थु़र्मा 12:5 - थुलुङ राई

⁵ पत्रुस झ्‍यालखानडा चम्‍डिलो मण्‍डलीका उमा लागि माम्‍चु़नीनुङ छो़म सो़म्‍दी बेम्‍डिम बाम्‍डी।

थु़र्मा 12:5 Referans Kwoze

१ कोरिन्थी 12:26

कोले अंग नो़डा माला खोत्‍ले अंग नो़मी, कोले अंग डोक्‍पु बेला सो़सिड्‌डा माला खोत्‍लेङा भ्रम्‍सिमी।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

१ थेसलोनिकी 5:17

हेल्‍लो लोवो सो़म्‍दी बेनिम बानी।

२ कोरिन्‍थी 1:11

गानी वो आकीमा लागि सो़म्‍दी बेसाका ख्‍लो़किनिम बुकिनी। मेम्‍मा हापा मु़चु़मिमका इकीमा लागि आलासो़ र्‍वामी, हेङालोने मेर्मिम हापाकाम सो़म्‍दी थो़मिमा माम्‍चु़नीका गुकुलाई जि-वा ग्‍वाकिमी।

मत्ती 18:19

“आथावो गो गानीलाई र्‍वाङु, ओ सुबुडा हाम-हुम ल्‍वाकाम लागि गानीगोडाम नलेका उची न-थो़म घ्रो़म्‍बेसाका बिच्‍ची माला पाह्रीलाम आमा पापका मेराम ग्‍वामिची।

हिब्रू 13:3

गानी वो मे चसिक्‍पा मु़चु़मिमनुङङा चन्‍सिट्‌निम होङङा मिम्‍नी, मा मेजो़पा बेम्‍डिम मु़चु़मिमनुङङा इनी मिरो़मडा मेजो़पा बेला सो़न्‍सिट्‌निम होङङा मेर्मिमलाई मिम्‍नी।

थु़र्मा 12:12

ओराम ल्‍वा पत्रुसका चडु़मा गु मर्कूस र्‍वाक्‍मा यूहन्‍नाकु माम मरियमकु नेमडा लस्‍ता। मेसिन्‍डा हापा मु़चु़मिम खोम्‍सिम्‍डिमा सो़म्‍दी बेत्तोङा लेट्‌मिडिम बाइडा।

लूका 18:1

येशूकु उनी सीसिपामिमका हेल्‍लो लोवो सो़म्‍दी बोमिनु़, मा उनी पाउ मेसोनु़ र्‍वाक्‍पा नका येशूका मेर्मिमनुङ ओराम सीसि-सो़म्‍दी र्‍वाम्‍डी:

थु़र्मा 12:4

हेरोदका पत्रुसलाई झ्‍यालखानडा चक्‍तु़मा को-रुले (१६) सिपाहीमिमकाम ब्‍ल टोली बनेबेसाका मेर्मिमलाई रेम्‍बेड्‌डु़मी। सेल्सिमुनेम चाड थारीकु चङ्‌डा हेरोदका पत्रुसलाई यहूदीमिमकु ङादोडा रेट्‌पामा हिलाहिसी बेपा न बु़डु़म बाइडा।

थु़र्मा 12:6

हेरोदका पत्रुसलाई मु़चु़मिमकु ङादोडा रेन्‍मुनेमकु ङादोम नेम्‍था पत्रुस नले सिपाहीचिपकु थेतेडा अम्‍ल्‍याक्‍पा बाइडा। गुलाई नले सेल रिवाका बन्‍थाट्‌मा बाइडा। नले सिपाहीचिपका झ्‍यालखानकु लाम्‍चोकोडा लथाक्‍चिम बाइडा।