41 खोत्ले मु़चु़मिमकाडा ने मेएँ, लावो माम्चु़नीका येशूकु दुथाम सो़मु लागि थुत्तिकिमिम गुकुलाई खोत्लेडाम ङादो येशू सिमुलाम बम्गेम्डिम रेम्बेम्डी। गुमी बम्गेम्डिम चङ्डा गुकु गुमीनुङ पेत्तोको-डुत्तोको।
यहूदाका (यहूदा इस्करियोत ने मेएँ, मेरामङा नङ बाट्पा कोङमी सीसिपा) र्वाक्ता, “ङाचो़, हेङा गानी इनी त्वापलाई आकीमाडा रेम्बोनी, मा सु़म्दिसेरडाम मु़चु़मिमकाडा ने रेममेबोनिमिम?”
येशू बिम्डिमा सो़बेम रम्डी, मा मेर्मिमलाई ग्वाम्डी। मेम्साकाङा ङो वो मेर्मिमलाई ग्वाम्डी।
माम्चु़नीकु दुथाम सो़पा पेल गुमी सो़। उनीमा ल्वाडा सु़म्दिसेरडाम मु़चु़मिम बुमु मेचाम्मी, हेङालोने मेर्मिमका गुमीलाई मेल्वामी, मा मेछेमी वो। लावो गानी गुमीलाई छेनी, हेङालोने गुमी गानीगोडा दु़म्मी, मा गानीनुङ दु़म्मी।
“येशूका यहूदिया नुङ यरूशलेमडा बेम्डिम खोत्ले खारी गुकु ल्वात्तोकोम बु। यहूदीमिमका गुमीलाई क्रूसडा चेसाका सेट्मिडी।
मेकोतिमा गालीललामका यरूशलेमसम्म येशूनुङ कोयोङा लाम्दिपामिमनुङ हापा खेप गुमी रेम्बेम्सिम्डी। ओम्लो वो येशूकु दुथाम सो़पा मेर्मिम मु़चु़मिम इस्राएलीमिमगोडा बुमी।
यूहन्नाका कु-रु़दु़म ग्वाक्तु़म थारीका मा येशू गुइलाम पाह्रीथो़ कोम्सिम्डिम थारीसम्म गुइनुङ बाट्पा दु़म्मु बासी। मेम्मा येशू सिमुलाम बम्गेम्डिम ल्वापा दु़म्मु बासी।”
गानी गोलाई छेट्ङिडिनिम मेएँ, गो गानीलाई छेट्निनी, मा गानी लक्निमा मा सिन्बेट्नी, मा इनीमा दु़म्नु़म बुनु़ र्वाक्साका गो गानीलाई थुट्निनी। मेम्मा आमा नङडा गानी हाम बिनी मेराम पापका गानीलाई ग्वानिमी।
येशू मेर्चिपनुङ पेप्डा गन्मिडी। गुमीका सो़बेम झेट्मिडिमा आलासो़ ग्वाम्डी, मा चम्डिमा मेर्चिपलाई ग्वाम्डी।
गानी ओर्मिम ल्वाकु दुथाम सो़पा मु़चु़ सो़।
घरिकोङडाम्मा सु़म्दिसेरडाम मु़चु़मिमका गोलाई मेल्वाङिमी, लावो गानी ने गोलाई ल्वाङिनी। गो नु़ङुमिमका गानी वो नु़नी।
ङादो आथामङा गानी गोनुङ बुनिमिमका गानी वो आमा दुथाम सो़पा दु़म्नी।”
कोलेम येशू उनी सीसिपामिमनुङ ग्रुला पेप्डा गन्मिडिलो गुमीका आरे र्वाम्डिम बाइडा, “माम्चु़नीका गानीलाई हाम ग्वानिनी र्वाक्साका याचे जेम्डिम बाइडा, मेरामकु दुथाम गो गानीलाई ङादो ङा र्वाङडोम बु, गानी यरूशलेमडाम वाङथो़ मेलक्साका लन्थाट्नी।