थु़र्मा 11:18 - थुलुङ राई

¹⁸ मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 11:18 Referans Kwoze

२ कोरिन्‍थी 7:10

माम्‍चु़नीकु न होम्‍साका न नो़ माला ने ओरामका मु़चु़लाई सेल्‍सिमु लागि उमा छु़ललाम माम्‍चु़नीडा ख्‍लोबेडु़। मेम्‍मिमका ओरामका सु़लाई वो मेखोर्सेडु़। लावो सु़म्‍दिसेरडाम ल्‍वाका न नो़ माला ओरामका सिमुलाम रेडु़।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

थु़र्मा 21:20

ओराम थो़म्‍डिमा मेर्मिमका माम्‍चु़नीकु नङ कोम्‍डी। मेकोतिमा मेर्मिमका पावलनुङ र्‍वाम्‍डी, “रेप्‍नी छारी, यहूदीमिमगोडा थो़रलु़पामिम छो़म सेर्पा बुमी, मा मोशाकु डु़म्‍ला होम्‍साका खारी बोमु मेर्मिम चङको-चङको बुमी।

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

गलाती 1:24

आरेसाका माम्‍चु़नीका आमा न ख्‍लोङसाङ्‌डिमिमका मेर्मिमका माम्‍चु़नीकु नङ कोम्‍डी।

रोमी 9:30

गो र्‍वामु माल्‍तोम ल्‍वा ओराम ङा सो़। वाङसामामिम माम्‍चु़नीकु न-गो होम्‍साका मेदोपा मु़चु़ बाम्‍डी। लावो मेर्मिम ने थो़रलु़सीलामका माम्‍चु़नीकु ङादोडा जो़पा न-गोकाम मु़चु़ दु़म्‍मिडी।

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

थु़र्मा 14:27

मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।

थु़र्मा 11:1

यहूदियाडा बाट्‌पा थु़र्मामिम नुङ थो़रलु़पामिमका वाङसामामिमका वो माम्‍चु़नीकु सिजेमडा थो़र लु़म्‍डी र्‍वाक्‍पा थो़म्‍डी।

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

मत्ती 9:8

सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।