थु़र्मा 10:22 - थुलुङ राई

²² मेर्मिमका र्‍वाम्‍डी, “गुकु कप्‍तान कर्नेलियसका थु़र्तिकिम बु। गुमी माम्‍चु़नीकु मिक्‍सीलामडा जो़पा खारी बेपा नुङ माम्‍चु़नीकु ङिम जु़ल्‍पा, मा खोत्‍ले यहूदीमिमका जो़पा माल्‍मिडिम कोङ मु़चु़ बुमी। इनीमा सिजेम गुमीका थो़मु माम्‍चु़नीकु कोङ पाह्रीचो़का गानी कर्नेलियसकु नेमडा येन्‍बेट्‌निमिम बु।”

थु़र्मा 10:22 Referans Kwoze

थु़र्मा 11:14

गुका गानालाई र्‍वामिम सिजेममिमका गाना नुङ खोत्‍ले इमा नेमडाम मु़चु़मिम सेल्‍सिनी”।’

थु़र्मा 10:2

कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।

३ यूहन्‍ना 1:12

खोत्‍ले मु़चु़का डेमेत्रियस छो़म जो़पा मु़चु़ र्‍वामी। मेम्‍मा गुका जो़पा खारी बु़मिमका आच्‍छाङाकाम सीसिडा गु लाम्‍दी र्‍वाक्‍पा ल्‍वासी। गुकु आकी त्‍वाका वो उमा दुथाम मेमङा र्‍वाकु, मा गुकु र्‍वाकुमिम ल्‍वा आच्‍छाङा र्‍वाक्‍पा गाना चना।

२ पत्रुस 3:2

माम्‍चु़नीकु सिजेम जेपा उनी मु़चु़मिमका माके र्‍वाम्‍डिम ल्‍वा नुङ इकी ङाचो़ नुङ गुइलाई सेल्‍पाका इनी थु़र्मामिमलामका बेबेट्‌निम ल्‍वा गो मिम्‍बेनिनी।

हिब्रू 12:23

पाह्रीला नङ र्‍याक्‍मा ङादो गक्‍पामिमकु घ्रो़म्‍दीडा गानी रोक्‍निम बु। खोत्‍ले मु़चु़कु निया बेपा माम्‍चु़नी नुङ माम्‍चु़नीकु न होप्‍माम जो़पा दु़म्‍पा मु़चु़मिमकु घ्रो़म्‍दीडा रोक्‍निम बु।

हिब्रू 11:2

माके इकीमा बेप-पापमिमकु उनी थो़रकाङा माम्‍चु़नीका मेर्मिमलाई द्‌वाम्‍डी।

हिब्रू 10:38

लावो आमा मिक्‍सीलामडा जो़पा दु़म्‍पा मु़चु़ ने थो़र बु़डु़मका मेसि, मा चङथो़ स्‍वा माला ने गो मेरामडाम मेगेर्सिङु।”

१ तिमोथी 3:7

बिशप थो़र मेलु़पामिमका वो जो़पा मिम्‍मिमिम दु़म्‍मु बासी, मेम्‍साका मु़चु़मिमका उमा दुथाम मेजो़पा जेमु मेल्‍वामी मा शैतानकु पेरडा मेहु।

२ कोरिन्‍थी 5:18

ओर्मिम खोत्‍ले माम्‍चु़नीका बेम्‍डिम सो़। गुमीका ख्रीष्‍टलामका उनीमा नुङ इकीमा न-थो़म घ्रो़म्‍बेसाड्‌डामी मा वाङमिम मु़चु़काम न-थो़म गुमीनुङ घ्रो़म्‍बेट्‌पा खारी वो गुइलाई ग्‍वाक्‍साड्‌डामी।

रोमी 1:17

जो़पा-सेलाका मु़चु़लाई माम्‍चु़नीका उनीमा त्‍वाकु ङादोडा हेसाका जो़पा दु़म्‍बेन्‍मी र्‍वाक्‍पा रेम्‍बु़, मा माम्‍चु़नीनुङ जो़पा दु़म्‍पा ल्‍वा ने थो़रलामङा चो़म्‍सी, मा थो़रकाङा खोत्‍ले रेथिबेडु़। मेम्‍साकाङा माम्‍चु़नीकु सिजेमका र्‍वा, “उहेम मु़चु़ थो़रलामका माम्‍चु़नीकु ङादोडा जो़पा न-गोकाम दु़म, मेराम मु़चु़काङा त्‍वारो़म ल्‍वासु़।”

थु़र्मा 24:15

मेर्मिमका जो़पा खारी बेपा नुङ मेजो़पा खारी बेपा मु़चु़मिम खोत्‍ले सिमिमा बमी र्‍वाक्‍साका माम्‍चु़नीडा लम्‍थाट्‌मिमिम होम्‍साका ङा गो वो लथाक्‍पुमिम बु।

थु़र्मा 22:12

“हननिया र्‍वाक्‍मा माम्‍चु़नीकु न-गो होप्‍माम, मा मोशाकु डु़म्‍लाका र्‍वामिम होम्‍साका दोपा कोले मु़चु़ बाइडा। मेरामलाई मेसिन्‍डाम खोत्‍ले यहूदीमिमका जो़पा मिम्‍थाल्‍मिडिम बाइडा।

थु़र्मा 10:33

मेकोतिमा दालाङा गो गानी येड्‌डा मु़चु़मिम थु़र्तोमी, मा आसिन्‍डा रोनिम छो़म ङा जो़पा दु़स्‍ताम बु। आथा माम्‍चु़नीका गानीनुङ र्‍वाम्‍डिम खोत्‍ले सिजेम थो़मु गुकु खोत्‍लेङा माम्‍चु़नीकु ङादोडा खोम्‍सिक्‍तोकोम बु।”

थु़र्मा 10:6

गु कोक्‍तेकु खारी बेपा सिमोनकाडा बु। मेराम सिमोनकु नेम दिरिदिनकु सो़पडा बु।”

थु़र्मा 6:3

मेम्‍मिमका ए वा-ल्‍वाकनी, खोत्‍ले मु़चु़मिमका द्‌वामिमिम नेप्‍चीनुङमा नुङ माम्‍चु़नी-पेलका लु़न्‍सिपा येतले मु़चु़ गानीगोलामका ङा छेनिमी, मा मेर्मिमलाई गुकु ओराम खारी बोमु थुकु।

यूहन्‍ना 17:20

“गो ओर्मिमकाम लागि कोङङा सो़म्‍दी मेबेउ। ओर्मिमकु सिजेमका सु़का गोडला थो़रलु़मी, मेर्मिमकाम लागि वो सो़म्‍दी बेउ।

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

यूहन्‍ना 13:20

आच्‍छाङा गो गानीलाई र्‍वाङु, गो थु़र्तोमलाई रपाका गोलाई रङी, मा गोलाई रपाका गोलाई थु़र्पालाई रङु़।”

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

यूहन्‍ना 6:63

पेलका कोङङा त्‍वारो़म ग्‍वाक्‍सा। मु़चु़कु सोका हाम वो मेबु़। गानीनुङ जेङडोम सिजेम ने त्‍वारो़म ग्‍वाक्‍पा पेल सो़।

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

लूका 23:50

योसेफ नङकाम कोले मु़चु़ बाइडा। गु माम्‍चु़नीकु न-गो होप्‍माम मा जो़पा मु़चु़ बाइडा। गु यहूदीमिमकु डोक्‍पु घ्रो़म्‍दीडाम कोले मु़चु़ बाइडा।

लूका 2:25

मेकोतिलो शिमियोन नङकाम कोले मु़चु़ यरूशलेमडा बाइडा। गु माम्‍चु़नीकु न-गो होप्‍माम नुङ उनी न होम्‍साका दोपा, मा ख्रीष्‍ट योमिमा इस्राएलीमिमलाई बोमी-थार्मिमिम लथाक्‍पा मु़चु़ बाइडा। माम्‍चु़नी-पेल गुनुङ बाम्‍डी,

मर्कूस 8:38

ओराम नाम्‍सु़रु़चो़ नुङ छु़लचो़मिमगोडा उहेम गो नुङ आमा सिजेमडाम उमा क्रो़म लु़, मिनीचो़ वो माम्‍चु़नी पापकु यु़म-झ्‍वाक्‍सीडा माम्‍चु़नीकु नङका साट्‌मा पाह्रीचो़मिमनुङ योलो मेरामडाम उमा क्रो़म लु़।”

मर्कूस 6:20

हेङालोने यूहन्‍ना जो़पा-नगोनुङमा नुङ सेपा मु़चु़ र्‍वाक्‍साका हेरोद गुनुङ ङिस्‍थाल्‍लाम बाइडा। मेम्‍मिमका गुका जो़होमका जु़ल्‍लु़म बाइडा। यूहन्‍नाकु सिजेम थो़स्‍थाल्‍लु़लो उ नडा हाम बोमु हाम बोमु दु़स्‍थाल्‍ला, लावो गेर्सिसाका ङा थो़स्‍थाल्‍लु़।

मत्ती 1:19

मरियमकु वोचु़ योसेफ न-थो़मनुङमा मु़चु़ बाइडा। मेम्‍मिमका मु़चु़मिमकु ङादोडा उ नाइमेकु नो़-कल मेपार्सामु नका मेचहोमका मरियमलाई ङेन्‍मु न बु़डु़।

मत्ती 2:12

माम्‍चु़नीका मे ज्‍योतिषीमिमलाई ङिमाडा “हेरोदकाडा मामा ख्‍लोन्‍सिनी सो़!” बेम्‍डी। मेम्‍मा मेर्मिम कोङमी ङा लाम्‍दीलाम उनी नेब्‍दी ख्‍लोम्‍सिम्‍डी।

लूका 9:26

कोङनिम मु़चु़गोडाम नुङ आमा सिजेमडाम उ क्रो़म लु़ माला मिनीचो़ वो उ यु़म-झ्‍वाक्‍सीडा, उ पापकु यु़म-झ्‍वाक्‍सीडा मा उनी नङका साट्‌मा पाह्रीचो़मिमकु यु़म-झ्‍वाक्‍सीडा योलो मेराम मु़चु़डाम उ क्रो़म लु़।

थु़र्मा 10:21

मेकोतिमा पत्रुस ध्‍वायु़ योक्‍ता, मा मे मु़चु़मिमकाडा लस्‍तामा र्‍वाक्‍ता, “रेप्‍नी, गानी माल्‍निमिम मु़चु़ गो ङा सो़। गानी आसिन्‍डा हाम र्‍वाप्‍डा रोन्‍फाट्‌नी?”

थु़र्मा 10:30

मेकोतिमा कर्नेलियसका र्‍वाक्‍ता, “ब्‍ललेम ङादो ओराम थारीकाङा नेम्‍फुम सु जेस्‍ताम बिलि नेमडा गो सो़म्‍दी बेउतोम बाङडो। मेकोतिलो कोचोत्ति बुबुयाम ये फतासिट्‌पा कोङ पाह्रीचो़ आमा ङादोडा रेम्‍बेसिड्‌डा,

रेम्‍बेट्‌मिडिम ल्‍वा 14:10

मेरामका माम्‍चु़नीकु ङिमलु़पा छोक्‍चोकाम अङ्‍गूरकु बिलाम डुमु बासी। माम्‍चु़नीकु छोक्‍चोकु कान्‍चु़रेडाम मेराम अङ्‍गूरकु बिलाम अमी। मेराम मु़चु़का सेपा पाह्रीचो़मिम नुङ भेन्‍दाचो़कु ङादोडा वाक्‍पा गन्‍धकका उ थो़म्‍बोक पिपा कोतिम दु़खा ल्‍वासु़।