थु़र्मा 11:29 - थुलुङ राई

²⁹ एन्‍टिओखिया शहरडाम सीसिपामिम खोत्‍लेका यहूदियाडा बाट्‌पा थो़रलु़पामिमलाई ग्‍वामु झापा खउलुङ ग्‍वाक्‍साका ख्‍लो़मु मुलु़ बेम्‍डी।

थु़र्मा 11:29 Referans Kwoze

गलाती 2:10

मेर्मिमका छो़म र्‍वाम्डिम कोले ल्वा ने, हाम वो मेबाट्‌पामिमलाई आथावो ख्‍लो़मुम बुमु बासी। मेम बोमुडा ने आमा वो सो हन्‍पा बाइडा।

१ कोरिन्थी 13:5

रिखाम बाक्‍छो़र्मा मेदु़म, त्‍वाकाम कोङङा जो़पा बेपा मेदु़म। रिखामका छोक्‍चो मेबु़ मा मेजो़पा ल्‍वा नडा मेकुर्थाडु़।

थु़र्मा 11:26

बारनाबासका शाऊल डार्स्‍तु़मा एन्‍टिओखिया शहरडा रेड्‌डु़। मेकोतिमा बारनाबास नुङ शाऊल मे एन्‍टिओखिया मण्‍डलीडाम मु़चु़मिमनुङ को थसम्‍म घ्रो़म्‍मिडिम बाम्‍डी, मा छो़म सेर्पा मु़चु़मिमलाई सीट्‌चिमी। खोत्‍लेडाम ङादो एन्‍टिओखिया शहरडा ङा सीसिपामिमलाई ‘ख्रीष्‍टियन’ र्‍वाम्‍डी।

थु़र्मा 11:1

यहूदियाडा बाट्‌पा थु़र्मामिम नुङ थो़रलु़पामिमका वाङसामामिमका वो माम्‍चु़नीकु सिजेमडा थो़र लु़म्‍डी र्‍वाक्‍पा थो़म्‍डी।

थु़र्मा 4:34

मेर्मिमगोडा सु़लाई हामकाम वो खेरेला मेदु़स्‍थालावा, हेङालोने सु़-सु़नुङ ये-द, नेम-किम बाइडा, मेर्मिमका भ्रेट्‌मिडिमा मेर्मिमकु थि थु़र्मामिमकाडा रेन्‍थाल्‍मिडी।

यूहन्‍ना 2:2

येशू नुङ उनी सीसिपामिम वो मेराम लालीकुन्‍दाडा येट्‌मिडिम बाइडा।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 6:1

मेमबिलि येशूडा थो़रलु़पा मु़चु़मिम छो़म हापा दु़म्‍तो लम्‍डी। मेकोतिलो हिब्रू ल्‍वा जेपा थो़रलु़पामिमकु कोर्थो़लाम ग्रीक ल्‍वा जेपा थो़रलु़पामिमका सु़म्‍बुर्मा किन्‍मु चो़म्‍मिडी। हेङालोने हेल्‍लो लोवो पोमु दो़म्‍थाल्‍मिडिलो मेर्मिमगोडाम अर्दोमेमिमडला चोमिक्‍सी बेम्‍थाल्‍मिडी।

थु़र्मा 9:19

मेम्‍मा जाम पु़डु़मा उ सो बेड्‌डु़। शाऊल दमस्‍कसडा थो़रलु़पामिमनुङ कोलेम नलेम बाइडा।

थु़र्मा 9:25

लावो उ सीसिपामिमका शाऊललाई सिन्‍था ङा तोफ्रिमडा जु़ल्‍साका शहर खिर्मा ब्रोलुङलामका पाखायु़ ख्‍लुम्‍डी।

थु़र्मा 13:52

मेकोतिमा एटिन्‍ओखियाडाम खोत्‍ले थो़रलु़पामिम छो़म गेर्सिम्‍डी, मा माम्‍चु़नी-पेलका लु़न्‍सिम्‍डी।

थु़र्मा 14:20

लावो थो़रलु़पामिम पावलकु होनोलाम-आथो़लाम खोम्‍सिम्‍डिलो गु बक्‍ता, मा शहरथो़ ख्‍लोम्‍सिम्‍डी। उ दिकाम नेम गु नुङ बारनाबास डर्बी शहरथो़ लक्‍ची।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

थु़र्मा 24:17

“गो हापा थ चङडा आमा मु़चु़मिमलाई ख्‍लो़मु खउलुङ नुङ सासेन्‍मु ग्‍वा-ग्‍वा रेत्तोमा यरूशलेमडा रोङडोम बाइडा।

मत्ती 25:17

मेम्‍साकाङा नले सो़नाकु खउलुङ ल्‍वापाका वो आथावो नले खउलुङ डु़प्‍डु़।