थु़र्मा 11:13 - थुलुङ राई

¹³ कर्नेलियसका गुकुनुङ र्‍वाक्‍ता, ‘कोङ पाह्रीचो़ उमा नेमडा रेम्‍बेसिड्‌डामा आरे र्‍वाक्‍ताम बाइडाम गुका थो़स्‍तु़, “पत्रुस र्‍वाक्‍मा सिमोनलाई येड्‌डा मु़चु़मिम योप्‍पायु़ थु़रामी।

थु़र्मा 11:13 Referans Kwoze

थु़र्मा 12:11

उ न छ्‌याङ्‌स्‍तामा पत्रुसका र्‍वाक्‍ता, “हेरोद हपकु ल्‍वाड्‌डाम नुङ यहूदीमिमका हाम बोमु माल्‍ङिमिडिम बाइडा, मेर्मिम खोत्‍लेडाम माम्‍चु़नीका उनी पाह्रीचो़ थु़र्साका गोलाई बोड्‌ङिडिमी-थार्ङिडिमी र्‍वाक्‍पा आच्‍छाङा ओम्‍लो गो चक्‍तो।”

थु़र्मा 10:22

मेर्मिमका र्‍वाम्‍डी, “गुकु कप्‍तान कर्नेलियसका थु़र्तिकिम बु। गुमी माम्‍चु़नीकु मिक्‍सीलामडा जो़पा खारी बेपा नुङ माम्‍चु़नीकु ङिम जु़ल्‍पा, मा खोत्‍ले यहूदीमिमका जो़पा माल्‍मिडिम कोङ मु़चु़ बुमी। इनीमा सिजेम गुमीका थो़मु माम्‍चु़नीकु कोङ पाह्रीचो़का गानी कर्नेलियसकु नेमडा येन्‍बेट्‌निमिम बु।”

थु़र्मा 9:43

मेकोतिमा योप्‍पाडा कोक्‍तेकु खारी बेपा सिमोन र्‍वाक्‍मा कोङ मु़चु़काडा पत्रुस हापा नेम ङा बाइडा।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

थु़र्मा 9:36

योप्‍पा शहरडा येशूडा थो़रलु़पा तबीता नङकाम कोले मेसेम बाइडा। (ग्रीक ल्‍वाडा मेरामलाई डोरकास र्‍वाम्‍थाल्‍मिडी– मेराम र्‍वाक्‍मा दो़र)। तबीताका हेल्‍लो लोवो जो़पा खारी बु़थाल्‍लु़, मा उनी हाम वो मेबाट्‌पामिमलाई ख्‍लो़यु़थाल्‍लु़मी।

थु़र्मा 9:38

लुड्‍डा योप्‍पाकु फार्डा ङा बेडु़मिमका पत्रुस मेसिङा बु ए र्‍वाक्‍पा थो़रलु़पामिमका थो़म्‍डी। मेम्‍मा मेर्मिमका नले मु़चु़लाई आरे बेम्‍डिमा पत्रुसकाडा थु़र्मिडी, “दालाङा आकीमाडा रोक्‍नी।”

थु़र्मा 9:42

ओराम ल्‍वा योप्‍पाडा खोत्‍लेथो़ फोन्‍सिड्‌डा, मा मु़चु़मिम हापाका येशूडा थो़र लु़म्‍डी।

थु़र्मा 11:12

माम्‍चु़नी-पेलका गोलाई इमा नड्‌डा हाम वो मेमुर्सिक्‍साका मेर्मिमनुङ लक्‍सा र्‍वाम्‍डी। मेकोतिलो ओर्मिम रुले थो़रलु़पामिम वो गोनुङ ङा लम्‍डी, मा गुकु वाङसामा कर्नेलियसकु नेमडा हुत्तोको।

थु़र्मा 11:14

गुका गानालाई र्‍वामिम सिजेममिमका गाना नुङ खोत्‍ले इमा नेमडाम मु़चु़मिम सेल्‍सिनी”।’