थु़र्मा 12:11 - थुलुङ राई

¹¹ उ न छ्‌याङ्‌स्‍तामा पत्रुसका र्‍वाक्‍ता, “हेरोद हपकु ल्‍वाड्‌डाम नुङ यहूदीमिमका हाम बोमु माल्‍ङिमिडिम बाइडा, मेर्मिम खोत्‍लेडाम माम्‍चु़नीका उनी पाह्रीचो़ थु़र्साका गोलाई बोड्‌ङिडिमी-थार्ङिडिमी र्‍वाक्‍पा आच्‍छाङा ओम्‍लो गो चक्‍तो।”

थु़र्मा 12:11 Referans Kwoze

२ पत्रुस 2:9

आरेसाका उनी लाम्‍दीडा लाम्‍दिपा मु़चु़मिमलाई दु़खालामका हेसाका फ्‍वामु नुङ मेजो़पा खारी बेपामिमलाई निया दु़म्मिम नेमसम्‍म हेसाका जु़ल्‍थामुमि र्‍वाक्‍पा ङाचो़का चमी।

थु़र्मा 5:19

लावो माम्‍चु़नीकु कोले पाह्रीचो़का सिन्‍था मे झ्‍यालखानकु लाम्‍चोकोमिम होल्‍साका मेर्मिमलाई पाखानो ख्‍लुक्‍तु़मी, मा र्‍वाक्‍ता,

लूका 15:17

“उ न छेस्‍तामा उ नड्‌डा र्‍वाक्‍ता, आमा पापका खउलुङ ग्‍वाक्‍साका रेड्‌डु़मिम मु़चु़मिमका ने खोहोम पोमिमा क्‍लेन्‍मी वो, लावो गो ने आसिन्‍डा क्रु़मका सिमुखापुमिम बु।

थु़र्मा 12:7

मेकोतिलोङा कोचोत्ति मिप्रङमाकु कोङ पाह्रीचो़ मेसिन्‍डा रेम्‍बेसिड्‌डा, मा पत्रुस चसिड्‌डाम बाखोपडा ओल झ्‍वाक्‍ता। मेकोतिमा पाह्रीचो़का पत्रुसलाई उ फेट-फेटडा याक्‍तु़, मा “दाला बका” र्‍वाक्‍तामा फक्‍तु़। मेकोतिलोङा सेल रिवाचिप पत्रुसकु ल्‍वालामका भ्रोसिक्‍चिमा आल्‍सिक्‍ची।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

थु़र्मा 24:27

लावो नक थ चङडा फेलिक्‍सकु खुन्‍चु़म पर्किअस फेस्‍तसका रङडु़, मा यहूदीमिमलाई गेर्सिबेन्‍मु फेलिक्‍सका पावललाई चक्‍जो़ल्‍लु़मा लस्‍ता।

थु़र्मा 25:9

किब्‍दी साखामचो़ फेस्‍तसका यहूदीमिमलाई गेर्सिबेन्‍मु नका पावललाई र्‍वाक्‍ता, “हाम गाना यरूशलेमडा लमुमा मेसिन्‍डा आमा ङादोडा ओर्मिम ल्‍वाकु दुथाम निया दु़म्‍नु़ र्‍वाक्‍पा न बोना?”