थु़र्मा 11:12 - थुलुङ राई

¹² माम्‍चु़नी-पेलका गोलाई इमा नड्‌डा हाम वो मेमुर्सिक्‍साका मेर्मिमनुङ लक्‍सा र्‍वाम्‍डी। मेकोतिलो ओर्मिम रुले थो़रलु़पामिम वो गोनुङ ङा लम्‍डी, मा गुकु वाङसामा कर्नेलियसकु नेमडा हुत्तोको।

थु़र्मा 11:12 Referans Kwoze

थु़र्मा 8:29

मेकोतिमा माम्‍चु़नी-पेलका फिलिपनुङ र्‍वाम्‍डी, “लक्‍सामा मेराम रथडलाम मु़चु़लाई क्रो़म्‍डा।”

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

२ थेसलोनिकी 2:2

कोङनिमका ओराम ल्‍वा र्‍वामु चाम्‍मी, माम्‍चु़नी-पेललाम लोवो कोङनिमलाम लोवो आकीमा कोङनिम सेलाखाजेममिमलाम लोवो थो़त्तोकोम ङाचो़ येशू ङादोङा योमु डु़म्‍मिडिम बु। मेर्मिमका आरे र्‍वामिलो इनीमा नडा मेभ्रल्‍यासिड्‌पा मेदु़म्‍नी मा इनीमा लो़ मेदाम्‍नु़।

थु़र्मा 10:23

मेकोतिमा पत्रुसका मेर्मिमलाई मेराम नेम्‍था बुमु नेमगोनो येड्‌डु़मी। उ दिकाम नेम पत्रुस झो़म्‍सिड्‌डामा मेर्मिमनुङ लस्‍ता। योप्‍पाडाम कोले नले थो़रलु़पामिम वो पत्रुसनुङ लम्‍डी।

थु़र्मा 15:9

गुमीका वाङसामामिम नुङ गुइलाई मेफ्‍वाक्‍सामिवा, लावो मेर्मिमका थो़र लु़म्‍डिमका गुमीका खोत्‍लेकु न-गो सेपा दु़म्‍बेट्‌मिडी।

थु़र्मा 10:45

माम्‍चु़नीका उनी पेलकु राप्लावा वाङसामामिमडला अम्‍डिमका पत्रुसनुङ रोक्‍पा यहूदी थो़रलु़पामिम छो़म ङा ङाङाया दु़म्‍मिडी।

यूहन्‍ना 16:13

गुमी आच्‍छाङाम पेल योमिमा गुमीका गानीलाई आच्‍छाङाकाम खोत्‍ले ल्‍वाथो़ क्रिनिमी। गुमीका उनी त्‍वाकु नका मेजेमी। गुमीका हाम थो़मी मेराम कोङङा जेमी, मा दिफु दु़म्‍पा ल्‍वाकु दुथाम गानीनुङ सो़मी।

मत्ती 1:20

लावो योसेफका आरेप्‍माम ल्‍वा मिम्‍तोङा बु़डु़लो उ ङिमाडा मिप्रङमा माम्‍चु़नीकु पाह्रीचो़ रेम्‍बेसिड्‌डा। मेम्‍मा गुनुङ र्‍वाक्‍ता, “दाऊदकु चो़-चु़सु़ योसेफ, मरियमलाई इ नाइमे दु़म्‍बेन्‍मु हाम होङङा वो मेलु़या, हेङालोने उ ङेलगोनो बाट्‌पा चो़च्‍चो़ ने माम्‍चु़नी-पेलका मुन्‍बेट्‌मिडिम सो़।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

थु़र्मा 15:7

थामासम्‍म ल्‍वा जेम्‍डिमा पत्रुसका येम्‍स्‍तामा र्‍वाक्‍ता, “ए वा-ल्‍वाकनी, ङादोम थारीका वाङसामामिमलाई जो़पा-सेला थो़बेन्‍मु गानीगोलामका माम्‍चु़नीका गोलाई थुट्‌ङिडिमी, मा मेर्मिमका जो़पा-सेला थो़म्‍डिमा येशूडा थो़र लु़म्‍डिम ल्‍वा गानी चनिमिम ङा बु।

थु़र्मा 13:4

बारनाबास नुङ शाऊल माम्‍चु़नी-पेलका थु़र्मिडिमका सिलुकिया शहरयु़ लक्‍ची। मेकोतिमा मेलामका डोक्‍पु कुबी-बोक्‍साडा हुच्‍चिमा साइप्रस टापुथो़ लक्‍ची।

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 11:13

कर्नेलियसका गुकुनुङ र्‍वाक्‍ता, ‘कोङ पाह्रीचो़ उमा नेमडा रेम्‍बेसिड्‌डामा आरे र्‍वाक्‍ताम बाइडाम गुका थो़स्‍तु़, “पत्रुस र्‍वाक्‍मा सिमोनलाई येड्‌डा मु़चु़मिम योप्‍पायु़ थु़रामी।

थु़र्मा 28:15

रोमडा बाट्‌पा थो़रलु़पामिमका गुकु रोक्‍तोङा बोकु र्‍वाक्‍पा थो़म्‍डिमा अप्‍पियसडाम बजार नुङ ‘सु पाटी’ र्‍वाक्‍माडा घ्रो़म्‍डा रोम्‍डिम बाइडा। ओर्मिमलाई ल्‍वास्‍तु़मिमा पावलका माम्‍चु़नीलाई आलासो़ ग्‍वाक्‍तु़मा उमा सो हन्‍डा।