थु़र्मा 10:30 - थुलुङ राई

³⁰ मेकोतिमा कर्नेलियसका र्‍वाक्‍ता, “ब्‍ललेम ङादो ओराम थारीकाङा नेम्‍फुम सु जेस्‍ताम बिलि नेमडा गो सो़म्‍दी बेउतोम बाङडो। मेकोतिलो कोचोत्ति बुबुयाम ये फतासिट्‌पा कोङ पाह्रीचो़ आमा ङादोडा रेम्‍बेसिड्‌डा,

थु़र्मा 10:30 Referans Kwoze

थु़र्मा 10:3

कोलेम नेम्‍फुम सु जेस्‍ताम बिलि कर्नेलियसका मिक्‍सीलामडा माम्‍चु़नीकु पाह्रीचो़ उ त्‍वापथो़ योक्‍तोङा बेपा, मा मे पाह्रीचो़का गुलाई “कर्नेलियस” र्‍वाक्‍तामा डाड्‌डु़म जो़होमका थो़स्‍तु़।

थु़र्मा 1:10

येशू मेम्‍साका लम्‍डिम मे उनी सीसिपामिमका रेप्‍मिडिम-रेप्‍मिडिम ङा बेम्‍डी। मेकोतिलोङा बुबुया ये फतासिट्‌पा नले मु़चु़ कोचोत्ति मेर्मिमकु ङादोडा रेम्‍बेसिक्‍ची।

थु़र्मा 3:1

कोलेम पत्रुस नुङ यूहन्‍ना सो़रनेमथो़ लक्‍तोङा बेच्‍ची। मेकोतिलो नेम्‍फुम सु जेस्‍ताम बाइडा। मेराम थारीका मेर्मिमका सो़म्‍दी बेम्‍थाल्‍मिडी।

लूका 24:4

ओराम ल्‍वाम्‍डिमा मेर्मिम ङाङाया दु़म्‍मिडिम बाम्‍डिलो बुबुया झ्‍वाक्‍पा ये फसिक्‍पा नले मु़चु़ उनी फार्डा रेम्‍बेसिक्‍ची।

मर्कूस 16:6

लावो मेरामका र्‍वाक्‍ता, “मेङिनी! गानी क्रूसडा चेट्‌मा नासरतडाम येशूलाई माल्‍निम बुनिम, मेएँ डे? गुमी ने आसिन्‍डा मेबुमी, गुमी ने सिमुलाम ख्‍लोम्‍सिमु दु़म्‍मिडिम बु। मेएँ माला रेप्‍नी, मेर्मिमका गुमीलाई आसिङा जु़ल्‍मिडिम बाइडा।

मत्ती 28:3

मेरामकु ङाली ब्‍ल्‍याक्‍ची होङङा वाक्‍ता, मा उ ये फोमु होप्‍माम बुबुयाम बाइडा।

थु़र्मा 10:22

मेर्मिमका र्‍वाम्‍डी, “गुकु कप्‍तान कर्नेलियसका थु़र्तिकिम बु। गुमी माम्‍चु़नीकु मिक्‍सीलामडा जो़पा खारी बेपा नुङ माम्‍चु़नीकु ङिम जु़ल्‍पा, मा खोत्‍ले यहूदीमिमका जो़पा माल्‍मिडिम कोङ मु़चु़ बुमी। इनीमा सिजेम गुमीका थो़मु माम्‍चु़नीकु कोङ पाह्रीचो़का गानी कर्नेलियसकु नेमडा येन्‍बेट्‌निमिम बु।”

थु़र्मा 10:29

मेम्‍मिमका गानी येट्‌ङिडिनिलो गो आमा नड्‌डा हाम वो मेमुर्सिक्‍साका रोङ्‌डो। लु र्‍वानी, हेङा येट्‌ङिडिनिम?”

थु़र्मा 10:31

मा र्‍वाक्‍ता, ‘कर्नेलियस, माम्‍चु़नीका इमा सो़म्‍दी थो़म्डिम बु, मा उनी हाम वो मेबाट्‌पामिमलाई खाप्‍ची ग्‍वानामिम गुमीका मिम्‍मिडिम बु।