थु़र्मा 10:4 - थुलुङ राई

⁴ कर्नेलियसका पाह्रीचो़थो़ रेप्‍डु़म-रेप्‍डु़म ङा बु़डु़। गु छो़म ङिड्‍डामा र्‍वाक्‍ता, “गानी हाम र्‍वामु माल्‍नी ङाचो़?” पाह्रीचो़का र्‍वाक्‍ता, “माम्‍चु़नीका इमा सो़म्‍दी थो़म्डिम बु। गाना उनी हाम वो मेबाट्‌पा मु़चु़मिमलाई खाप्‍ची ग्‍वाक्‍नामिम गुमीका ल्‍वाम्‍डिम बु, मा गुमीका गानालाई मिम्‍थानामिमिम बु।

थु़र्मा 10:4 Referans Kwoze

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

थु़र्मा 10:31

मा र्‍वाक्‍ता, ‘कर्नेलियस, माम्‍चु़नीका इमा सो़म्‍दी थो़म्डिम बु, मा उनी हाम वो मेबाट्‌पामिमलाई खाप्‍ची ग्‍वानामिम गुमीका मिम्‍मिडिम बु।

रेम्‍बेट्‌मिडिम ल्‍वा 8:4

पाह्रीचो़कु ल्‍वालामका मे धूपकु कुइकु माम्‍चु़नीकु मु़चु़मिमकु सो़म्‍दीनुङ गेले माम्‍चु़नीकु ङादोला लस्‍ता।

फिलिप्‍पी 4:18

गोलाई चाइदु़म्‍पाडाम वो हापा ल्‍वाउतोम बु, गो लिट्‌पा बुङु। गानी इपाफ्रोडिटसकाडा थु़र्निम ख्‍लो़सीमिम डार्तो। मेर्मिम ने माम्‍चु़नीका रमिमिम मा मेराम ने गुमीलाई गेर्सिबेट्‌पा भ्रपा नेम्‍पा ग्‍वा-ग्‍वा होप्‍माम बु।

हिब्रू 13:16

वाङमिमलाई जो़होम बोमु नुङ इनी त्‍वाकु चाप्‍सी ख्‍लो़मु मेप्‍ल्‍वानी। हेङालोने आरेप्‍माम ग्‍वा-ग्‍वाका माम्‍चु़नी गेर्सी द्‌वामी।

लूका 1:29

ओराम थो़स्‍तु़मा मरियम ङाङाया दु़म्‍तो र्‍वाक्‍ता, “ओ गो थो़उतोम ल्‍वाका र्‍वामु मालु़मिम ल्‍वा हाम डे?”

मत्ती 26:13

आच्‍छाङा गो गानीलाई र्‍वाङु, खोत्‍ले सु़म्‍दिसेरडा बा-बान्‍ते ओराम जो़पा-सेला थो़बेन्‍मी, मेसिन्‍डा ओराम मेसेमका बु़डु़म खारीकु दुथाम सो़मी, मा मिम्‍मी।”

थु़र्मा 22:10

“गो र्‍वाङडो, ‘ङाचो़, आथा गो हाम बेउमिम?’ मेकोतिमा ङाचो़का गोनुङ र्‍वाम्‍डी, ‘बका, मा दमस्‍कस शहरडा लक्‍सा, मा गाना बोमु बासिट्‌पा ङादोङा मुलु़ बेउतोम मेराम खारीमिम गानालाई सीनामी।’

लूका 24:5

मे मेसेममिम छो़म ङिम्‍डिमा कुम्‍सिम्‍डी, लावो मेर्चिपका र्‍वाक्‍ची, “नु़पा मु़चु़लाई हेङा गानी सिपामिमगोडा माल्‍निमिम?

थु़र्मा 3:4

मेर्चिपका मेरामलाई रेप्‍चिम-रेप्‍चिम ङा बेच्‍चिमा पत्रुसका र्‍वाक्‍ता, “गुचुकुथो़ रेप्‍डा!”

थु़र्मा 14:9

पावलका जो़पा-सेला दो़स्‍तु़म मेरामका थो़स्‍तु़होम बाइडा। पावलका मेरामलाई रेप्‍डु़म-रेप्‍डु़म ङा बु़डु़, मा सपा मेरामकु थो़र ल्‍वास्‍तु़।