थु़र्मा 10:42 - थुलुङ राई

⁴² मु़चु़मिमलाई जो़पा-सेला थो़बेन्‍मुमी, मा सिपा नुङ नु़पामिमकाम नियाबेपा माम्‍चु़नीका थुट्‌मिडिम मु़चु़ येशू ङा सो़ र्‍वाक्‍साका सो़मु गुमीका गुकुलाई र्‍वाम्‍डिम बु।

थु़र्मा 10:42 Referans Kwoze

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

१ पत्रुस 4:5

लावो सिपा नुङ नु़पामिमकु निया बेपा माम्‍चु़नीकु ङादोडा मेर्मिमका सो़मु बासी।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

रेम्‍बेट्‌मिडिम ल्‍वा 22:12

“रेप्‍नी, गो येशू योमुङा खापुमिम बु। पुरस्‍कार आमाडा बु मा मु़चु़का बु़डु़म खारी होङङा गो ग्‍वाक्‍पु।

थु़र्मा 1:2

नुङ गुमी उनी त्‍वाका ङा थुट्‌मिडिम थु़र्मामिमनुङ गुमीका माम्‍चु़नी-पेललाम र्‍वाम्‍डिम, मा पाह्रीथो़ कोम्‍सिम्‍डिम थारीसम्‍मकाम खोत्‍ले ल्‍वा गो गानीलाई ङादोम खाजेमडा र्‍याक्‍तोम बु।

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

थु़र्मा 5:20

“लक्‍निमा सो़रनेमडा लाले त्‍वारो़मकु दुथाममिम खोत्‍ले ल्‍वा मु़चु़मिमलाई थो़बेट्‌निमी।”

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

लूका 16:28

हेङालोने मेसिन्‍डा आमा ङोले तारापा ल्‍वाकमिम बुमी, मा मेरामका मेर्मिमलाई र्‍वानु़। मेएँ माला ने मेर्मिम सिमिलो आरेप्‍मामङा दु़खा इम्‍मु बासिक्‍पा खादीगोयु़ मेयोमिनु़।’

लूका 22:22

हेङालोने माम्‍चु़नीका मुलु़ बेम्‍डिम होम्‍साका मिनीचो़ ने सिमुङा बासी, लावो गुलाई भ्रेट्‌पा मेराम मु़चु़लाई ने माम्‍चु़नीका इम्‍मु मेझापा देन्‍दे ग्‍वामी।”

थु़र्मा 24:25

लावो पावलका, “माम्‍चु़नीकु ङादोडा हाम जो़पा बु, मे ङा बोमु बासी, त्‍वापलाई जो़होमका जु़ल्‍मु बासी, माम्‍चु़नीका खोत्‍लेकाम निया बेपा थारी रोक्‍तोङा लेडु़” र्‍वाक्‍तालो फेलिक्‍स ङिस्‍तामा र्‍वाक्‍ता, “आनेप आकोतिङा, गाना लना लोवो नु़, दिफु वो गो येनी!”

रोमी 2:16

मु़चु़मिमका थक्‍साका जु़ल्‍मिडिम ल्‍वा ने माम्‍चु़नीका निया बोमिमिम नेम खोत्‍ले मु़चु़मिमगोडा येशू ख्रीष्‍टलाम रेम्‍बोमी। ओर्मिम ल्‍वा गो दो़उतोम जो़पा-सेला होप्‍माम ङा दु़म।