थु़र्मा 10:39 - थुलुङ राई

³⁹ “येशूका यहूदिया नुङ यरूशलेमडा बेम्‍डिम खोत्‍ले खारी गुकु ल्‍वात्तोकोम बु। यहूदीमिमका गुमीलाई क्रूसडा चेसाका सेट्‌मिडी।

थु़र्मा 10:39 Referans Kwoze

लूका 24:48

गानी ओर्मिम ल्‍वाकु दुथाम सो़पा मु़चु़ सो़।

थु़र्मा 10:41

खोत्‍ले मु़चु़मिमकाडा ने मेएँ, लावो माम्‍चु़नीका येशूकु दुथाम सो़मु लागि थुत्तिकिमिम गुकुलाई खोत्‍लेडाम ङादो येशू सिमुलाम बम्‍गेम्‍डिम रेम्बेम्डी। गुमी बम्गेम्डिम चङ्‍डा गुकु गुमीनुङ पेत्तोको-डुत्तोको।

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

थु़र्मा 2:32

ओराम येशूलाई ङा माम्‍चु़नीका सिमुलाम फम्‍डी, मेराम गुकु खोत्‍लेका ल्‍वात्तोकोम बु।

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

थु़र्मा 13:31

मेकोतिमा गालीललामका यरूशलेमसम्‍म येशूनुङ कोयोङा लाम्‍दिपामिमनुङ हापा खेप गुमी रेम्‍बेम्‍सिम्‍डी। ओम्‍लो वो येशूकु दुथाम सो़पा मेर्मिम मु़चु़मिम इस्राएलीमिमगोडा बुमी।

थु़र्मा 7:52

इनीमा ङाउ-खुउमिमका दु़खा मेग्‍वाक्‍मिवाम माम्‍चु़नीलाम-जेपा सु़ बुमी मा? माम्‍चु़नीकु नङका साट्‌मा मेराम उनी डु़ल्‍चो़ रोक्‍तोङा बोमी र्‍वाक्‍साका सेला थो़बेट्‌पा माम्‍चु़नीलाम-जेपामिमलाई वो मेर्मिमका सेट्‌मिडी। गानी ने माम्‍चु़नीकु डु़ल्‍चो़कु कोर्थो़लाम बक्‍निमा सेट्‌नी।

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

थु़र्मा 1:22

यूहन्‍नाका कु-रु़दु़म ग्‍वाक्‍तु़म थारीका मा येशू गुइलाम पाह्रीथो़ कोम्‍सिम्‍डिम थारीसम्‍म गुइनुङ बाट्‌पा दु़म्‍मु बासी। मेम्‍मा येशू सिमुलाम बम्‍गेम्‍डिम ल्‍वापा दु़म्‍मु बासी।”

यूहन्‍ना 15:27

ङादो आथामङा गानी गोनुङ बुनिमिमका गानी वो आमा दुथाम सो़पा दु़म्‍नी।”

लूका 1:2

माम्‍चु़नीकु जो़पा-सेला सो़पा उनी डु़ल्‍चो़मिमका ओर्मिम ल्‍वा गुकुनुङ सो़म्‍डिम बु। मे उनीमा डु़ल्‍चो़मिम ने येशूकु दुथाम नुङ येशूका खारी बोमु चो़म्‍मिडिलो आथाममिम ल्‍वा ल्‍वापा थो़पा बाम्‍डी, मा मे ल्‍वाम्‍डिम थो़म्डिम ल्‍वा वाङमिमनुङ सो़म्‍डी।