थु़र्मा 12:10 - थुलुङ राई

¹⁰ पाह्रीचो़ नुङ पत्रुस नक टोली सिपाहीमिम बाखोप ख्‍वाक्‍लेच्‍चिमा शहरडाम डोक्‍पु सेलकु लाम्‍चोकोडा रोक्‍फाट्‌ची। मेराम सेलकु लाम्चोको उ त्‍वाप ङा होल्‍सिड्‌डामा मेर्चिप पाखानो लुक्‍ची। मेकोतिमा कोङ लाम्‍दी ख्‍वाक्‍चिम चङडा पत्रुसलाई डिट्जो़ल्‍लु़मा पाह्रीचो़ लस्‍ल्‍याड्‌डा।

थु़र्मा 12:10 Referans Kwoze

थु़र्मा 5:19

लावो माम्‍चु़नीकु कोले पाह्रीचो़का सिन्‍था मे झ्‍यालखानकु लाम्‍चोकोमिम होल्‍साका मेर्मिमलाई पाखानो ख्‍लुक्‍तु़मी, मा र्‍वाक्‍ता,

थु़र्मा 16:26

मेकोतिलोङा कोचोत्ति कोले डोक्‍पु सुबु-रुक्‍सी रोक्‍ता, मा मे झ्‍यालखान ङा रक्‍तु़। मेकोतिमा खोत्‍ले लाम्‍चोकोमिम होल्‍सिम्‍डी, मा खोत्‍ले सेल रिवामिम ब्रोम्‍सिम्‍डी।

यूहन्‍ना 20:19

नेप्‍सुङनेम नेम्‍थाका यहूदी ङाउमिमडाम ङिमुका सीसिपामिमका लाम्‍चोको ख्‍लुट्‌मिडिमा कोदेप बाम्‍डी। येशू रोम्‍डिमा मेर्मिमकु थेतेडा येम्‍सिम्‍डी, मा र्‍वाम्‍डी, “न-गो भ्रसीनु़।”

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

थु़र्मा 12:4

हेरोदका पत्रुसलाई झ्‍यालखानडा चक्‍तु़मा को-रुले (१६) सिपाहीमिमकाम ब्‍ल टोली बनेबेसाका मेर्मिमलाई रेम्‍बेड्‌डु़मी। सेल्सिमुनेम चाड थारीकु चङ्‌डा हेरोदका पत्रुसलाई यहूदीमिमकु ङादोडा रेट्‌पामा हिलाहिसी बेपा न बु़डु़म बाइडा।

यूहन्‍ना 20:26

लेतलेम चङडा सीसिपामिम आथावो नेमगोनो बाम्‍डी, मा थोमा वो मेर्मिमनुङ बाइडा। लाम्‍चोको ख्‍लु़ट्‌मा बाइडा लोवो येशू रोम्‍डिमा मेर्मिमकु थेतेडा येम्‍सिक्‍साका र्‍वाम्‍डी, “न-गो भ्रसीनु़।”