थु़र्मा 10:48 - थुलुङ राई

⁴⁸ मेकोतिमा पत्रुसका कर्नेलियस नुङ उमा नेमडा बाट्‌पा मु़चु़मिमलाई येशू ख्रीष्‍टकु नङडा कु-रु़दु़म ग्‍वाबेड्‌डु़मी। मेम्‍मा मे वाङसामामिमका पत्रुसलाई कोलेम-नलेम मेसिङा बुमु र्‍वाम्‍डिम-र्‍वाम्‍डिम ङा बेम्‍डी।

थु़र्मा 10:48 Referans Kwoze

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

थु़र्मा 8:16

मेर्मिमका येशू ख्रीष्‍टकु नङडा कु-रु़दु़म रम्‍डिम बाइडा, लावो मेर्मिम सु़काडा वो माम्‍चु़नी-पेल योम्‍डिम मेबायावा।

गलाती 3:27

हेङालोने गानी खोत्‍ले येशू ख्रीष्‍टडा थो़रलु़साका कु-रु़दु़म रन्‍निमका गानी लाले ये-सेमका ब्‍ल्‍वासिट्‌निम होप्‍माम ख्रीष्‍टडा लाले बासी दोसीनुङमा दु़म्‍निम बु।

थु़र्मा 19:5

ओराम ल्‍वा थो़म्‍डिमा मेर्मिमका ङाचो़ येशूकु नङडा कु-रु़दु़म रम्‍डी।

थु़र्मा 8:12

लावो फिलिपका मेर्मिमलाई माम्‍चु़नीकु किब्‍दीकु दुथाम नुङ येशू ख्रीष्‍टकु नङकु दुथाम जो़पा-सेला थो़बेड्‌डु़मी, उमा ल्‍वा थो़म्‍डिमा वोस्‍चो़-मेसेममिमका येशूडा थो़रलु़म्‍डिमा कु-रु़दु़म रम्‍डी।

यूहन्‍ना 4:2

(मेमङा लोवो येशू उनी त्‍वाका ने मेएँ, उनी सीसिपामिमका कु-रु़दु़म ग्‍वाम्‍थाल्‍मिडी।)

यूहन्‍ना 4:40

मेम्‍मिमका सामरीमिम येशूकाडा रोम्‍डिलो येशूलाई मेर्मिमनुङङा बुमु र्‍वाम्‍डिम-र्‍वाम्‍डिमङा बेम्‍डी। मेम्‍मा गुमी मेसिन्‍डा नलेम बाम्‍डी।

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।