थु़र्मा 10:15 - थुलुङ राई

¹⁵ आथावो मेराम लो़लामका पत्रुसनुङ र्‍वाक्‍ता, “माम्‍चु़नीका उहेमलाई सेपा बेम्‍डिम बु, मेराम गाना मेसेपा मेमिम्‍डा।”

थु़र्मा 10:15 Referans Kwoze

१ कोरिन्थी 10:25

सो़ भ्रेन्‍खोपडा भ्रेट्‌मा उहेम सो़ लोवो ओराम सासेट्‍मा डे मेएँ र्‍वाक्‍साका हिलाहिसी मेबेसाका पेनी।

मत्ती 15:11

सिलामका हाम हु मेरामका मु़चु़लाई मेसेपा मेबु़, लावो सिलामका हाम ल्‍वा पाखानो लु, मेरामका मु़चु़लाई मेसेपा बु़।”

तीतस 1:15

न-गो सेपा मु़चु़मिमकाम लागि खोत्‍लेङा सेपा दु़म। लावो मेजो़पा न-गोनुङमा नुङ थो़र मेलु़पा मु़चु़मिमकाम लागि ने हाम वो सेपा मेदु़म। हेङालोने मेर्मिमकु न नुङ नेप्‍चीङा मेजो़पा दु़स्‍ताम बु।

मर्कूस 7:19

हेङालोने मेराम मु़चु़कु गोगोनो मेएँ ख्‍वाचेपगोनो ल, मा मेलामका पाखानो लुल्‍या।” (आरेसाका खोत्‍ले पोमुथोकमिम सेपाङा दु़म र्‍वाक्‍साका गुमीका र्‍वाम्‍डी।)

रोमी 14:14

ङाचो़ येशूडा थो़र बेउतोमका गो ओराम ल्‍वा आच्‍छाङा चक्‍पु, बाम वो पोमुथोक त्‍वापङा मेसेपा मेदु़म। लावो कोङनिमका हाम-हुम पोमुथोक मेसेपा मिम्‍डु़ माला उमा लागि मेराम मेसेपा ङा दु़म।

थु़र्मा 10:28

पत्रुसका मेर्मिमनुङ र्‍वाक्‍ता, “वाङसामामिमनुङ घ्रो़म्‍मु, बुमु गुकु यहूदीलाई डु़म्‍लाका मेग्‍वाकी र्‍वाक्‍पा ल्‍वा गानी खोत्‍लेका जो़होमका चनिमिम ङा बु। लावो आथा उहेम मु़चु़लाई वो मेसेपा नुङ घ्राम्‍लु़पा मिम्‍सी मेनु़ र्‍वाक्‍साका माम्‍चु़नीका गोलाई रेम्‍बेट्‌ङिडिमिम बु।

थु़र्मा 11:9

आथावो मेराम लो़लामका पाह्रीलामका र्‍वाक्‍ता, ‘माम्‍चु़नीका उहेमलाई सेपा बेम्‍डिम बु, मेराम गाना मेसेपा मेमिम्‍डा।’

रोमी 14:20

पोमुडुमुकाम लागि माम्‍चु़नीकु खारी पुयु़ मेलुबेट्‍नी। खोत्‍लेङा पोमुडुमुमिम सेपा दु़म मा पेसी नु़, लावो कोङनिमलाई माम्‍चु़नीकु लाम्‍दीडा लाम्‍दिमु भोपा पोमुथोक पोमु ने मेजो़पाङा सो़।

थु़र्मा 15:20

लावो मेर्मिमलाई ओराम ल्‍वा र्‍याकिमा थु़र्सी– ङाटाकु नङ बेम्‍मामिम हाम वो मेपेनी, नाम्‍सु़रु़ मेबेनी, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि मेपेनी।

थु़र्मा 15:9

गुमीका वाङसामामिम नुङ गुइलाई मेफ्‍वाक्‍सामिवा, लावो मेर्मिमका थो़र लु़म्‍डिमका गुमीका खोत्‍लेकु न-गो सेपा दु़म्‍बेट्‌मिडी।

थु़र्मा 15:29

ङाटालाई सासेट्‌मा पोमु-डुमु, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि गानी मेपेनी, मा नाम्‍सु़रु़ मेबेनी। ओर्मिम खोत्‍ले ल्‍वामिमडाम वाङ बान्‍नी माला छो़म ङा जो़पा दु़म, लौ आकोति ङा।”

रेम्‍बेट्‌मिडिम ल्‍वा 14:20

शहरकु पाखालाम अङ्‍गूर देम्‍साका खाल्‍पा खोमडा मे अङ्‍गूरमिम खाल्‍सिम्‍डी, मा मे अङ्‍गूर खाल्‍पा खोमलामका सिसि हास्‍तामा लुक्‍ता। मे सिसि घोडाकु लगाम घ्‍लु़म्‍पा मा सु सङ किलोमिटर कोकोनोसम्‍म रोक्‍थिड्‌डाम बाइडा।

थु़र्मा 10:16

सु खेपसम्‍म आरेप्‍माङा दु़स्‍ता, मा मेराम प्‍लान बेखोप होप्‍माम ये पाह्रीथो़ ख्‍लोसिड्‌डा।