थु़र्मा 11:19 - थुलुङ राई

¹⁹ स्‍तिफनस सेट्‌मिडिम चङडा थो़रलु़पामिमलाई छो़म दु़खा ग्‍वाम्‍डिमिमका थो़रलु़पामिम बान्‍तेमेनो फोन्‍सिम्‍डी। मेकोतिलो मेर्मिमगोडाम याङ-याङ हापा होनोवाम फोनिके, साइप्रस टापु नुङ एन्‍टिओखिया शहरबाडे लम्‍डिमा यहूदीमिमलाई कोङङा जो़पा-सेला थो़बेट्‌मिडी।

थु़र्मा 11:19 Referans Kwoze

थु़र्मा 21:2

मेकोतिमा फोनिकेथो़ लक्‍पा कोले डोक्‍पु कुबी-बोक्‍सा डार्तोको, मा गुकु मेरामडा ङा हुसाका लक्‍तोको।

थु़र्मा 15:35

पावल नुङ बारनाबास वाङमी हापा मु़चु़मिमनुङ येशूकु दुथाममिम जो़पा-सेला सीत्तो नुङ सो़त्तो एन्‍टिओखिया शहरडा बाच्‍ची।

थु़र्मा 15:22

मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

थु़र्मा 4:36

साइप्रस नेब्‍दीडाम लेवी दोचो़डाम कोङ योसेफ नङकाम मु़चु़ बाइडा। मेरामलाई थु़र्मामिमका बारनाबास र्‍वाक्‍साका डान्‍थाल्‍मिडी (बारनाबास र्‍वाक्‍मा सो हन्‍बेट्‌पा तारापाचो़ सो़)।

गलाती 2:11

पत्रुस एन्‍टिओखियाडा रोक्‍ताम थारीका गुका ख्‍लो़ड्‌डु़म ल्‍वाकु दुथाम उमा ङादोडाङा सो़उतो, हेङालोने गुका कोङनिम ल्‍वा ख्‍लो़ड्‌डु़म बाइडा।

थु़र्मा 21:16

कैसरियाडाम कोले-नले थो़रलु़पामिम वो गुकुनुङङा लम्‍डी। मेकोतिमा मेर्मिमका गुकुलाई साइप्रस टापुडाम कोले माकेवाम थो़रलु़पा मनासोन र्‍वाक्‍मा मु़चु़कु नेमडा ख्‍लुक्‍तिकिमी, मा मेसिन्‍डा गुकु बात्तोको।

थु़र्मा 18:22

पावल कैसरियाडा रोक्‍फाड्‌डामा यरूशलेमथो़ लस्‍ता। मेम्‍मा मेसिन्‍डाम थो़रलु़पामिमनुङ सेव साबेम्‍डिमा गु एन्‍टिओखिया शहरथो़ लस्‍ता।

थु़र्मा 15:39

पावल नुङ बारनाबास छो़म डोक्‍पु गो फ दु़म्‍ची, मा मेर्चिप फ्‍वासिक्‍ची। मेकोतिमा मर्कूस र्‍वाक्‍मा यूहन्‍ना नुङ बारनाबास कुबी-बोक्‍सालामका साइप्रस टापुथो़ लक्‍ची।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

थु़र्मा 13:4

बारनाबास नुङ शाऊल माम्‍चु़नी-पेलका थु़र्मिडिमका सिलुकिया शहरयु़ लक्‍ची। मेकोतिमा मेलामका डोक्‍पु कुबी-बोक्‍साडा हुच्‍चिमा साइप्रस टापुथो़ लक्‍ची।

थु़र्मा 13:1

एन्‍टिओखियाडाम मण्‍डलीडा कोङनिम माम्‍चु़नीलाम-जेपामिम नुङ सीपा मु़चु़मिम बाम्‍डी। मेर्मिम, बारनाबास, केकेम र्‍वाक्‍मा शिमियोन, कुरेनीडाम लुकियस, हेरोद हपकु ल्‍वाक बनेबेम्‍डिमा डु़ल्‍मिडिम मनेन नुङ शाऊल बाम्‍डी।

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

यूहन्‍ना 7:35

यहूदीमिम उनी त्‍वाप-त्‍वापडा र्‍वाबेम्‍डी, “ओराम मु़चु़ बान्‍ते लमु खाप्‍डु़, मा गुइ ओरामलाई ल्‍वामु मेचाप्‍सी? हाम ओराम मु़चु़ ग्रीक मु़चु़मिम गोडा फोन्‍सिक्‍पा यहूदीमिमकाडा लमा ग्रीक मु़चु़मिमलाई सीडु़मिमिम?

मत्ती 10:6

लावो दाम्‍पा भेन्‍दामिम होप्‍माम इस्राएलीमिमकाडा लक्‍नी,

थु़र्मा 6:5

ओराम ल्‍वा खोत्‍लेकु नडा लस्‍ता, मा मेसिन्‍डा खोम्‍सिट्‌पा खोत्‍लेङा बिम्‍सिम्‍डी। मेम्‍मा माम्‍चु़नी-पेलका लु़न्‍सिपा नुङ खोत्‍लेका थो़रलु़म्‍डिम स्‍तिफनस, फिलिप, प्रखरस, निकनोर, तीमोन, पर्मिनास नुङ एन्‍टिओखियाडाम चङ्‌डा यहूदी दु़म्‍पा निकोलाउसलाई मेर्मिमका छेट्‌मिडी।

थु़र्मा 11:20

लावो मेर्मिम थो़रलु़पामिमगोडाम याङ-याङ साइप्रस टापु नुङ कुरेनी शहरडाम बाम्‍डी। मेर्मिम एन्‍टिओखिया शहरडा रोम्‍डिमा ग्रीकमिमलाई वो ङाचो़ येशूकु दुथाममिम जो़पा-सेला थो़बेट्‌मिडी।

थु़र्मा 11:22

ओराम ल्‍वा यरूशलेमडाम मण्‍डलीका थो़म्‍डी, मा मेर्मिमका बारनाबासलाई एन्‍टिओखिया शहरडा थु़र्मिडी।

थु़र्मा 14:26

अटालियालामका डोक्‍पु कुबी-बोक्‍साडा हुच्‍चिमा मेर्चिप एन्‍टिओखिया शहरडा ख्‍लोसिक्‍ची। मेसिन्‍डाम थो़रलु़पामिमका पावल नुङ बारनाबासलाई माम्‍चु़नीकु दिदामडा जो़पा-सेला थो़बेड्‌डा थु़र्मिडिचिम बाइडा, मा मेराम खारी ओम्‍लो मेर्चिपका बोमु दु़म्‍ची।

थु़र्मा 15:30

यरूशलेमलामका ब्‍र्‍वाम्‍सिम्‍डिम मे ब्‍लले मु़चु़मिम एन्‍टिओखिया शहरयु़ योम्‍डी। मेकोतिमा मेर्मिमका मण्‍डलीडाम खोत्‍ले थो़रलु़पामिम कोदेप येट्‌मिडिमी, मा मेर्मिमलाई मे सेलाखाजेम ग्‍वाम्‍डी।