थु़र्मा 12:7 - थुलुङ राई

⁷ मेकोतिलोङा कोचोत्ति मिप्रङमाकु कोङ पाह्रीचो़ मेसिन्‍डा रेम्‍बेसिड्‌डा, मा पत्रुस चसिड्‌डाम बाखोपडा ओल झ्‍वाक्‍ता। मेकोतिमा पाह्रीचो़का पत्रुसलाई उ फेट-फेटडा याक्‍तु़, मा “दाला बका” र्‍वाक्‍तामा फक्‍तु़। मेकोतिलोङा सेल रिवाचिप पत्रुसकु ल्‍वालामका भ्रोसिक्‍चिमा आल्‍सिक्‍ची।

थु़र्मा 12:7 Referans Kwoze

थु़र्मा 5:19

लावो माम्‍चु़नीकु कोले पाह्रीचो़का सिन्‍था मे झ्‍यालखानकु लाम्‍चोकोमिम होल्‍साका मेर्मिमलाई पाखानो ख्‍लुक्‍तु़मी, मा र्‍वाक्‍ता,

थु़र्मा 16:26

मेकोतिलोङा कोचोत्ति कोले डोक्‍पु सुबु-रुक्‍सी रोक्‍ता, मा मे झ्‍यालखान ङा रक्‍तु़। मेकोतिमा खोत्‍ले लाम्‍चोकोमिम होल्‍सिम्‍डी, मा खोत्‍ले सेल रिवामिम ब्रोम्‍सिम्‍डी।

थु़र्मा 10:30

मेकोतिमा कर्नेलियसका र्‍वाक्‍ता, “ब्‍ललेम ङादो ओराम थारीकाङा नेम्‍फुम सु जेस्‍ताम बिलि नेमडा गो सो़म्‍दी बेउतोम बाङडो। मेकोतिलो कोचोत्ति बुबुयाम ये फतासिट्‌पा कोङ पाह्रीचो़ आमा ङादोडा रेम्‍बेसिड्‌डा,

एफिसी 5:14

मेम्‍मा बान्‍ते ओल झ्‍वा, मेरामका खोत्‍ले ल्‍वा दो़बेडु़। मेम्‍मिमका आरे र्‍वाक्‍मा बु, “अम्‍चेट्‌पामिम ङोन्‍सिट्‌नी, मा सिमुलाम बग्‍गेट्‍नी, मा ख्रीष्‍टका उनीमा ओल गानीडला झ्‍वाबेन्‍मी।”

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।

लूका 24:4

ओराम ल्‍वाम्‍डिमा मेर्मिम ङाङाया दु़म्‍मिडिम बाम्‍डिलो बुबुया झ्‍वाक्‍पा ये फसिक्‍पा नले मु़चु़ उनी फार्डा रेम्‍बेसिक्‍ची।

लूका 2:9

ङाचो़कु कोले पाह्रीचो़ मेर्मिमनुङ रेम्‍बेसिड्‌डा मा ङाचो़कु ओल मेर्मिमकु होनोलाम-आथो़लाम झ्‍वाक्‍ता, मा मेर्मिम छो़म ङिम्‍डी।

थु़र्मा 12:23

लावो माम्‍चु़नीकु नङ मेकोक्‍सु़वामका मेकोतिलोङा माम्‍चु़नीकु पाह्रीचो़का हेरोद हपलाई याक्‍तु़, मा क्रोडी छाम्‍डिमा सिडा।

थु़र्मा 9:3

शाऊल दमस्‍कस शहरथो़ लक्‍तोङा बु़डु़, मा शहरफार्डा रोक्‍थिड्‌डालो कोचोत्ति धामुलामका बुबुयाम ओल उ होनोलाम-आथो़लाम झ्‍वाक्‍ता।

रेम्‍बेट्‌मिडिम ल्‍वा 18:1

आकोतिमा कोङमी पाह्रीचो़ पाह्रीलामका योक्‍तोङा बु़डु़म गो ल्‍वाउतो। गु छो़म साखामनुङमा बाइडा, मा उ झ्‍वाक्‍सीका सुबु छ्‌याङ-छ्‌याङया दु़स्‍ता।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

थु़र्मा 12:6

हेरोदका पत्रुसलाई मु़चु़मिमकु ङादोडा रेन्‍मुनेमकु ङादोम नेम्‍था पत्रुस नले सिपाहीचिपकु थेतेडा अम्‍ल्‍याक्‍पा बाइडा। गुलाई नले सेल रिवाका बन्‍थाट्‌मा बाइडा। नले सिपाहीचिपका झ्‍यालखानकु लाम्‍चोकोडा लथाक्‍चिम बाइडा।

मत्ती 2:13

ज्‍योतिषीमिम लम्‍डिम चङडा, मिप्रङमाकु कोले पाह्रीचो़ योसेफकु ङिमाडा रेम्‍बेसिड्‌डा। मेम्‍मा गुका आरे र्‍वाक्‍ता, “बका, मे चो़च्‍चो़ नुङ उनी मामलाई लडामा मिश्र नेब्‍दीथो़ स्‍वाङ्ल्याडा। ख्‍लोसा मेर्‍वाङुमिमसम्‍म मेसिन्‍डाङा बाया, हेङालोने हेरोदका चो़च्‍चो़ सेन्‍मु लागि माल्‍मु खाप्‍डु़मिम बु।”

थु़र्मा 12:8

पाह्रीचो़का पत्रुसनुङ र्‍वाक्‍ता, “इमा ये फसा, मा सो़लो़प ख्‍लु़सा।” मेकोतिमा गुका मेमङा बु़डु़। पाह्रीचो़का गुनुङ र्‍वाक्‍ता, “इमा हुम-ये फसामा गोनुङ लाम्‍दिया।”