थु़र्मा 10:32 - थुलुङ राई

³² मेम्‍मिमका पत्रुस र्‍वाक्‍मा सिमोनलाई येड्‌डा योप्‍पायु़ मु़चु़मिमलाई थु़रामी। गु दिरिदिनकु सो़पडा कोक्‍तेकु खारीबेपा सिमोनकु नेमडा बु।’

थु़र्मा 10:32 Referans Kwoze

यूहन्‍ना 4:9

मे सामरी मेसेमका र्‍वाक्‍ता, “गानी यहूदी मा गो सामरी मेसेम, हेसाका रे कु डुमु आमाडा बिनिमिम?” (सामरीमिमडाम यहूदीमिम वाङ बुम्‍थाल्‍मी।)

यूहन्‍ना 18:28

मेकोतिमा यहूदीमिमका येशूलाई कैयाफाकु नेमलामका रोमी साखामचो़कु ओगानेमथो़ लम्‍डी। मेराम थारी नेमसोसोका बाइडा, मा डु़म्‍ला होम्‍साका मेसेपा दु़म्‍मुडाम वाङ बुमु ओगानेमगोनो यहूदीमिम मेहुमिवा। सेल्सिमुनेम चाडकाम ग्रुला पेपा मेर्मिमकु न बाइडा।

थु़र्मा 10:31

मा र्‍वाक्‍ता, ‘कर्नेलियस, माम्‍चु़नीका इमा सो़म्‍दी थो़म्डिम बु, मा उनी हाम वो मेबाट्‌पामिमलाई खाप्‍ची ग्‍वानामिम गुमीका मिम्‍मिडिम बु।

थु़र्मा 10:33

मेकोतिमा दालाङा गो गानी येड्‌डा मु़चु़मिम थु़र्तोमी, मा आसिन्‍डा रोनिम छो़म ङा जो़पा दु़स्‍ताम बु। आथा माम्‍चु़नीका गानीनुङ र्‍वाम्‍डिम खोत्‍ले सिजेम थो़मु गुकु खोत्‍लेङा माम्‍चु़नीकु ङादोडा खोम्‍सिक्‍तोकोम बु।”

थु़र्मा 11:3

मा र्‍वाम्‍डी, “गानी हेङा खिरिरि-क्रिप्‍सी मेबेपा वाङसामामिमकाडा लनिमा मेर्मिमनुङ पेन्‍निम-डुन्‍निम?”

थु़र्मा 9:6

बका, मा शहरगोनो लक्‍सा। गाना हाम बोमु बासी, मेराम कोलेका सीना।”

थु़र्मा 9:43

मेकोतिमा योप्‍पाडा कोक्‍तेकु खारी बेपा सिमोन र्‍वाक्‍मा कोङ मु़चु़काडा पत्रुस हापा नेम ङा बाइडा।

थु़र्मा 10:5

आथा मु़चु़मिमलाई योप्‍पायु़ पत्रुस र्‍वाक्‍मा सिमोन येड्‌डा थु़रामी।

थु़र्मा 11:14

गुका गानालाई र्‍वामिम सिजेममिमका गाना नुङ खोत्‍ले इमा नेमडाम मु़चु़मिम सेल्‍सिनी”।’

थु़र्मा 15:7

थामासम्‍म ल्‍वा जेम्‍डिमा पत्रुसका येम्‍स्‍तामा र्‍वाक्‍ता, “ए वा-ल्‍वाकनी, ङादोम थारीका वाङसामामिमलाई जो़पा-सेला थो़बेन्‍मु गानीगोलामका माम्‍चु़नीका गोलाई थुट्‌ङिडिमी, मा मेर्मिमका जो़पा-सेला थो़म्‍डिमा येशूडा थो़र लु़म्‍डिम ल्‍वा गानी चनिमिम ङा बु।

थु़र्मा 16:9

मेराम सिन्‍था पावलका मिक्‍सीलाम ल्‍वास्‍तु़। माकेडोनियाडाम कोले मु़चु़ येम्‍स्‍तामा गुलाई आरे र्‍वाक्‍ताम-र्‍वाक्‍ताम ङा बु़डु़होम बाइडा, “माकेडोनियाडा गेट्‌नी, मा गुकुलाई ख्‍लो़किनी।”