2 गुका यूहन्नाकु वा याकूबलाई कातु़रु़का सेन्बेड्डु़।
वाङमिमलाई मु़चु़मिमका लुङका ओप्मिडी, याङलाई आराका चेर्मिडी, याङलाई कातु़रु़का सेट्मिडी। याङका ने भेन्दाकु कोक्ते नुङ छ्वाराकु कोक्तेमिम फसिक्साका हाम वो मेबासाका लाम्दिम्बाल्मिडी। मेर्मिमलाई मु़चु़मिमका उनी थो़मतेर्साम्डी मा मेजो़पा बेम्डी।
गुमीका मेर्चिपलाई र्वाम्डी, “मेभ्रपा आमा कान्चु़रेलामका गाची आच्छाङा डुमु चाम्ची। लावो आमा जो़पलाम नुङ पेलाम गन्मु ग्वाक्पा आमा मुलु़गोडा मिबु। आमा पापका छेट्मिडिम मु़चु़मिमकाम लागि गुमीका मेराम खोम बनेबेम्जो़ल्मिडिम बु।”
लावो येशूका मेर्चिपलाई र्वाम्डी, “गाची हाम बेत्तोङा बोची, मेराम मेचची। उहेम कान्चु़रेलामका गो डु हाम गाची वो डुमु चाम्ची, मा उहेम कु-रु़दु़म गो रउतोम बु मेराम गाची रमु चाम्ची मा?”
जब्दियाकु चो़चिप याकूब नुङ यूहन्ना येशूकाडा रोक्चिमा र्वाक्ची, “ङाचो़, गुचुकु गानीनुङ हाम बिचुकु, मेराम गानी गुचुकुलाई बेसाक्चिकिनी र्वाक्पा आचीमा न बु।”
मेर्चिपका र्वाक्ची, “चाम्चुकु।” येशूका मेर्चिपलाई र्वाम्डी, “उहेम कान्चु़रेलाम गो डु मेरामलामका गाची डुमु चाम्ची, मा उहेम कु-रु़दु़म गो रउतोम बु, मेराम कु-रु़दु़म गाची रची?
ओराम थारी बिलि हेरोद अग्रिपा हपका मण्डलीडाम कोङ कोङ मु़चु़मिमलाई छो़म दु़खा ग्वामु चो़म्डु़मी।
