थु़र्मा 12:12 - थुलुङ राई

¹² ओराम ल्‍वा पत्रुसका चडु़मा गु मर्कूस र्‍वाक्‍मा यूहन्‍नाकु माम मरियमकु नेमडा लस्‍ता। मेसिन्‍डा हापा मु़चु़मिम खोम्‍सिम्‍डिमा सो़म्‍दी बेत्तोङा लेट्‌मिडिम बाइडा।

थु़र्मा 12:12 Referans Kwoze

थु़र्मा 12:5

पत्रुस झ्‍यालखानडा चम्‍डिलो मण्‍डलीका उमा लागि माम्‍चु़नीनुङ छो़म सो़म्‍दी बेम्‍डिम बाम्‍डी।

फिलेमोन 1:24

मेम्‍साकाङा गोनुङ कोयोङा खारी बेपामिम: मर्कूस, अरिस्‍तार्खस, डेमास नुङ लूकाका वो सेव र्‍वाम्‍डिम बु।

थु़र्मा 13:5

मेर्चिप सलामिस शहरडा रोक्‍फाट्‌चिमा मेसिन्‍डाम यहूदीमिमकु घ्रो़म्‍दीनेमबाडे माम्‍चु़नीकु दुथाममिम जो़पा-सेला थो़बेट्‌चिमी। मेर्चिपकु खारी बोमु ख्‍लो़पा मर्कूस र्‍वाक्‍मा यूहन्‍ना वो मेर्चिपनुङ बाइडा।

थु़र्मा 12:25

बारनाबास नुङ शाऊलका यरूशलेमडा उची खारी डु़म्‍चिमा एन्‍टिओखिया शहरथो़ ख्‍लोसिक्‍ची। मेर्चिपनुङ मर्कूस र्‍वाक्‍मा यूहन्‍ना वो बाइडा।

२ तिमोथी 4:11

लूका कोङङा गोनुङ बु। मर्कूसलाई मालामा गानानुङङा रेडा, हेङालोने मेरामका खारी बोमुडा गोलाई जो़होमका ख्‍लो़ङी।

कलस्‍सी 4:10

गोनुङङा चतासिक्‍पा अरिस्‍तार्खसका गानीलाई सेव र्‍वाक्‍ताम बु। बारनाबासकु रु़चु़ मर्कूसका वो गानीलाई सेव र्‍वाक्‍ताम बु। उमा दुथाम ङादो गो गानीलाई र्‍वामु दु़म्तोम बु। गु इनीमाडा रोक्‍ता माला जो़होमका हुनाखाना बेनी।

थु़र्मा 13:13

पावल नुङ उ ङोप्‍सो़मिम पाफोस शहरलामका डोक्‍पु कुबी-बोक्‍साडा हुम्‍डिमा पामफिलियाकु पर्गा शहरडा रोम्‍डी। मेकोतिमा मर्कूस र्‍वाक्‍मा यूहन्‍नाका मेर्मिमलाई पार्जो़ल्‍लु़मिमा गु यरूशलेमथो़ ख्‍लोस्‍ता।

थु़र्मा 16:40

पावल नुङ सिलास झ्‍यालखानलामका लुक्‍चिम चङडा लिडियाकु नेमडा ख्‍लोसिक्‍ची। मेसिन्‍डा मेर्चिपका थो़रलु़पामिमलाई क्रो़म्‍चिमी, मा आथावो मेर्मिमकु सो हन्‍बेसाच्‍चिमी। मेकोतिमा मेर्चिप शहरलामका वाङथो़ ङा लक्‍ची।

थु़र्मा 4:23

पत्रुस नुङ यूहन्‍ना यहूदीमिमकु डोक्‍पु घ्रो़म्‍दीलामका लुक्‍चि मेडे उची त्‍वाकु ङोप्‍सो़मिमकाडा रोक्‍ची। मेकोतिमा ङाउ डु़म्‍लाचो़मिम नुङ ङाउमिमका र्‍वाम्‍डिम खोत्‍ले ल्‍वा मेर्मिमनुङ सो़च्‍ची।

१ पत्रुस 5:13

बेबिलोनडा बाट्‌पा मण्‍डलीका गानीलाई सेव र्‍वाक्‍ताम बु, मा आमा तारापाचो़ होप्‍माम मर्कूसका वो गानीलाई सेव र्‍वाक्‍ताम बु।