थु़र्मा 12:20 - थुलुङ राई

²⁰ टुरोस नुङ सीदोन शहरडाम मु़चु़मिमनुङ हेरोद हपकाम छो़म उ छोक्‍चो बक्‍ताम बाइडा। लावो मेर्चिप शहरडाम मु़चु़मिम कोले दु़म्‍साका उमाडा रोम्‍डी। हेङालोने मेर्मिमका हेरोद हपकु नेब्‍दीलाम मा-के ल्‍वाम्‍थाल्‍मिडी। मेम्‍मिमका हेरोद हपनुङ न-थो़म घ्रो़म्‍बेन्‍मु लागि हेरोदका थो़र बु़डु़म उ डु़ल्‍चो़ बलस्‍तसलाई उनी ल्‍वाडा बेसाका जेबेट्‌मिडी।

थु़र्मा 12:20 Referans Kwoze

लूका 16:8

“मेकोतिमा मे खाप्‍ची रेपा मु़चु़का मिम्‍साका बु़डु़म खारी ल्‍वास्‍तु़मा खाप्‍चीचो़का उ नङ कोक्‍साड्‌डु़। मेम्‍साकाङा माम्‍चु़नीकु मु़चु़मिमडाम वो सु़म्‍दिसेरडाम मु़चु़मिमका वाङमिम मु़चु़नुङ छो़म मिम्‍साका खारी बोमी।

थु़र्मा 12:21

हेरोद हपका मेर्मिमनुङ घ्रो़म्‍मु ल्‍वा बु़डु़म नेम गु उ हप-ये फस्‍तामा हप गन्‍खोपडा गन्‍साका मु़चु़मिमकु ङादोडा जेस्‍ता।

थु़र्मा 21:3

साइप्रस टापु फार्डा रोक्‍फात्तोकोमा मेरामकु रायलालाम दु़म्‍साका सिरियालामका टुरोस शहरडा लुक्‍तोको। हेङालोने डोक्‍पु कुबी-बोक्‍साडाम मोमसोजाम मेसिन्‍डा पार्जो़ल्‍मु बासिक्‍पा बाइडा।

थु़र्मा 21:7

टुरोसलामका डोक्‍पु कुबी-बोक्‍साडा गुकु टोलेमाइस शहरडा रोक्‍फात्तोको। मेसिन्‍डा थो़रलु़पामिमलाई क्रो़म्‍तोकोमा मेर्मिमनुङ कोलेम बात्तोको।