थु़र्मा 12:9 - थुलुङ राई

⁹ पाह्रीचो़कु चङचङ लाम्‍दिडामा पत्रुस झ्‍यालखानलामका पाखा लुक्‍ता। लावो पाह्रीचो़का बु़डु़म ओराम आच्‍छाङाकाम खारी र्‍वाक्‍साका गुका मेचवा। पत्रुसका ने मिक्‍सीलाम डे ल्‍वाउहोमबुङु र्‍वाक्‍पा मिम्‍डु़म बाइडा।

थु़र्मा 12:9 Referans Kwoze

हिब्रू 11:8

थो़रकाङा अब्राहामका दिफु गुका ल्‍वापा बायथो़ लमु माम्‍चु़नीका येट्‌मिडिलो बिसिड्‌डा। मेम्‍मा गु बान्‍थो़ लक्‍तोङा बु़डु़म मेराम मेचकु़वा लोवो गु लस्‍ता।

थु़र्मा 26:19

“मेम्‍मिमका हप अग्रिपास, पाह्रीलाममिम मिक्‍सीलामडा ल्‍वाउतोम होङङा गो खारी बेउतो।

थु़र्मा 10:3

कोलेम नेम्‍फुम सु जेस्‍ताम बिलि कर्नेलियसका मिक्‍सीलामडा माम्‍चु़नीकु पाह्रीचो़ उ त्‍वापथो़ योक्‍तोङा बेपा, मा मे पाह्रीचो़का गुलाई “कर्नेलियस” र्‍वाक्‍तामा डाड्‌डु़म जो़होमका थो़स्‍तु़।

थु़र्मा 11:5

गुका र्‍वाक्‍ता, “कोलेम योप्‍पाडा सो़म्‍दी बेउतोम बाङडोलो, आ न ना थो़म होप्‍माम दु़म्‍ङोडो, मा मिक्‍सीलाम ल्‍वाउतो। ब्‍ल-सुरडा बन्‍थाट्‌मा प्‍लान बेखोप होप्‍माम कोले ये पाह्रीलामका आमाथो़ योक्‍तोङा बु़डु़।

थु़र्मा 10:17

उ त्‍वाका ल्‍वास्‍तु़म मिक्‍सीलामकु दुथाम हाम डे र्‍वाक्‍तामा पत्रुस ङाङाया दु़स्‍ताम बाइडा। मेकोतिलो कर्नेलियसका थु़र्डु़म मु़चु़मिम सिमोनकु नेम माल्‍तो रोम्‍फाम्‍डी, मा लाम्‍चोको फार्डा येम्‍तासिम्‍डी।

थु़र्मा 9:10

मे दमस्‍कसडा हननिया र्‍वाक्‍मा कोले सीसिपा बाइडा। ङाचो़का गुनुङ मिक्‍सीलामडा र्‍वाम्‍डी, “ए हननिया।” मेकोतिमा गुका र्‍वाक्‍ता, “हाम र्‍वानी, ङाचो़।”

यूहन्‍ना 2:5

उनी मामका ख्‍लो़पा मु़चु़मिमलाई र्‍वाक्‍ता, “गुमीका गानीलाई र्‍वामिमिम होङङा बेनी।”

थु़र्मा 12:8

पाह्रीचो़का पत्रुसनुङ र्‍वाक्‍ता, “इमा ये फसा, मा सो़लो़प ख्‍लु़सा।” मेकोतिमा गुका मेमङा बु़डु़। पाह्रीचो़का गुनुङ र्‍वाक्‍ता, “इमा हुम-ये फसामा गोनुङ लाम्‍दिया।”