थु़र्मा 10:28 - थुलुङ राई

²⁸ पत्रुसका मेर्मिमनुङ र्‍वाक्‍ता, “वाङसामामिमनुङ घ्रो़म्‍मु, बुमु गुकु यहूदीलाई डु़म्‍लाका मेग्‍वाकी र्‍वाक्‍पा ल्‍वा गानी खोत्‍लेका जो़होमका चनिमिम ङा बु। लावो आथा उहेम मु़चु़लाई वो मेसेपा नुङ घ्राम्‍लु़पा मिम्‍सी मेनु़ र्‍वाक्‍साका माम्‍चु़नीका गोलाई रेम्‍बेट्‌ङिडिमिम बु।

थु़र्मा 10:28 Referans Kwoze

यूहन्‍ना 4:9

मे सामरी मेसेमका र्‍वाक्‍ता, “गानी यहूदी मा गो सामरी मेसेम, हेसाका रे कु डुमु आमाडा बिनिमिम?” (सामरीमिमडाम यहूदीमिम वाङ बुम्‍थाल्‍मी।)

थु़र्मा 11:9

आथावो मेराम लो़लामका पाह्रीलामका र्‍वाक्‍ता, ‘माम्‍चु़नीका उहेमलाई सेपा बेम्‍डिम बु, मेराम गाना मेसेपा मेमिम्‍डा।’

यूहन्‍ना 18:28

मेकोतिमा यहूदीमिमका येशूलाई कैयाफाकु नेमलामका रोमी साखामचो़कु ओगानेमथो़ लम्‍डी। मेराम थारी नेमसोसोका बाइडा, मा डु़म्‍ला होम्‍साका मेसेपा दु़म्‍मुडाम वाङ बुमु ओगानेमगोनो यहूदीमिम मेहुमिवा। सेल्सिमुनेम चाडकाम ग्रुला पेपा मेर्मिमकु न बाइडा।

यूहन्‍ना 4:27

मेकोतिलोङा उनी सीसिपामिम ख्‍लोम्‍सीम्‍डिमा रोम्‍डी, मा गुमी कोले मेसेमनुङ जेत्तोङा बेम्‍डिम ल्‍वासाका ङाङाया दु़म्‍मिडी। लावो “गानी हाम माल्‍निमिम?” डे “गानी मे मेसेमनुङ हेङा ल्‍वा बोनिमबुनिमिम?” र्‍वाक्‍साका सु़का वो हिला मेबेमिवा।

लूका 18:11

मे फरिसी येम्‍स्‍तामा आरे र्‍वाक्‍तो सो़म्‍दी बु़डु़, ‘माम्‍चु़नी, गो गानीलाई आलासो़ र्‍वाङु, हेङालोने गो वाङमिम मु़चु़मिम होप्‍माम खुचु़वा मेबुङु, मु़चु़मिमलाई मेजो़पा मेबेउमी, मा नाम्‍सु़रु़ मेबेउ। मेम्‍मा ओराम कर फक्‍पा मु़चु़ होप्‍माम वो गो मेबुङु।

मर्कूस 7:2

येशूकु कोङ-कोङ सीसिपामिमका, मेसेपा ल्‍वाका, मेराम र्‍वाक्‍मा ल्‍वा मेसो़ल्‍साका ङा पेम्‍डिम मेर्मिमका ल्‍वाम्‍डी।

थु़र्मा 10:29

मेम्‍मिमका गानी येट्‌ङिडिनिलो गो आमा नड्‌डा हाम वो मेमुर्सिक्‍साका रोङ्‌डो। लु र्‍वानी, हेङा येट्‌ङिडिनिम?”