्रस नेब्‍दीडाम लेवी दोचो़डाम कोङ योसेफ नङकाम मु़चु़ बाइडा। मेरामलाई थु़र्मामिमका बारनाबास र्‍वाक्‍साका डान्‍थाल्‍मिडी (बारनाबास र्‍वाक्‍मा सो हन्‍बेट्‌पा तारापाचो़ सो़)।

थु़र्मा 15:35

पावल नुङ बारनाबास वाङमी हापा मु़चु़मिमनुङ येशूकु दुथाममिम जो़पा-सेला सीत्तो नुङ सो़त्तो एन्‍टिओखिया शहरडा बाच्‍ची।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

थु़र्मा 13:9

लावो पावल र्‍वाकिमिम शाऊल माम्‍चु़नी-पेलका लु़न्‍स्‍ता, मा एलुमासथो़ रेप्‍डु़म-रेप्‍डु़म ङा बु़डु़।

एफिसी 4:11

गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

थु़र्मा 15:32

यहूदा नुङ सिलास उची त्‍वापङा वो माम्‍चु़नीलाम-जेपा बाच्‍चिमका थो़रलु़पामिमलाई हापा सिजेमलामका सीट्‌चिमिमा उनी सो हन्‍बेसाक्‍चिमी।

लूका 3:1

रोमी हप तिबेरियसका किब्‍दी थो़ड्‌डु़म को-ङो (१५) थ दु़स्‍ताम बाइडा। मेकोतिलोका पन्‍तियस पिलातस यहूदियाडाम साखामचो़ दु़स्‍ता। मेराम थारीका ङा हेरोद गालीलडाम साखामचो़ दु़स्‍ता, मा उमा तारापा ल्‍वाक फिलिप इतुरिया नुङ त्राखोनितिसडाम साखामचो़ दु़स्‍ता। लुसानियास अबिलेनेडाम साखामचो़ दु़स्‍ता।

फिलिप्‍पी 4:22

खोत्‍ले सेपा मु़चु़मिमका, मेगोडाम रोमी हप कैसरकु नेमडाममिमका वो, गानीलाई सेव र्‍वाम्‍डिम बु।

गलाती 2:13

पत्रुसका बेपा लिसिड्‍डाम होङङा वाङमिम यहूदी थो़रलु़पामिमका वो उमा बेसी बेम्‍डी, मा बारनाबासका वो मेमङा बोमु बासी र्‍वाक्‍तामा उ त्‍वाका वो मेर्मिमकु बेसी बु़डु़।

१ कोरिन्थी 9:6

डे हाम गो नुङ बारनाबासका कोङङा आची ख्‍वाचेप डु़ल्‍मु लागि खारी बोमु बासी मा?

रोमी 16:21

गोनुङङा खारी बेपा तिमोथी मा आमा यहूदी ल्‍वाकमिम लुकियस, यासोन नुङ सोसिपात्रोसका वो गानीलाई सेव र्‍वाम्‍डिम बु।

थु़र्मा 21:9

मेरामकाम लालीकुन्‍दा मेबेथिङा बाट्‌पा ब्‍लले जाउमोचो़मिम बाम्‍डी, मेर्मिमका माम्‍चु़नीलाम जेम्‍थाल्‍मिडी।

थु़र्मा 19:6

पावलका मेर्मिमडला उ ल्‍वा जु़ल्‍लु़लो माम्‍चु़नी-पेल योम्‍डिमा मेर्मिम वाङसामा ल्‍वाडा जेम्‍डी, मा माम्‍चु़नीलाम वो जेम्‍डी।

थु़र्मा 11:30

आरेसाका फम्‍डिम खउलुङ मेर्मिमका बारनाबास नुङ शाऊलकु ल्‍वालामका यरूशलेम मण्‍डलीडाम ङाचो़मिमकाडा थु़र्सोम्‍डी।

१ थेसलोनिकी 5:20

माम्‍चु़नीलाममिम-जेसीलाई सेम्‍ला मेबेट्‌नी।

थु़र्मा 12:25

बारनाबास नुङ शाऊलका यरूशलेमडा उची खारी डु़म्‍चिमा एन्‍टिओखिया शहरथो़ ख्‍लोसिक्‍ची। मेर्चिपनुङ मर्कूस र्‍वाक्‍मा यूहन्‍ना वो बाइडा।

थु़र्मा 9:1

मेराम थारीसम्‍म वो शाऊलका येशूकु सीसिपामिमलाई सेनिनी र्‍वाक्‍साका ङिमसात्तो लाम्‍दिथाल्‍ला। मेकोतिमा गु डोक्‍पु ङाउ डु़म्‍लाचो़काडा लस्‍ता,

मत्ती 27:32

लाम्‍दीडा लक्‍तोङा बेम्‍डिलो मेर्मिमका कुरेनी शहरलाम बिक्‍पा सिमोन नङकाम कोले मु़चु़ डार्मिडी। मेम्‍मा सिपाहीमिमका मेरामलाई येशूकु क्रूस कुर्मु क्‍र्‍वाम्‍डी।

१ कोरिन्थी 11:4

वोस्‍चो़का सो़म्दी बु़लो लोवो माम्‍चु़नीलाम जेलो बुइ ख्रेप्‍डु़ माला गुका उमा त्‍वाकु बुइ ख्रीष्‍टलाई क्रो़म लु़बेडु़ मा

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

१ कोरिन्थी 13:8

रिखाम हेल्‍लो वो मेदाम, लावो माम्‍चु़नीलाम जेसीमिम दाम, ल्‍वामिम दाम, नेप्‍ची दाम।

१ कोरिन्थी 14:29

माम्‍चु़नीलाम जेपामिम नले, सुलेका कोङङा जेमिनु़, मा वाङमिमका ने मेर्मिमका जेमिमिम ल्‍वा जो़होमका छाम्‍मिनु़।

१ कोरिन्थी 14:32

माम्‍चु़नीलाम जेपामिमकु राप्‍लावा माम्‍चु़नीलाम जेपामिमकाम त्‍वाकु ल्‍वाडा दु़म्‍मिमका मेराम राप्‍लावा जो़होमका थो़मु बासी।