थु़र्मा 11:24 - थुलुङ राई

²⁴ बारनाबास कोङ जो़पा मु़चु़ बाइडा। गु माम्‍चु़नी-पेलका लु़न्‍सिट्‌पा नुङ डोक्‍पु थो़रनुङमा मु़चु़ बाइडा, मा गुका सेर्पा मु़चु़मिमलाई माम्‍चु़नीडा रेड्‌डु़मी।

थु़र्मा 11:24 Referans Kwoze

थु़र्मा 11:21

मे थो़रलु़पामिमडला माम्‍चु़नीकु यु़म बाइडा, मा मे वाङसामामिम हापाका ङा थो़र लु़म्‍डिमा माम्‍चु़नीथो़ ख्‍लोम्‍सिम्‍डी।

थु़र्मा 5:14

माम्‍चु़नीडा थो़रलु़पा वोस्‍चो़-मेसेममिम हापा ङा मेर्मिमनुङ काम्‍सिमु चो़म्‍मिडी,

थु़र्मा 6:5

ओराम ल्‍वा खोत्‍लेकु नडा लस्‍ता, मा मेसिन्‍डा खोम्‍सिट्‌पा खोत्‍लेङा बिम्‍सिम्‍डी। मेम्‍मा माम्‍चु़नी-पेलका लु़न्‍सिपा नुङ खोत्‍लेका थो़रलु़म्‍डिम स्‍तिफनस, फिलिप, प्रखरस, निकनोर, तीमोन, पर्मिनास नुङ एन्‍टिओखियाडाम चङ्‌डा यहूदी दु़म्‍पा निकोलाउसलाई मेर्मिमका छेट्‌मिडी।

रोमी 15:15

लावो माम्‍चु़नीका गोलाई दिदाम ग्‍वाङडिमिमका गानीलाई आथावो मिम्‍बेन्‍मु लागि मेङिसाका गो कोङनिम ल्‍वाकु दुथाम र्‍याक्‍तोङा बेउ।

थु़र्मा 9:31

मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।

थु़र्मा 6:8

स्‍तिफनसकाडा माम्‍चु़नीकु दिदाम नुङ यु़म छो़म बाइडामका मु़चु़मिमगोडा छो़म डोक्‍पु-डोक्‍पु छेखोपमिम नुङ यु़मखारीमिम बु़डु़।

थु़र्मा 6:3

मेम्‍मिमका ए वा-ल्‍वाकनी, खोत्‍ले मु़चु़मिमका द्‌वामिमिम नेप्‍चीनुङमा नुङ माम्‍चु़नी-पेलका लु़न्‍सिपा येतले मु़चु़ गानीगोलामका ङा छेनिमी, मा मेर्मिमलाई गुकु ओराम खारी बोमु थुकु।

रोमी 5:7

जो़पा न-गोकाम लागि सिप्‍डा लक्‍पा कोङनिम मु़चु़ डार्मु वो झाम। जो़पा मु़चु़ सिमु बासिक्‍पा खोमडा कोङमी सिमु माल्‍पा मु़चु़ डार्मु ने हापाङा छो़।

थु़र्मा 24:16

मेम्‍मिमका मु़चु़ नुङ माम्‍चु़नीकु ङादोडा हेल्‍लो लोवो आमा त्‍वाकु चाप्‍सी गो जो़पा न-गो जु़लु।

यूहन्‍ना 7:12

सेर्पा मु़चु़का सु़पील्‍वाका उनी दुथाम छो़म जेत्तोङा लेट्‌मिडी। कोङनिमका र्‍वाम्‍डी, “मेराम मु़चु़ जो़पा बु।” वाङमिमका र्‍वाम्‍डी, “मेएँ, गुका ने मु़चु़मिमलाई लु-फेले बु़मिम बु।”

लूका 23:50

योसेफ नङकाम कोले मु़चु़ बाइडा। गु माम्‍चु़नीकु न-गो होप्‍माम मा जो़पा मु़चु़ बाइडा। गु यहूदीमिमकु डोक्‍पु घ्रो़म्‍दीडाम कोले मु़चु़ बाइडा।

मत्ती 19:17

येशूका र्‍वाम्‍डी, “जो़पा हाम र्‍वाक्‍साका हेङा गोलाई हिलाबोङी? माम्‍चु़नी कोङङा जो़पा ने बुमी। हेल्‍लो वो मेसिपा त्‍वारो़म ल्‍वामु न बोना माला माम्‍चु़नीकु डु़म्‍ला होम्‍साका दोसा।”

मत्ती 12:35

जो़पा मु़चु़मिमकु न-गोडा जो़पा ल्‍वा दु़म, मा मेर्मिम जो़पा ल्‍वा जेमी। लावो मेजो़पा मु़चु़मिमका उनी न-गोडा मेजो़पा ल्‍वा जु़ल्‍थामिमिम दु़म, मा मेर्मिमका मेजो़पा ल्‍वाङा जेमी।

थु़र्मा 2:4

मेकोतिमा मेर्मिम खोत्‍ले माम्‍चु़नी-पेलका लु़न्‍सिम्‍डी, मा माम्‍चु़नी-पेलका ग्‍वाम्‍डिमिम जेसी होम्‍साका मेर्मिम वाङसामामिमकु ल्‍वाडा जेम्‍डी।

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।